2 SAMUEL 23:5 - Hakcipta - Biatah Bidayuh

⁵ Ngga simŭnŭ inŭh Tapa re nyiberkat bara sesang ku, sabab Ayŭh mbŭh ndai simanya adi tan adu adu ngga aku, pekat-janji adi dŭh bisa dog miranggar, janji adi dŭh bisa dog ngubah. Anŭ adŭ adi raan ku; anŭ adi re jadi pimanang ku, ka Tapa re bada-i jadi bitŭtŭk.

2 SAMUEL 23:5 ပူးပေါင်းရင်းမြစ်များ

TIBIRIK 9:16

Kan ujen bukang tatŭng di abun, Aku re kiris-i ka ingat simanya Ku adi tan adu adu adi Aku ko ndai ngga sopŭrŭg kayuh adi udip di tunduh tana.

2 SAMUEL 12:10

Madin, di barang turap kada so sesang mu re kabŭs dog siŭ sabab kuu dŭh dingah pinganang Ku ka mbŭh tambit sawŭn Uriah.

2 SAMUEL 13:14

Pak Amnon dŭh an tunda pinganang-i; ka amai ayŭh bake so Tamar, ayŭh muak ayŭh ka miragag ayŭh.

2 SAMUEL 13:28

ka muko nakit kidaan di daya gaji-i: “Nakit ngatin sinde Amnon nok bagŭ, ka komŭnŭ kan aku nggen pinganang ku, angān siŭ ayŭh. Dŭhnyah taru. Adŭp ku re dapu tanggong. Dŭhnyah taru, ndai adŭ!”

2 SAMUEL 18:14

“Aku dŭh re saat jam birundeng ngga kuu,” Joab nang. Ayŭh tambit taruh jarok ka jakad-i ka sudo Absalom darŭm ayŭh gibabŭ udip, bikideng di tŭngŭn kayuh oak anŭ.

2 SAMUEL 7:12

Kan kuu kabŭs ka dog kubur ngga bara tayung-babuk mu, Aku re bada ndi so bara anak mu jadi raja ka re bada pritah-i tagap.

2 SAMUEL 7:18

Komŭnŭ David di ka Bari TUHAN, guru ka bidua, “TUHAN Raja, aku dŭh sukup kana yŭn sopŭrŭg kayuh adi Kaam mbŭh ndai di aku, simŭnŭ gŭh rawang ku.

1 RAJA 1:5

Jadi madin amai Absalom mbŭh kabŭs, Adonijah, anak dari David ngga Haggith, anak adi tuuh dŭ so jurud dari-i adi bŭkŭn adi gibabŭ udip. Ayŭh inŭh dari adi raru ramus. David gi-bŭn nyarah ayŭh di tadŭ kayuh, ka ayŭh taŭn gruwŭn adŭp-i jadi raja. Ayŭh agi sidia yŭn adŭp-i krita krita kuda, ka dudu kuda, ka biyŭn 50 naan soldadu adi tukang nguru ayŭh di tika panu.

1 RAJA 11:38

Kambŭi kuu batur batur nundok di Aku, udip nanyam ka ukum-adat Ku, ka ndai kayuh adi Aku bada kuu ndai, nimun urun Ku David, Aku re ari agi ngga kuu. Aku re bada kuu jadi raja di Israel ka re natu nang sesang mu re mritah gati kuu, nimun adi ko Aku ngatur yŭn David.

1 RAJA 12:14

nimun adi bara adi mara anŭ muko pitayan di ayŭh. Ayŭh nang, “Sama ku bada angān bandar nyiraja; Aku re bada kraja ngan rabis bat. Ayŭh madŭs angān ngga pasut; aku re madŭs angān ngga pasut adi pireja basi!”

MAZMUR 111:9

Ayŭh pirupas daya-I ka ndai simanya adi tan adu adu ngga ngara. Kudus buang bikuasa inŭh Ayŭh!

MAZMUR 119:81

Aku mbŭh raru kawŭk, TUHAN, kajŭn Kaam nyiramat aku; aku sabah di pinganang Mai.

MAZMUR 27:4

Aku mbŭh mite ndi kayuh so TUHAN; ndi kayuh adŭ raan ku: rŭŭ di ramin TUHAN sitŭkŭd udip ku, nyaksi pinyikana-I, ka mite pinyiruton so Ayŭh.

MAZMUR 62:2

Ayŭh sadi adi grindung ka nyiramat aku; Ayŭh inŭh pingibān ku, ka aku dŭh re tungang dog ngarah.

MAZMUR 89:3

Kaam nang, “Aku mbŭh ndai simanya Ku ngga daya adi Aku mbŭh mien; Aku mbŭh bijanji di urun Ku David,

ISAIAH 11:1

Taris asar Raja David inŭh mun tŭngŭn kayuh adi mbŭh dog tabŭng; pak keya ka daan bauh adi bikanjak so tŭŭd, simŭnŭ gŭh raja adi bauh re makat so ruang sesang David.

ISAIAH 27:6

Di tipuh adi re mandŭg, daya Israel, adi sesang Jacob, re piruat mun tŭngŭn kayuh, ka ngara re bisera ka musu. Ong re puno ngga buwa adi-i piruah.

ISAIAH 4:2

Tika-i re mandŭg kan TUHAN re bada barang masam anak kayuh-udip ngga tŭngŭn kayuh timbu ka masang bās bigatung ka ramus. Sopŭrŭg daya Israel adi babŭ udip re gaŭn ka mingangŭn di buwa pimuruh adi tana piruah.

ISAIAH 54:10

Darŭd ngga sandah bisa rubuh, pak pinyirindu Ku di kuu dŭh re mungan; Aku re adu adu sita janji damai Ku.” Sakanŭ TUHAN adi rindu kuu.

ISAIAH 55:3

“Dingah madin, daya Ku, ka mandŭg ka Aku; mandŭg ka Aku, ka angān re udip! Aku re ndai simanya adi tan adu adu ngga angān ka nggen di angān berkat adi Aku mbŭh bijanji nggen di David.

ISAIAH 61:8

TUHAN nang, “Aku rindu pinyitŭnggŭn ka Aku tiru di pingandai adi kinanyuh daya ngga tadŭ pingandai adi sarah. Ngga tŭtŭd Aku re ngupah daya Ku ka ndai simanya adi tan adu adu ngga ngara.

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

JEREMIAH 32:40

Aku re ndai ndi simanya adi tan adu adu. Aku dŭh re ko ndai kayuh kana yŭn ngara, ka Aku re bada ngara taru Aku ngga siabo atin ngara, isa ngara dŭh tia bu so Aku.

JEREMIAH 33:21

Simŭnŭ gŭh Aku mbŭh ndai simanya ngga urun Ku David nang Ayŭh re ari biyŭn sesang adi re jadi raja, ka Aku mbŭh ndai simanya ngga bara imam so tibaran-asar Levi nang ngara re ari bituan di Aku; ka simanya simanya anŭ dŭh siŭn dog miranggar.

EZEKIEL 37:26

Aku re ndai ndi simanya ngga ngara adi natu pinyiramat ngara ndŭg situi tui. Aku re nyiberkat ngara ka nambah kiang ngara, ka pijog Ramin Ku di rais ngara, di yŭn-i re tan ndŭg situi tui.

AMOS 9:11

TUHAN nang, “Andu-i re mandŭg adi ngga Aku pari pijog pritah David, adi keya ka ramin adi mbŭh rubuh. Aku re nyurat sindung-i ka bada-i pari tagap mun dawŭ-i.

PINGANDAI 13:34

Ka sakati Tapa minyu pasar pakat Ayŭh so kabŭs, dŭh re madam darŭm kubur: ‘Aku re nyiberkat Kuu ngga berkat adi kudus adi Aku ko bijanji an nggen di David.’

HEBREW 13:20

Tapa mbŭh pakat Tuhan ta Jesus so kabŭs, adi Pingingat-Biri adi bās sabab deya-I, adi ngga simanya adi tan adu adu dog natu. Isa-i Tapa damai nggen di angān sopŭrŭg kayuh kana adi angān biguna ngga ndai pinyiraan-I, ka isa Ayŭh, so Jesus Kristus, ndai darŭm ata kayuh adi pimunos asŭng-I. Ka di Kristus bragah ndŭg situi tui! Amen.

HEBREW 6:19

Ata biyŭn pingarap anŭ adi keya ka sawŭh yŭn pimudip ta. Sawŭh anŭ tagap buang bisa dog harap, adi mŭrŭt tambus tabir Ramin Tuhan di shorga nuju birit kudus adi tura ka darŭm.

1 SAMUEL 2:35

Aku re mien ndi naan imam adi re tŭtŭd di Aku ka adi re ndai sopŭrŭg kayuh adi Aku bada ayŭh ndai. Aku re nggen di ayŭh sesang sesang adi re nyiraja jadi imam yŭn raja adi Aku mien.

1 SAMUEL 25:28

Turung apun aku, tuan, kambŭi aku agi ndai sarah. TUHAN re bada kaam jadi raja, ka simŭnŭ gŭh bara sesang mai, sabab kaam biperang yŭn-I; ka kaam dŭh re ndai pingandai arap sitŭkŭd udip mai.