2 SAMUEL 19:24 - Hakcipta - Biatah Bidayuh

²⁴ Komŭnŭ Mephibosheth, sukuh Saul, mandŭg di bidapŭd ngga raja. Ayŭh dŭh ngu kaja-i, gumbak gagap-i bait ngu piraka-i so andu raja bu so Jerusalem ndŭg andu ayŭh pari ngga siramat.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

David makat so samen, mamuh, nyinod ubok-i, ka nyambi piraka-i. Komŭnŭ ayŭh di ka ramin TUHAN di simayang. Kan ayŭh pari ka istana, ayŭh mite pinguman ka rasu man kan-i mbŭh dog ngidang.

2 SAMUEL 15:30

David maad Sandah Kanā buang sien; ayŭh dŭh bikasut ka ubak-i dŭh dog nutu, tandā ayŭh susah. Sopŭrŭg adi tunda ayŭh nutu ubak buang ngara sien gŭh.

2 SAMUEL 16:3

“Diki Mephibosheth, sukuh tuan mu Saul?” raja siken ayŭh. “Ayŭh rŭŭ di Jerusalem,” Ziba nam, “sabab ayŭh puan nang bara daya Israel re nggen pari di ayŭh pritah babai-i Saul.”

2 SAMUEL 9:11

Ziba nam, “Aku re ndai sopŭrŭg kayuh adi Tuan Raja bada.” Jadi Mephibosheth man di mija raja, nimun anak raja.

1 RAJA 2:8

“Agi dinge ndi naan, Shimei anak Gera, so kupo Bahurim di tarun tana Benjamin. Ayŭh ko bandar bandar mangu aku di andu aku di ka Mahanaim, pak kan ayŭh bidapŭd ngga aku di Yang Jordan, aku bipayu di ayŭh ngga adŭn TUHAN nang aku dŭh re siŭ ayŭh.

PINYIRUAH 19:10

ka TUHAN nang di ayŭh, “Di ka bara daya bagŭ ka kidaan di ngara da pibisig adŭp ngara andu ati ngga andu sipagi. Ngara dŭh siŭn dŭh ngu piraka ngara

ISAIAH 15:2

Daya Dibon maad sandah re muās di bari-sambah. Daya Moab nangŭng sien darŭm susah muās kupo Nebo ngga Medeba; ngara gumbak ubok ngga gagap ngara darŭm susah.

JEREMIAH 41:5

mai puru naan daya mandŭg so Shechem, Shiloh, ka Samaria. Ngara mbŭh gumbak gagap ngara, nyiratak piraka ngara, ka nidi adŭp ngara. Ngara taban gandom ngga kimanyan an ngara jugan di Ramin TUHAN.

MATTHEW 6:16

“Kan angān bipusa, dŭhnyah kiren raŭn ngan susah mun ngara adi pingadong. Ngara ndai adŭp-i mun adi sangsara isa daya puan ngara bipusa. Puan meh, ngara mbŭh dog bayar ngga sipuno-i.

ROME 12:15

Gaŭn ngga ngara adi gaŭn, muās ngga ngara adi muās.

HEBREW 13:3

Ingat ngara adi darŭm jer, keya ka adŭp ngan agi ngga ngara darŭm jer. Ingat ngara adi sangsara, keya ka adŭp ngan agi sangsara mun ngara.