2 SAMUEL 7:13 - Hakcipta - Biatah Bidayuh

¹³ Ayŭh inŭh adi re pijog ramin yŭn Ku, ka Aku re natu takta-i re tan adu adu yŭn barang turap sesang-i.

2 SAMUEL 7:13 ပူးပေါင်းရင်းမြစ်များ

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

2 SAMUEL 22:51

Tapa nggen pimanang adi bās di raja-I; Ayŭh kiren pinyirindu adi dŭh bisa birubah di sianŭ adi-I mbŭh mien, di David ngga di bara sesang-i ndŭg situi tui.

2 SAMUEL 7:16

Kuu re adu adu biyŭn bara sesang, ka Aku re bada pritah mu tan adu adu. Taris asar pinyipritah mu re dŭh mungan.’ ”

2 SAMUEL 7:27

TUHAN Bisa-pŭrŭg, Tapa Israel! Aku birani bidua simŭnŭ ka Kaam, sabab Kaam mbŭh pinandŭng sopŭrŭg kayuh ati di aku, adi urun Mai, ka mbŭh kidaan di aku nang Kaam re bada sesang sesang ku jadi raja.

1 RAJA 2:24

TUHAN mbŭh nakit piguru aku di takta sama ku David; ayŭh mbŭh ingat janji-I ka mbŭh nggen pritah-i di aku ka di bara sesang ku. Aku bipayu ngga adŭn TUHAN, Adonijah re dog siŭ andu ati!”

1 RAJA 2:4

Kambŭi kuu tunda pinganang-I, TUHAN re sita janji adi-I ndai di tika Ayŭh kidaan di aku nang sesang ku re mritah Israel sitian ngara nakit tunda ngga tŭtŭd pinyipesan-I ngga siabo atin ka asŭng ngara.

1 RAJA 2:45

Pak Ayŭh re nyiberkat aku ka bada pritah David adu adu pagŭng.”

1 RAJA 5:5

TUHAN bijanji ngga sama ku David, ‘Anak mu, adi Aku re bada jadi raja ripas kuu, re pijog Ramin yŭn Ku.’ Ka aku madin mbŭh natu adŭp ku re pijog Ramin yŭn nyambah TUHAN adi Tapa ku.

1 RAJA 6:12

“Kambŭi kuu tunda sopŭrŭg ukum-adat ngga pinyipesan ku, Aku re ndai yŭn mu kayuh adi Aku mbŭh bijanji di sama mu David.

1 RAJA 8:13

Madin aku mbŭh pijog ramin adi grua yŭn Mai, tarun yŭn Mai rŭŭ ndŭg situi tui.”

1 RAJA 8:15

Ayŭh nang, “Puji ka TUHAN adi Tapa Israel! Ayŭh mbŭh ingat janji adi-I ndai ngga sama ku David, kan-I nang,

1 RAJA 8:19

pak kuu taŭn re dŭh pijog-i. Anak mu, anak adŭp mu, adi re pijog ramin Ku.’

2 RAJA 21:4

Ayŭh pijog mija-sambah adat karŭm darŭm Ramin TUHAN, tarun yŭn adi TUHAN muko kidaan nang tarun yŭn adŭp-I dog nyambah.

2 RAJA 21:7

Ayŭh na tandā pinatŭng tapa Asherah di Ramin TUHAN, tarun yŭn adi TUHAN muko kidaan di David ngga di anak-i Solomon: “Digiti di Jerusalem, di Ramin Ku ati, inŭh tarun yŭn adi Aku mbŭh mien so dudu tarun tana simŭng duwŭh tibaran-asar Israel ndu tarun yŭn Aku dog nyambah.

2 RAJA 8:19

pak TUHAN dŭh raan pirabur Judah, amai Ayŭh mbŭh bijanji ngga urun-i David nang sesang-i re adu adu mritah.

1 KRONIKEL 28:10

Kuu dŭh siŭn dŭh ingat Ayŭh mbŭh mien kuu bada pijog ramin kudus-I. Pijog-i, ngga siabo atin mu.”

2 KRONIKEL 33:4

Ayŭh pijog mija mija-sambah adat karŭm darŭm Ramin TUHAN, tarun yŭn adi TUHAN nang yŭn nyambah adŭp-I ndŭg situi tui.

2 KRONIKEL 6:16

Madin, TUHAN Tapa Israel, bada bitŭtŭk gŭh janji adi bŭkŭn adi Kaam mbŭh ndai ngga sama ku kan Kaam kidaan di ayŭh nang re ari agi so bara sesang-i jadi raja Israel, atas ngara nakit tunda Ukum-adat Mai mun adŭp-i

JOB 36:7

Ayŭh grindung ngara adi tŭnggŭn; Ayŭh nyibandar ngara mritah mun raja ka tandah ngara adu adu dog stabi.

MAZMUR 72:17

Isa-i dŭn raja dŭh re dog kambŭt; isa-i bragah raja tan adu adu mun batŭh andu. Isa-i sopŭrŭg bangsa mite Tapa nyiberkat ngara nimun Ayŭh mbŭh nyiberkat raja.

MAZMUR 89:21

Pinyibake Ku re siraru agi ngga ayŭh, kuasa Ku re bada ayŭh bake.

MAZMUR 89:29

Takta-i re tan mun rangit; sesang-i re siraru jadi raja.

MAZMUR 89:4

‘Sesang mu re ari jadi raja; Aku re kingat takta mu ndŭg situi tui.’ ”

ISAIAH 49:8

TUHAN nang di daya-I, “Kan tika-i mbŭh mandŭg ngga nyiramat angān, Aku re ndai kana di angān ka nam sirŭŭn ngan mite turung. Aku nguan angān ka grindung angān ka so angān Aku re ndai simanya ngga sopŭrŭg daya. Aku re bada angān rŭŭ dinge di tarun tana ngan adi madin mbŭh jadi tibawang.

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

JEREMIAH 33:17

Aku, adi TUHAN, bijanji nang re ari agi ndi naan so sesang David jadi raja Israel

EZEKIEL 37:25

Ngara re udip di tarun tana adi Aku nggen di urun Ku Jacob, tarun tana di yŭn tayung-babuk ngara rŭŭ. Ngara re rŭŭ diginŭ ndŭg situi tui, ka simŭnŭ gŭh bara anak ngara samŭn bara sesang ngara. Raja adi mun urun Ku David re mritah ngara ndŭg situi tui.

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

ZECHARIAH 6:12

Kidaan di ayŭh nang TUHAN Bisa-pŭrŭg nang, ‘Daya adi dog kadŭn Daan re mujur di tarun yŭn adŭp-i ka pari pijog Ramin TUHAN.

ZECHARIAH 6:13

Ayŭh inŭh sianŭ adi re pari pijog-i ka re kambat stabi adi dog nggen di raja, ka ayŭh re mritah daya-i. Ndi naan imam re mijog ngapid takta-i, ka ngara re samah nyiraja darŭm damai ka bamai.’

MATTHEW 16:18

Ngapŭi Aku kidaan di kuu, Peter: kuu inŭh batuh, ka di tunduh batuh pinagap-rasan ati Aku re pijog eklisia Ku, ka pinyikabŭs bina dŭh re tungang ngarah-i.

HEBREW 3:3

Daya adi pijog ramin dapŭd stabi rabis bās so adŭp ramin anŭ. Simŭnŭ gŭh Jesus patut dapŭd stabi rabis bās so adi Moses dapŭd.

1 PETER 2:5

Mandŭg meh mun batuh batuh adi udip, ka bada adŭp ngan dog pakai ngga pijog ramin Tapa adi roh, di yŭn ngan jadi bara imam adi kudus adi jugan sadis roh adi tibirang di Tapa so Jesus Kristus.