2 SAMUEL 2:23 - Hakcipta - Biatah Bidayuh

²³ Pak Asahel ngandŭ; jadi Abner, nyipunok tabŭk jarok-i, miratos tain-i ka punok. Asahel tumbang rasu kabŭs, ka barang naan adi kiris tadang-i rŭŭ ka mijog diginŭ.

2 SAMUEL 2:23 ပူးပေါင်းရင်းမြစ်များ

2 SAMUEL 2:24

Pak Joab ngga Abishai rasu tadak Abner, ka arong singumi andu ngara mandŭg ka sandah Ammah, adi tura ka timor Giah di aran nuju tarun tana-pajam Gibeon.

2 SAMUEL 20:10

Amasa dŭh rada pedang adi di tangan Joab anŭ ndi, ka Joab tabŭk ayŭh di tain-i, ka isi tain-i bubus ruah ka tana. Jam anŭ gŭh ayŭh kabŭs, ka Joab dŭhsah tabŭk ayŭh dinge. Komŭnŭ Joab ngga jurud-i Abishai di tadak Sheba.

2 SAMUEL 3:27

Kan Abner mbŭh ndŭg Hebron, Joab taban ayŭh ka bŭngŭn di tiban-bās kupo, mun adi re an minyu ngga ayŭh sadi adŭp-i, pak diginŭ ayŭh tabŭk ayŭh di tain-i. Simŭnŭ inŭh meh Abner dog siŭ Joab sabab ayŭh muko siŭ sude-i Asahel.

2 SAMUEL 3:30

Jadi Joab ngga jurud-I Abishai mbŭh maras dendam yŭn sude ngara Asahel adi dog siŭ Abner di tika bisaad di Gibeon.

2 SAMUEL 4:6

Dayung adi tukang jaga tiban mbŭh nundu darŭm-i sun kirŭh gandom ka mbŭh rasu bŭŭs, jadi Rechab ngga Baanah naku mŭrŭt.

2 SAMUEL 5:6

Tipuh mbŭh mandŭg adi ngga Raja David ngga bara soldadu-i matak di nyerang Jerusalem. Bara daya Jebus, adi rŭŭ diginŭ, pikir David dŭh re tungang ngarah kupo anŭ, nang di ayŭh, “Kuu dŭh re tungang mŭrŭt kamati; Daya adi karak ngga adi kipang tungang gŭh bitan kuu mŭrŭt kamati.” (