2 SAMUEL 20:21 - Hakcipta - Biatah Bidayuh

²¹ Anŭ dŭh kayuh adi raan ami ndai. Ndi naan daya dŭn Sheba anak Bikri, adi mandŭg so rais tarun tana sandah Ephraim, ngasu daya bada rawan pinyipritah Raja David. Nyerah ayŭh ka aku, ka aku re bu so kupo ati.” “Kieh re taran ubak-i ka yŭn mu so tibung sindung kupo ati,” dayung anŭ nam.

2 SAMUEL 20:21 ပူးပေါင်းရင်းမြစ်များ

2 SAMUEL 20:1

Di Gilgal agi ndi naan daya adi dŭh biguna dŭn Sheba anak Bikri, so tibaran-asar Benjamin. Ayŭh mambak trompet ka nyirais nang, “Dŭhsah piduri David! Dŭhsah tunda ayŭh! O daya Israel, maad adŭ ata!”

2 SAMUEL 20:2

Jadi daya Israel tingge David ka tunda Sheba, pak daya Judah babŭ an bituan di David ka tunda ayŭh panu so Jordan ndŭg Jerusalem.

2 SAMUEL 20:20

“Manŭn dŭh!” Joab nam. “Aku dŭh re pirusak bait pirabur kupo ngan!

2 SAMUEL 23:18

Jurud Joab adi dŭn Abishai (sindŭ ngara inŭh Zeruiah) inŭh pinguru “Ngara adi Taruh Puru adi Timagah anŭ”. Ayŭh pakai jarok-i ngga rawan 300 naan daya, ka siŭ ngara, ka jadi timagah di dupan “Ngara adi Taruh Puru”.

1 RAJA 11:26

Ndi naan dinge adi jadi pinganyu Raja Solomon inŭh ndi naan so bara pinurung adŭp-i, Jeroboam anak Nebat, so Zeredah di Ephraim. Sindŭ-i inŭh dayung uban dŭn Zeruah.

2 RAJA 10:7

Kan surat Jehu mbŭh dog trima, bara pinguru Samaria siŭ sopŭrŭg sesang Ahab adi 70 naan anŭ, na ubak ngara darŭm bakur, ka pait-i ka yŭn Jehu di Jezreel.

2 RAJA 5:22

“Mating har,” Gehazi nam. “Pak tuan ku pait aku bada kidaan di kuu nang bauh tejah duwŭh naan so tibaran nabi di rais tarun tana sandah Ephraim mandŭg, ka ayŭh raan kuu nggen di ngara taruh ribu kiping pirak ngga duwŭh piraka kibarui adi grua.”

JEREMIAH 4:15

Pinyisung so kupo Dan ngga so sandah sandah Ephraim kidaan agah arap.

JEREMIAH 50:19

Aku re pari daya Israel ka tarun tana adŭp ngara. Ngara re man pinguman adi timbu di Darŭd Carmel ka di utung tarun tana Bashan, ka ngara re man sopŭrŭg buwa pimuruh adi timbu di tarun tana Ephraim ngga Gilead.

JOSHUA 24:33

Eleazar anak Aaron kabŭs ka dog kubur di Gibeah, kupo di rais tarun tana sandah Ephraim adi ko dog nggen di anak-i Phinehas.

AKIM 2:9

Ayŭh dog kubur di utung tana adŭp-i di Timnah Serah di rais tarun tana sandah Ephraim tura ka utara Darŭd Gaash.

AKIM 7:24

Gideon pait bara pinyisung bada di ka ndi abong abong rais tarun tana sandah Ephraim da nang, “Mandŭg mūn ka rawan daya Midian. Jaga di Yang Jordan ngga di sungi sungi jeh ndŭg Bethbarah, ka dŭhnyah bada daya Midian mutas.” Bara daya so tibaran-asar Ephraim dog bagan, ka ngara jaga di Yang Jordan ka di sungi sungi jeh ndŭg Bethbarah.

AKIM 9:55

Kan bara daya Israel kiris Abimelech mbŭh kabŭs, sopŭrŭg ngara mari.

1 SAMUEL 24:6

ka ayŭh nang di daya-i, “Isa-i TUHAN pijo aku so ndai sarah di tunduh tuan ku adi adŭp TUHAN mbŭh mien bada jadi raja! Aku manŭn dŭh siŭn ida ida ngga ayŭh, sabab ayŭh raja adi dog mien adŭp TUHAN!”

1 SAMUEL 26:9

Pak David nang, “Kuu dŭh siŭn ida ida di tunduh-i! TUHAN re manŭn ngukum daya adi ida ida ngga raja adi-I mbŭh mien.