2 SAMUEL 7:23 - Hakcipta - Biatah Bidayuh

²³ Mating bangsa bŭkŭn re mun Israel, adi Kaam pirupas so jadi urun bada jadi daya adŭp Mai. Kayuh adi bās buang raru kana adi Kaam ndai yŭn ngara mbŭh bada Kaam timagah di ndi ong ong. Kaam pibu bangsa bangsa bŭkŭn ngga tapa tapa ngara darŭm daya Mai masang darŭm pimanu ngara, daya adi Kaam pirupas so Egypt bada jadi daya adŭp Mai.

2 SAMUEL 7:23 ပူးပေါင်းရင်းမြစ်များ

2 SAMUEL 7:24

Kaam mbŭh bada Israel adu adu jadi daya adŭp Mai, ka Kaam, TUHAN, mbŭh jadi Tapa ngara.

1 KRONIKEL 17:21

Mating bangsa bŭkŭn di ong mun Israel, adi Kaam pirupas so jadi urun siŭn jadi daya Mai. Kayuh bās ngga kayuh saruh adi Kaam mbŭh ndai yŭn ngara mbŭh bada adŭn Mai timagah di ndi ong ong. Kaam pirupas daya Mai so Egypt ka pibu bangsa bangsa bŭkŭn darŭm daya Mai masang darŭm pimanu ngara.

NEHEMIAH 1:10

“TUHAN, ngara ati inŭh urun Mai, daya adŭp Mai. Kaam mbŭh nyiramat ngara ngga kuasa bās Mai ka ngga pinyibake.

MAZMUR 106:22

Munki masam saruh kayuh ndai-I diginŭ! Munki masam nginga nŭŭh kiris kayuh di Rawŭt Bireh!

MAZMUR 111:9

Ayŭh pirupas daya-I ka ndai simanya adi tan adu adu ngga ngara. Kudus buang bikuasa inŭh Ayŭh!

MAZMUR 145:6

Daya re minyu pasar pingandai bās Mai, ka aku re piagah bās Mai.

MAZMUR 147:20

Ayŭh dŭh ndai simŭnŭ di bangsa bŭkŭn; ngara dŭh puan ukum adat-I. Muji meh TUHAN!

MAZMUR 40:5

Kaam mbŭh ndai bagŭ kayuh yŭn ami, O TUHAN Tapa ami; mating adi bŭkŭn re mun Kaam! Kaam mbŭh ndai bagŭ pusar adi kana yŭn ami. Aku dŭh dapŭd re nyuse sopŭrŭg-i amai-i raru bagŭ!

MAZMUR 44:3

Daya Mai dŭh ngarah tarun tana anŭ ngga pedang; ngara dŭh dapŭd-i ngga kuasa adŭp ngara; pak ngga kuasa ka pinyibake Mai, ngga Kaam adi sawŭ agi ngga ngara, adi kiren Kaam rindu ngara.

MAZMUR 65:5

Kaam nam kieh ka nggen pimanang di kieh ka Kaam mbŭh ndai pingandai saruh ngga nyiramat kieh. Daya di ndi ong ong samŭn adi jeh mutas rawŭt adi jo sabah di Kaam.

MAZMUR 66:3

Nang di Tapa, “Munki masam saruh kayuh adi Kaam ndai! Kuasa Mai inŭh raru bās ndŭg ka pinganyu Mai mutu darŭm taru di sirung jawin Mai.

PINYIRUAH 12:12

“Ngarŭm anŭ Aku re panu kudak Egypt, siŭ barang anak pinuai dari daya Egypt samŭn anak bungas dari dāng ngara, ka ngukum sopŭrŭg tapa Egypt. Aku ati TUHAN.

PINYIRUAH 33:16

Simuki daya re bisa puan nang Kaam munos asŭng di daya Mai ka di aku kambŭi Kaam dŭh panu ngga kieh? Kambŭi Kaam agi ngga kieh, kieh tungang dog ngatŭn so tadŭ tadŭ bangsa bŭkŭn di ong.”

PINYIRUAH 6:7

Aku re bada angān jadi daya adŭp Ku ka Aku re jadi Tapa ngan. Angān re puan nang Aku ati TUHAN adi Tapa ngan kan Aku pirupas angān so dog piurun di Egypt.

PINYIRUAH 9:15

Kambŭi Aku pakat tangan Ku ka kudog kuu samŭn daya daya mu ngga andam, taŭn angān madin mbŭh abo binasa.

PINYIRUAH 9:16

Pak ngga Aku kiren kuasa Ku di kuu, Aku mbŭh tandah kuu udip isa Adŭn Ku dog puan di ndi ong ong.

JEREMIAH 32:20

Ndun jah, Kaam ndai pingandai-nginga ngga pingandai-saruh di Egypt, ka Kaam babŭ ndai-i ndŭg andu ati, di Israel ngga di bangsa bangsa bŭkŭn, siŭn madin Kaam dog puan di barang yŭn.

JEREMIAH 32:21

Ngga pingandai-nginga ka pingandai-saruh adi pitaru pinganyu ami, Kaam pakai kuasa ka pinyibake ngga taban daya Mai Israel ruah so Egypt.

EZEKIEL 20:9

Pak Aku dŭh jadi ndai simŭnŭ, amai anŭ bisa taban arap di Adŭn Ku, nambah gŭh dinge di sirung jawin daya adi bigaur udip ngga ngara Aku mbŭh kidaan di Israel nang Aku an nguru ngara ruah so Egypt.

PINYIKIANG 6:27

Ka TUHAN nang, “Kambŭi ngara nyabŭt adŭn Ku ngga nyiberkat daya Israel, Aku re nyiberkat ngara.”

EPHESUS 1:6

Ja ata muji Tapa amai pinyirasi mandis-I adi bragah, amai pinganggen bās-I adi-I mbŭh nggen di ata darŭm Anak nyirot-I!

DITRONOMI 10:21

Muji Ayŭh — Ayŭh inŭh Tapa ngan, ka angān mbŭh kiris ngga batuh adŭp ngan kayuh kayuh bās ngga kayuh kayuh saruh adi mbŭh-I ndai yŭn ngan.

DITRONOMI 15:15

Ingat adŭp ngan muko jadi urun di Egypt, ka TUHAN adi Tapa ngan mbŭh pirupas angān; anŭ inŭh sabab-i aku madin nggen di angān pesan ati.

DITRONOMI 33:29

O Israel, mbŭh raru gaŭn inŭh angān! Mating daya bŭkŭn mun angān, bangsa adi dog nyiramat TUHAN. Adŭp TUHAN inŭh pinangin ngga pedang ngan, adi grindung ka nggen pimanang di angān. Pinganyu ngan re mandŭg mite masi, ka angān re bidigang di tunduh ngara.

DITRONOMI 9:26

Jadi aku bidua, ‘TUHAN Raja, dŭhnyah pirabur daya adŭp Mai, daya adi Kaam mbŭh piruah so Egypt pakai pinyibake ngga kuasa Mai adi bās.

TITUS 2:14

Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.

JOSHUA 7:9

Daya Canaan ngga sopŭrŭg daya bŭkŭn adi di rais ati re dingah pasar kayuh anŭ. Ngara re kirurung kieh ka siŭ barang naan kieh! Simuki meh Kaam re tak bragah adŭn Mai?”

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

PINANDŬNG 5:9

Ngara nang ragu adi bauh: “Kaam inŭh adi sadang kana tambit surat-barun anŭ ka kuka patis patis-i. Amai Kaam ko dog siŭ, ka ngga pinyikabŭs Mai adi sadis Kaam mbŭh miris yŭn Tapa daya so barang tibaran-asar, piminyu, rais, ngga bangsa.