2 SAMUEL 9:10 - Hakcipta - Biatah Bidayuh

¹⁰ Kuu, bara anak dari mu, ngga bara daya-gaji mu re biteya birŭmŭh di tana anŭ yŭn rawang tuan mu Saul ka ngatŭm buwa-i, ngga kudip ngara. Pak adŭp Mephibosheth re ari sua man di mija ku.” (Ziba biyŭn simŭng rimŭh naan anak dari ka duwŭh puru naan daya-gaji.)

2 SAMUEL 9:10 ပူးပေါင်းရင်းမြစ်များ

2 SAMUEL 16:3

“Diki Mephibosheth, sukuh tuan mu Saul?” raja siken ayŭh. “Ayŭh rŭŭ di Jerusalem,” Ziba nam, “sabab ayŭh puan nang bara daya Israel re nggen pari di ayŭh pritah babai-i Saul.”

2 SAMUEL 19:18

Ngara mutas yang anŭ re nguru tibaran raja mutas ka ndai tadŭ kayuh adi raja raan. Darŭm raja aŭn sidia re mutas, Shimei taran adŭp-i di sirung jawin-i

2 SAMUEL 19:28

Sopŭrŭg rawang sama ku taŭn patut dog ukum kabŭs di tangan Tuan Raja, pak kaam mbŭh nyibandar aku man di mija mai. Aku dŭh re tia birani mite tadŭ tadŭ kayuh so Tuan Raja.”

2 SAMUEL 21:7

Amai sabab payu adi ayŭh ngga Jonathan ko ndai ayŭh dŭh bada Mephibosheth anak Jonathan dog siŭ, adi sukuh Saul.

2 SAMUEL 9:7

“Dŭhnyah taru,” David nang di ayŭh. “Aku re kana ngga kuu amai sama mu Jonathan. Aku re nggen pari ka kuu sopŭrŭg tana adi babai mu Saul ko dapu, ka kuu re ari sua man ngga aku.”

1 RAJA 2:7

“Pak kiren mandis mu di bara anak Barzillai so Gilead ka nakit kingat ngara, sabab ngara mandis ngga aku di tika aku bu so jurud mu Absalom.

2 RAJA 25:29

Jadi Jehoiachin dog nyibandar dŭh tia nēn piraka-i adi-i nēn di ramin jer ka sitŭkŭd umbur-i ari sua guru man ayō raja.

JEREMIAH 52:34

Barang andu, sitŭkŭd umbur-i, ayŭh ari dog nggen duit ngga miris kayuh adi-i biguna.

LUKE 14:15

Kan ndi naan so ngara adi sua guru man dingah kayuh anŭ, ayŭh nang di Jesus, “Munki masam sanang inŭh ngara adi re guru man di gawai darŭm Ong Bauh Tapa!”