2 SAMUEL 18:2 - Hakcipta - Biatah Bidayuh

² Komŭnŭ ayŭh pait ngara darŭm taruh tibaran, ngga Joab ka Abishai adi jurud Joab samŭn Ittai so Gath; barang naan dog tijuan jadi pingubak ndi tibaran. Ka Raja nang di bara daya-i, “Adŭp ku re sua ngga angān.”

2 SAMUEL 18:2 ပူးပေါင်းရင်းမြစ်များ

2 SAMUEL 17:11

Jadi pinyitayan ku inŭh kuu taban sopŭrŭg daya Israel so bŭngŭn rais ndi ndŭg bŭngŭn rais andi bada tikuruk, ka kiang ngara kiang sumat di pang rawŭt, ka adŭp mu taban ngara di biperang.

2 SAMUEL 21:17

Pak Abishai anak Zeruiah mandŭg di turung David, nyerang grigasi anŭ, ka siŭ ayŭh. Komŭnŭ bara daya David bada David bijanji dŭh tia sua tunda ngara biperang. “Kaam inŭh pingarap Israel; kieh dŭh raan kaam dog siŭ,” ngara nang di ayŭh.

2 SAMUEL 23:18

Jurud Joab adi dŭn Abishai (sindŭ ngara inŭh Zeruiah) inŭh pinguru “Ngara adi Taruh Puru adi Timagah anŭ”. Ayŭh pakai jarok-i ngga rawan 300 naan daya, ka siŭ ngara, ka jadi timagah di dupan “Ngara adi Taruh Puru”.

2 SAMUEL 8:16

Joab, Zeruiah adi sindŭ-i, inŭh pingibās bara soldadu; Jehoshaphat anak Ahilud inŭh tukang jaga rekod;

1 RAJA 2:28

Joab dingah kayuh adi mbŭh jadi. (Ayŭh mbŭh batu Adonijah, pak dŭh Absalom.) Jadi ayŭh bu di ka Bari TUHAN ka bidigŭng di sikuh mija-sambah.

MAZMUR 3:6

Aku dŭh taru ribu ribu pinganyu adi kirurung aku so barang parad.

AKIM 7:16

Ayŭh kutung bara daya-i adi taruh ratus naan nyitaruh, ka nggen di barang naan ngara ndi trompet ngga ndi gabuk adi agi prita-siru' di darŭm-i.

AKIM 7:19

Gideon ngga bara-i adi siratus naan mandŭg ka bŭngŭn tarun yŭn pinganyu bibari dŭh tui diŭ so sitŭrŭp ngarŭm, ripas daya adi tukang jaga mbŭh bigati. Komŭnŭ ngara mambak trompet ka mape gabuk adi ngara digen,

AKIM 9:43

jadi ayŭh taban bara daya-i, kutung ngara bada jadi taruh tibaran, ka bisukan di arong teya, kajŭn. Kan ayŭh kiris daya ruah so kupo, ayŭh ruah so yŭn-i bisukan di siŭ ngara.

1 SAMUEL 11:11

Ngarŭm anŭ Saul kutung daya-i da jadi taruh tibaran, ka ngga siri jawa ngara rasu di ka tarun yŭn daya Ammon bibari ka nyerang ngara. Ngga arong kumbeng ngara siŭ ngara. Adi babŭ udip mingare di barang yŭn, barang naan bu sadi adŭp-i.