2 SAMUEL 22:44 - Hakcipta - Biatah Bidayuh

⁴⁴ Kaam nyiramat aku so daya ku adi gagā birawan; ka bada aku jadi pimritah bangsa bangsa; daya adi aku puan madin mbŭh jadi rayat ku.

2 SAMUEL 22:44 ပူးပေါင်းရင်းမြစ်များ

2 SAMUEL 19:14

Pinganang David mbŭh tarik atin sopŭrŭg daya di Judah, ka ngara pait pinganang ka ayŭh bada ayŭh pari ngga sopŭrŭg pinurung-i.

2 SAMUEL 19:9

Sopŭrŭg daya Israel darŭm ndi rais rais bikaii dupan adŭp ngara. “Raja David mbŭh nyiramat ata so bara pinganyu ta,” ngara nang di dingan adŭp ngara. “Ayŭh nyiramat ata so daya Philistia, pak madin ayŭh mbŭh bu mangān Absalom ka mbŭh mating di rais.

2 SAMUEL 20:22

Komŭnŭ ayŭh di ka yŭn bara daya kupo anŭ yŭn re ndai simŭnŭ; ayŭh sawŭ kapŭg ubak Sheba ka taran-i ka yŭn Joab so tibung sindung kupo. Joab mambak trompet ngga kidaan nang bara daya-i bisa bu tingge kupo anŭ. Ngara bu maad, ka Joab pari ka Jerusalem ka yŭn raja.

2 SAMUEL 3:1

Bara daya adi batu rawang Saul ngga bara daya adi batu David babŭ biperang mua tian-i. Darŭm David jadi makin bake, pinganyu-i jadi makin ramah.

2 SAMUEL 5:1

Komŭnŭ sopŭrŭg tibaran-asar Israel di ka yŭn David di Hebron ka nang di ayŭh, “Kieh ati isin ngga deya adŭp mai.

MAZMUR 110:6

Ayŭh re ngukum dudu bangsa ka re bada tadang mingare di yŭn bisaad; Ayŭh re ngarah raja raja di ndi ong ong.

MAZMUR 18:43

Kaam nyiramat aku so daya adi gagā birawan ka bada aku jadi pimritah bangsa; bara daya adi dŭh aku puan mbŭh madin jadi urun ku.

MAZMUR 2:8

Mite, ka Aku re nggen di kuu sopŭrŭg bangsa; ndi ong ong re jadi tung jamu.

ISAIAH 55:4

Aku bada ayŭh jadi pinguru ka pingubak bangsa, ka so ayŭh Aku kiren kuasa Ku di ngara.

ISAIAH 55:5

Madin angān bagan bangsa bangsa tami; dawŭ-i ngara dŭh puan angān, pak madin ngara re bikaduh tudu angān ka mŭrŭt bara ngan! Aku, adi TUHAN adi Tapa ngan, Tapa kudus Israel, re bada sopŭrŭg anŭ jadi, Aku re nggen di angān stabi ngga bragah.”

ISAIAH 60:12

Pak bangsa bangsa adi dŭh bituan di kuu re abo dog pirabur.

ISAIAH 65:1

TUHAN nang, “Aku mbŭh sidia an nam dua daya Ku, pak ngara dŭh bidua. Aku mbŭh sidia bada ngara dapŭd Aku, pak ngara taŭn dŭh adŭ jiroh Aku. Bangsa dŭh bidua ka Aku, sunggu Aku ari sidia an nam, ‘Digiti Aku; Aku raan turung angān.’

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

HOSEA 2:23

Aku re pijog daya Ku di tarun tana anŭ ka bada ngara mujur. Aku re masi di ngara adi dog kadŭn ‘Dŭh-dog-masi’, ka di ngara adi dog kadŭn “Dŭh daya Ku” Aku re nang, “Angān daya Ku,” ka ngara re nam, “Kaam inŭh Tapa ami.”

ROME 15:12

Ka Isaiah gŭh nang, “Ndi naan so sesang Jesse re mandŭg; Ayŭh re mandŭg di mritah daya adi dŭh bangsa Jahudi, ka ngara na pingarap ngara di Ayŭh.”

ROME 9:25

Ati inŭh kayuh adi-I nang di surat Hosea: “Daya adi dŭh daya Ku Aku re kadŭn ‘Daya Ku.’ Bangsa adi Aku dŭh rindu Aku re kadŭn ‘Bangsa adi Aku rindu.’

DITRONOMI 28:13

TUHAN adi Tapa ngan re bada angān jadi pinguru di dupan sopŭrŭg bangsa, ka dŭh jadi pinunda; angān re ari mujur ka bŭn re rabu kambŭi angān tŭtŭd tunda sopŭrŭg pinyipesan-I adi aku nggen di angān andu ati.

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”