2 SAMUEL 7:22 - Hakcipta - Biatah Bidayuh

²² Kaam adi raru bās, TUHAN Raja! Mating Tapa bŭkŭn adi re mun Kaam; tian-ti kieh mbŭh puan nang Kaam sadi adŭ Tapa.

2 SAMUEL 7:22 ပူးပေါင်းရင်းမြစ်များ

2 SAMUEL 22:32

TUHAN sadi adŭ adi Tapa; Tapa sadi adŭ adi pingibān ta.

1 RAJA 8:23

ka bidua, “TUHAN adi Tapa Israel, mating tapa bŭkŭn mun Kaam di rangit puan kah di ong! Kaam sita simanya Mai ngga daya Mai ka kiren di ngara pinyirindu Mai kan ngara nundok di Kaam ngga siabo atin ngara.

1 KRONIKEL 16:25

TUHAN inŭh bās ka adi rabis patut dog muji; Ayŭh dŭh siŭn dŭh dog stabi rabis so sopŭrŭg tapa adi bŭkŭn.

2 KRONIKEL 2:5

Aku mbŭh bisatur an pijog ndi ramin adi bās, sabab Tapa ami inŭh bās dŭ so tapa adi bŭkŭn.

MAZMUR 135:5

Aku puan TUHAN inŭh bās, bās so sopŭrŭg tapa.

MAZMUR 145:3

TUHAN inŭh bās ka patut bana dog muji; bās-I rabis so tungang dog mirati.

MAZMUR 44:1

Ngga kajit ami kieh mbŭh dingah, O Tapa. Tayung-babuk ami mbŭh kidaan di kieh, pasar kayuh bās adi Kaam mbŭh ndai di jaman ngara, ndun jah:

MAZMUR 48:1

TUHAN inŭh bās ka patut bana dog kibās di kupo bās Tapa ta, di tunduh sandah kudus-I.

MAZMUR 86:10

Kaam inŭh bikuasa ka ndai kayuh adi saruh; Kaam sadi inŭh Tapa.

MAZMUR 86:8

Mating tapa bŭkŭn mun Kaam, O TUHAN, mating adi bŭkŭn mbŭh ndai kayuh adi Kaam mbŭh ndai.

MAZMUR 89:6

Mating adi bŭkŭn di rangit re brimun ngga Kaam, TUHAN; mating malaikat di shorga re tungang dog danding ngga Kaam.

MAZMUR 89:8

TUHAN Tapa Bisa-pŭrŭg, mating adi bŭkŭn adi bikuasa mun Kaam; darŭm sopŭrŭg kayuh Kaam inŭh tŭtŭd, O TUHAN.

MAZMUR 96:4

TUHAN inŭh bās ka patut dog muji; Ayŭh inŭh patut dog stabi rabis so tapa tapa adi bŭkŭn.

PINYIRUAH 10:2

ka isa kuu bisa kidaan di bara anak sukuh mu munki masam Aku nyibudo bara daya Egypt kan Aku ndai pingandai-nginga. Sopŭrŭg ngan re puan nang Aku ati TUHAN.”

PINYIRUAH 15:11

“TUHAN, asi adi dupan bara tapa re mun Kaam? Asi re mun Kaam, bibragah buang kudus? Asi re bisa ndai pingandai-nginga ka pingandai bās mun jamai?

PINYIRUAH 8:10

Raja nam, “Bidua yŭn ku sipagi.” Moses nam, “Aku re ndai nanyam pimite mai, isa kaam puan nang mating tapa adi bŭkŭn adi mun TUHAN adi Tapa ami.

PINYIRUAH 8:6

Jadi Aaron pakat sikud-i di tunduh piin, ka bara tigarag mandŭg ka muno tarun tana Egypt.

PINYIRUAH 9:14

Kari ati Aku dŭh re ngukum bara pinurung mu ngga bara daya mu adŭ, pak Aku re ngukum kuu ani, isa kuu puan nang mating adi bŭkŭn mun Aku di ndi ong ong.

ISAIAH 40:18

Asi dapŭd ata danding ngga Tapa? Dapŭd kah angān kidaan munki Ayŭh?

ISAIAH 40:25

Asi dapŭd ata danding ngga Tapa kudus? Agi kah adi mun Ayŭh?

ISAIAH 45:18

TUHAN napa rangit — Ayŭh inŭh sianŭ adi Tapa! Ayŭh adi ndai ka pijadi ong — Ayŭh bada-i tagap ka tan tui. Ayŭh dŭh bada-i jadi tarun yŭn adi mating ani ani dieh, pak bada-i jadi tarun yŭn manusia rŭŭ, ka mating tapa adi bŭkŭn.

ISAIAH 45:22

“Marik pimudip ngan pari ka Aku madin, angān daya di ndi ong ong, isa angān dog nyiramat! Ripas so Aku, mating adi bŭkŭn.

ISAIAH 45:5

“Aku ati TUHAN; mating tapa bŭkŭn. Aku re nggen di kuu pinyibake adi kuu biguna, sunggu kuu dŭh puan Aku.

EZEKIEL 36:22

“Jadi madin, nggen di bara daya Israel pinganang adi Aku, TUHAN Raja, nang di ngara: kayuh adi Aku re ndai dŭh inŭh yŭn kana ngan bara daya Israel, pak yŭn kana adŭn kudus adŭp Ku, adi angān mbŭh nyembar di barang rais adi ka ngan panu.

EZEKIEL 36:32

Israel, Aku raan angān puan nang Aku ndai sopŭrŭg anŭ dŭh yŭn kana ngan. Aku raan angān kinyam mangŭh sabab kraja pingandai ngan. Aku, adi TUHAN Raja, mbŭh minyu.”

DANIEL 2:45

Kaam kiris munki batuh tanggar so jenjang dŭh so ka dog tama daya ka munki batuh anŭ nyatŭk patong anŭ adi dog ndai so basi, timaga, tana-riyat, ka mas. Tapa adi bās inŭh kidaan di Tuan Raja kayuh adi re jadi jŭ. Aku mbŭh kubo kidaan pŭmŭh mai, ka mbŭh kidaan di kaam rati-i adi sawŭ.”

MICAH 7:18

Mating tapa bŭkŭn mun Kaam, O TUHAN. Kaam apun dosa daya Mai adi babŭ udip. Kaam dŭh adu adu baji, pak Kaam raan dŭ kiren pinyirindu Mai adi dŭh bisa birubah.

DITRONOMI 3:24

‘TUHAN Raja, aku puan nang Kaam mbŭh kiren di aku batur-i puun sibungas pingandai Mai adi bās ngga saruh adi re Mai ndai. Mating tapa adi bŭkŭn di rangit puan kah di ong adi bisa ndai kayuh adi raru bās adi Kaam mbŭh ndai!

DITRONOMI 32:39

“ ‘Aku, ka Aku sadi adŭ adi Tapa; mating tapa adi bŭkŭn adi sawŭ. Aku siŭ ka Aku kudip; Aku bada tawan ka Aku bada bua, ka mating daya bisa matah kayuh adi ndai Ku.

DITRONOMI 4:35

TUHAN mbŭh kiren di angān kayuh anŭ, ngga kiren di angān nang adŭp-I sadi adŭ Tapa, mating adi bŭkŭn.

DITRONOMI 4:39

Jadi ingat andu ati ka dŭhnyah kambŭt: TUHAN inŭh Tapa di rangit ngga di ong. Mating tapa adi bŭkŭn.

1 SAMUEL 2:2

“Mating adi bŭkŭn re kudus mun TUHAN, mating adi bŭkŭn mun Ayŭh, Tapa ta sadi adŭ tungang grindung ata.