Pak Abishai anak Zeruiah mandŭg di turung David, nyerang grigasi anŭ, ka siŭ ayŭh. Komŭnŭ bara daya David bada David bijanji dŭh tia sua tunda ngara biperang. “Kaam inŭh pingarap Israel; kieh dŭh raan kaam dog siŭ,” ngara nang di ayŭh.
pak Aku re bada anak Solomon dapu ndi tibaran-asar, isa Aku tungang adu adu biyŭn sesang urun Ku David mritah Jerusalem, kupo adi Aku mbŭh mien ndu tarun yŭn Aku dog nyambah.
TUHAN inŭh pinyigrindung ngga raja ta adi bibragah, nyiberkat ata ngga mandis ngga stabi. Ayŭh dŭh abah nggen tadŭ tadŭ kayuh kana di ngara adi ndai kayuh adi batur.
Ata mbŭh bidosa rawan TUHAN, jadi madin ata dŭh siŭn dŭh nyijŭn baji-I dawŭ-i. Pak sikasŭn-i Ayŭh re nyibandar ata ka re pimanu pinyitŭnggŭn rawan sarah adi dog ndai di ata. Ayŭh re taban ata ka jawa, ka ata re kinyam pinyiramat TUHAN.
Pak yŭn angān adi nundok di Aku, kuasa Ku adi nyiramat angān re makat keya ka batŭh andu, ka kuasa Ku anŭ re nggen pinyibua keya ka jawa batŭh andu. Angān re dog pirupas ka gaŭn keya ka anak sapi dog piruah so kandang.
Jesus minyu di bara daya Pharisee dinge. “Aku ati inŭh jawa ong,” Ayŭh nang. “Daya adi tunda Aku re biyŭn jawa adi nggen udip ka dŭh re panu darŭm karŭm.”