2 SAMUEL 24:13 - Hakcipta - Biatah Bidayuh

¹³ Gad di ka yŭn-i, kidaan pinganang TUHAN, ka siken, “Aki ndi meh re mai mien? Apag taruh sawa di rais mai, puan kah taruh buran bu mangān pinganyu mai, puan kah taruh andu sesak-andam dog rais mai? Nakit pikir, ka kidaan di aku pinyinam mai adi re aku taban ka TUHAN.”

2 SAMUEL 24:13 ပူးပေါင်းရင်းမြစ်များ

2 SAMUEL 21:1

Di jaman pinyipritah David agi apag adi bisā sitŭkŭd taruh sawa. Jadi David siken TUHAN pasar anŭ, ka TUHAN nang, “Saul ngga rawang-i mbŭh sarah amai ko siŭ daya; ayŭh nggen ukum kabŭs di daya Gibeon.”

2 RAJA 8:1

Jadi Elisha muko kidaan di dayung adi rŭŭ di Shunem, adi anak dari-i ayŭh muko bada pari udip, nang TUHAN re pait apag di tarun tana Israel sitŭkŭd ju sawa, ka ayŭh ngga rawang-i dŭh siŭn dŭh bu ka rŭŭ di tarun bŭkŭn.

1 KRONIKEL 21:12

Taruh sawa apag? Puan kah taruh buran bu mangān bara tibaran soldadu pinganyu mu? Puan kah taruh andu TUHAN nyerang kuu ngga pedang-I ka pait sesak-andam di tana mu, pakai malaikat-I adi tukang taban pinyikabŭs di ndi tarun tana Israel? Ani pinyinam re aku taban ka TUHAN?”

MAZMUR 91:6

puan kah sesak andam adi nyerang singarŭm puan kah arap adi siŭ di tipuh jawa andu.

PINYIRUAH 7:25

Ju andu ripuan ripas TUHAN ko masut piin.

EZEKIEL 14:13

“Manusia,” Ayŭh nang, “Kambŭi rais bidosa ka dŭh tŭtŭd di Aku, Aku re pakat tangan Ku ka pirŭŭ pimandŭg pinguman-i. Aku re pait apag ka siŭ manusia ngga dāng.

LEVITICUS 26:20

Angān re bandar bandar nyiraja pak sopŭrŭg-i re jadi au-tarun, sabab tana ngan dŭh re piruah buwa bawa pimuruh ka tŭngŭn tŭngŭn kayuh dŭh re buān.

LEVITICUS 26:25

Aku re taban perang ka angān ngga ngukum angān amai angān miranggar simanya ta, ka kambŭi angān tikuruk re magŭng adŭp ngan darŭm kupo ngan, Aku re pait andam adi dŭh tikuri ka ruang ngan, ka angān re nyerah adŭp ngan ka pinganyu ngan.

LUKE 4:25

“Dingah pinganang Ku ati: taŭn-i sawŭ, di jaman Elijah, agi bara dayung uban di Israel kan ujen mating sitŭkŭd taruh sawa sitangah ka apag adi bisā timbur di ndi tarun tana.

DITRONOMI 28:22

TUHAN re ngukum angān ngga andam adi bisa sawit, ngga andam bakak ngga sungoh; Ayŭh re pait raga ngga sabak adi paras da pirusak anŭ adi angān purun di ŭmŭh ngan. Pinyirusag anŭ re nyatŭk angān ndŭg ka angān kabŭs.

DITRONOMI 28:25

“TUHAN re bada pinganyu ngan manang rawan angān. Angān re nyerang pinganyu ngan so ndi parad pak angān re bu mangān ngara so barang parad, ka sopŭrŭg bangsa di ndi ong ong re kimŭtŭr taru kan ngara kiris kayuh adi jadi di angān.

DITRONOMI 28:27

TUHAN re pait pirakis ka angān nimun adi muko-I ndai di tunduh daya Egypt. Ayŭh re bada pŭrŭng ganan ngan puno da bakang buang bibagi adi tii, ka re dŭh tungang dog nguri.

DITRONOMI 28:35

TUHAN re bada kaja ngan puno da bakang adi majot ka adi dŭh tikuri; pŭrŭng ganan ngan re puno ngga pirakis so ubak ndŭg kaja ngan.

DITRONOMI 28:52

Ngara re nyerang barang kupo adi agi di tarun tana adi TUHAN adi Tapa ngan nggen di angān, ka sindung sindung kuta adi bigatung adi angān harap dŭh re rubuh, re rubuh.

1 SAMUEL 25:17

Turung bipikir pasar kayuh ati ka matŭd pikir mai yŭn ani patut dog ndai. Kayuh bisa jadi pinyirusag di tuan ami ka di sopŭrŭg rawang-i. Ayŭh anŭ paŭh kapang ka dŭh raan dingah kayuh nang daya!”