2 SAMUEL 22:3 - Hakcipta - Biatah Bidayuh

³ Tapa ku inŭh pinyigrindung ku, aku siramat ngga Ayŭh. Ayŭh grindung aku keya ka pinangin; Ayŭh tak aku ka bada aku siramat. Ayŭh inŭh pinyikudip ku, Ayŭh grindung aku ka nyiramat aku so daya adi ganas.

2 SAMUEL 22:3 ပူးပေါင်းရင်းမြစ်များ

TIBIRIK 15:1

Ripas anŭ, Abram kiris kayuh keya ka darŭm pŭmŭh ka dingah TUHAN nang di adŭp-i, “Dŭhnyah taru, Abram, Aku re grindung kuu so pinyusah ka re nggen di kuu upah bās.”

2 SAMUEL 22:31

Tapa ati — munki raru kana kraja pingandai-I, pinganang-I dapŭd dog sabah! Ayŭh keya ka pinangin yŭn sopŭrŭg adi jiroh pinyigrindung-I.

2 SAMUEL 22:47

TUHAN udip! Muji meh pingibān ku! piagah bās Tapa adi bake adi nyiramat aku!

2 SAMUEL 22:49

ka nyiramat aku so pinganyu ku. O TUHAN, Kaam nggen di aku pimanang ngarah pinganyu ku, ka grindung aku so daya adi ganas.

2 SAMUEL 22:51

Tapa nggen pimanang adi bās di raja-I; Ayŭh kiren pinyirindu adi dŭh bisa birubah di sianŭ adi-I mbŭh mien, di David ngga di bara sesang-i ndŭg situi tui.

2 SAMUEL 23:3

Tapa Israel mbŭh minyu, pinyigrindung Israel nang di aku: “Raja adi mritah ngga pinŭnggŭn, adi mritah darŭm nundok di Tapa,

MAZMUR 14:6

Ngara adi ndai kraja arap ngaso kayuh adi daya adi pirapat adŭp-i re ndai, pak TUHAN inŭh pinyigrindung ngara.

MAZMUR 140:1

Nyiramat aku, TUHAN, so daya adi arap; nyiramat aku so daya adi ganas.

MAZMUR 140:11

Bada dŭh mujur daya adi napŭ daya; isa-i arap nyandat daya adi ganas ka pirabur ngara.

MAZMUR 140:4

Grindung aku, TUHAN, so kuasa daya ginaka; nyiramat aku so daya adi ganas adi bipekat an pirabu aku.

MAZMUR 142:4

Kan aku tingga bait tauh ku, aku kiris mating daya re turung aku, mating daya re grindung aku. Mating daya piduri aku.

MAZMUR 144:2

Ayŭh grindung ka ngibān aku, kuta ku ngga pinyikudip ku, di Ayŭh aku bisangan yŭn pinyigrindung. Ayŭh na bangsa bangsa di ribo kuasa ku.

MAZMUR 18:2

TUHAN inŭh adi grindung aku; Ayŭh inŭh kuta ku adi tagap. Tapa ku inŭh pinyigrindung ku, ngga Ayŭh aku siramat. Ayŭh grindung aku keya ka pinangin; Ayŭh ngibān aku ka kingat aku.

MAZMUR 27:5

Di tipuh pinyusah Ayŭh re grindung aku; Ayŭh re bada aku siramat di Ramin-I ka bada aku pagŭng di tunduh batuh adi bigatung.

MAZMUR 28:7

TUHAN grindung ka ngibān aku; aku sabah di Ayŭh. Ayŭh turung aku ka bada aku gaŭn; aku muji Ayŭh ngga ragu gaŭn.

MAZMUR 3:3

Pak Kaam, O TUHAN, adi ari jadi pinangin ku so pinyusah; Kaam nggen pimanang di aku ka bada aku pagan dinge.

MAZMUR 32:7

Kaam inŭh yŭn ku bisukan; Kaam re nyiramat aku so pinyusah, aku bana biragu pasar pinyiramat Mai, sabab Kaam grindung aku.

MAZMUR 46:1

Tapa inŭh pinyigrindung ta ka pinyibake ta, ari sidia an turung di tipuh susah.

MAZMUR 46:11

TUHAN Bisa-pŭrŭg agi ngga ata; Tapa Jacob inŭh pinyigrindung ta.

MAZMUR 46:2

Jadi ata dŭh re taru, sunggu bait kani tana bigugoh ka darŭd rabu ka rasan rawŭt;

MAZMUR 46:7

TUHAN Bisa-pŭrŭg agi ngga ata; ka Tapa Jacob inŭh pinyigrindung ta.

MAZMUR 5:12

Kaam nyiberkat ngara adi tunda pinganang Mai, O TUHAN; pinyirindu Mai grindung ngara keya ka pinangin.

MAZMUR 55:9

Bada riruk pinganang pinganyu ku, O TUHAN! Aku kiris pinyiganas ka pito darŭm kupo,

MAZMUR 59:16

Pak aku re biragu pasar pinyibake Mai; barang isan aku re bana biragu amai pinyirindu Mai adi dŭh bisa birubah. Kaam inŭh pinyigrindung ku, adi grindung aku di tika susah.

MAZMUR 61:3

amai Kaam inŭh pinyigrindung ku, pingibān ku adi tagap adi grindung aku so pinganyu ku.

MAZMUR 71:7

Pimudip ku mbŭh jadi suto yŭn daya bagŭ, sabab Kaam inŭh pingibān ku adi tagap.

MAZMUR 72:14

Ayŭh pirupas ngara so dog kinanyuh ngga so pinyiganas; asŭng ngara inŭh brega di ayŭh.

MAZMUR 84:11

TUHAN inŭh pinyigrindung ngga raja ta adi bibragah, nyiberkat ata ngga mandis ngga stabi. Ayŭh dŭh abah nggen tadŭ tadŭ kayuh kana di ngara adi ndai kayuh adi batur.

MAZMUR 84:9

Nyiberkat raja ami, O Tapa, raja adi Kaam mbŭh mien.

MAZMUR 86:14

Ngara adi sambuh mbŭh mandŭg di rawan aku, O Tapa; tibaran adi ganas mbŭh suba an siŭ aku — ngara adi dŭh piduri Kaam.

MAZMUR 9:10

Daya adi puan Kaam, TUHAN, re sabah di Kaam; Kaam dŭh tagan tadŭ daya adi mandŭg ka Kaam.

MAZMUR 9:9

TUHAN inŭh pinyigrindung daya adi dog kinanyuh, yŭn adi pagŭng di tika susah.

PINYIRUAH 15:2

TUHAN inŭh pingibān ku adi tagap; Ayŭh inŭh sianŭ adi mbŭh nyiramat aku. Ayŭh inŭh Tapa ku, ka aku re kibās Ayŭh, Tapa sama ku, ka aku re biragu kibās Ayŭh.

PITAS 18:10

TUHAN inŭh keya ka tawā adi tagap, di yŭn daya tŭnggŭn dapŭd bisukan.

PITAS 30:5

“Tapa ingat sopŭrŭg janji adi muko-I ndai. Ayŭh inŭh keya ka pinangin yŭn sopŭrŭg adi jiroh pinyigrindung so Ayŭh.

ISAIAH 12:2

Tapa inŭh pinyikudip ku; aku re sabah di Ayŭh ka dŭh re taru. TUHAN nggen di aku kuasa ngga pinyibake; Ayŭh inŭh pinyikudip ku.

ISAIAH 32:2

Barang naan ngara re keya ka pinyigrindung so sabak, ka tarun yŭn bisukan so sabak ribut. Ngara re jadi keya ka anak anak sungi adi aman di tarun tana-pajam, mun singangi tibande batuh di tarun tana-matung.

ISAIAH 45:21

Mandŭg ka taban har ngan ka yŭn bisara; bada ngara adi nyibandar angān bisiken ngga dingan-i. Asi ko ndun jah ninjau kayuh adi re jadi? Dŭh kah anŭ adŭp Ku, adi TUHAN, Tapa adi nyiramat daya-I? Mating tapa adi bŭkŭn.

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

JEREMIAH 16:9

Dingah kayuh adi Aku, TUHAN Bisa-pŭrŭg, adi Tapa Israel, nang. Aku re pirŭŭ jawŭn gaŭn ngga pawŭn ngga jawŭn rami gawai banan sawan. Daya adi udip di jaman ati re kiris kayuh anŭ jadi.

LUKE 1:47

simangi ku gaŭn sabab Tapa adi Pinyikudip ku,

LUKE 1:69

Ayŭh mbŭh nggen di ata Pinyikudip adi bikuasa, adi sesang urun-I David.

LUKE 1:71

nang Ayŭh re nyiramat ata so bara pinganyu ta, so kuasa sopŭrŭg ngara adi tiru di ata.

DITRONOMI 32:37

Komŭnŭ TUHAN re siken daya-I, ‘Diki dudu tapa anŭ adi bikuasa adi angān sabah?

DITRONOMI 32:4

“TUHAN inŭh pingibān ngan adi bikuasa, sukup kana ka tŭnggŭn darŭm sopŭrŭg kayuh, Tapa ngan inŭh tŭtŭd ngga sawŭ, Ayŭh ndai kayuh adi batur ngga patut.

DITRONOMI 33:29

O Israel, mbŭh raru gaŭn inŭh angān! Mating daya bŭkŭn mun angān, bangsa adi dog nyiramat TUHAN. Adŭp TUHAN inŭh pinangin ngga pedang ngan, adi grindung ka nggen pimanang di angān. Pinganyu ngan re mandŭg mite masi, ka angān re bidigang di tunduh ngara.

TITUS 3:4

Pak kan mandis ngga pinyirindu Tapa adi Pinyikudip ta dog pinandŭng,

TITUS 3:6

Tapa mbŭh ren Roh Kudus di ata ngga sibagŭ bagŭ-i so ka Jesus Kristus Pinyikudip ta,

HEBREW 2:13

Ayŭh nang gŭh, “Aku re na pingarap Ku di Tapa.” Ka-I nang gŭh, “Ta Aku ngga bara anak adi Tapa mbŭh nggen di Aku.”

1 SAMUEL 2:1

Hannah bidua, “TUHAN mbŭh bada atin ku gaŭn; munki raru gaŭn aku amai kayuh adi Ayŭh mbŭh ndai! Aku tawŭh pinganyu ku; munki raru gaŭn atin ku amai Tapa mbŭh turung aku!

1 SAMUEL 2:2

“Mating adi bŭkŭn re kudus mun TUHAN, mating adi bŭkŭn mun Ayŭh, Tapa ta sadi adŭ tungang grindung ata.