2 SAMUEL 7:25 - Hakcipta - Biatah Bidayuh

²⁵ “Ka madin, TUHAN Tapa, pijadi yŭn adu adu janji adi Kaam mbŭh ndai pasar aku ngga bara sesang ku, ka ndai kayuh adi Kaam nang adŭp Mai re ndai.

2 SAMUEL 7:25 ပူးပေါင်းရင်းမြစ်များ

TIBIRIK 32:12

Ingat Kaam mbŭh bijanji re bada pimudip ku mujur ka nggen bagŭ sesang di aku rabis so tungang daya mirang, keya ka sumat di pang rawŭt.”

2 SAMUEL 7:24

Kaam mbŭh bada Israel adu adu jadi daya adŭp Mai, ka Kaam, TUHAN, mbŭh jadi Tapa ngara.

2 SAMUEL 7:26

Adŭn Mai re jadi timagah, ka daya re adu adu nang, ‘TUHAN Bisa-pŭrŭg inŭh Tapa Israel.’ Ka Kaam re bada takta ku tan adu adu yŭn barang turap sesang ku.

1 RAJA 2:4

Kambŭi kuu tunda pinganang-I, TUHAN re sita janji adi-I ndai di tika Ayŭh kidaan di aku nang sesang ku re mritah Israel sitian ngara nakit tunda ngga tŭtŭd pinyipesan-I ngga siabo atin ka asŭng ngara.

1 RAJA 8:26

Jadi madin, O Tapa Israel, bada jadi bitŭtŭk kayuh adi Kaam mbŭh bijanji di sama ku David, adi urun Mai.

2 KRONIKEL 6:17

Jadi madin, TUHAN Tapa Israel, bada jadi bitŭtŭk sopŭrŭg kayuh adi Kaam mbŭh bijanji ngga urun Mai David.

MAZMUR 119:38

Ingat janji Mai ngga aku, adi urun Mai — janji adi Kaam mbŭh ndai ngga daya adi dingah pinganang Mai.

MAZMUR 119:49

Ingat janji Mai ngga aku, adi urun Mai; janji Mai anŭ mbŭh nggen di aku pingarap.

EZEKIEL 36:37

TUHAN Raja nang, “Aku re pari dinge bada bara daya Israel mite turung so Aku, ka Aku re bada ngara bitambah bagŭ mun kaban biri.

1 SAMUEL 1:23

Elkanah nam, “Kana gŭh, ndai nanyam patut sŭn adŭp mu nang. Rŭŭ di arŭn ka sita ayŭh ndŭg ka ayŭh mbŭh dŭh tia nyisuh. Ka isa-i TUHAN bada janji mu jadi bitŭtŭk.” Jadi Hannah rŭŭ di arŭn ka sita anak-i.