2 SAMUEL 16:23 - Hakcipta - Biatah Bidayuh

²³ Tadŭ tadŭ pinyitayan so Ahithophel di jaman anŭ dog trima keya ka pinganang so adŭp Tapa; So-duwŭh ngara, David ngga Absalom tunda-i.

2 SAMUEL 16:23 ပူးပေါင်းရင်းမြစ်များ

2 SAMUEL 15:12

Ka sitadŭn Absalom jugan sadis, ayŭh pait daya ka kupo Gilo bada bagan Ahithophel, ndi naan daya adi tukang pitayan yŭn Raja David. Pekat rawan raja mbŭh jadi rabis bake, ka bara pinunda Absalom mbŭh bitambah bagŭ.

2 SAMUEL 15:31

Kan David dog kidaan nang Ahithophel mbŭh tunda Absalom, ayŭh bidua, “Turung, TUHAN, bada pinyitayan Ahithophel marui jadi au-tarun!”

2 SAMUEL 17:1

Dŭh tui ripas anŭ, Ahithophel nang di Absalom, “Bada aku mien simŭng duwŭh ribu naan daya, ka sikambŭh aku matak di nyerang David.

2 SAMUEL 17:14

Absalom ngga sopŭrŭg daya Israel nang, “Pinyitayan Hushai agi kana dŭ so tung Ahithophel.” TUHAN mbŭh natu nang pinyitayan Ahithophel dŭh bisa dog pakai, isa pinyirusag nyatŭk Absalom.

2 SAMUEL 17:23

Kan Ahithophel kinyam pinyitayan-i dŭh dog tunda, ayŭh na tapas-pinyiguru di tunduh kaldi-i ka pari ka kupo adŭp-i. Ripas-i muko nyirase sopŭrŭg kayuh-i, ayŭh tangid adŭp-i. Ayŭh dog kubur di kubur rawang-i.

JOB 28:28

Tapa nang di manusia, “An bijak, angān dŭh siŭn dŭh stabi di TUHAN. An mirati, angān dŭh siŭn dŭh taran kayuh arap.”

JOB 5:12

Ayŭh pijimŭ pusar daya di pingakar, ka kudog daya adi bijak darŭm atur kraja adŭp ngara, isa mating kayuh ndai ngara mujur;

MAZMUR 19:7

Ukum-adat TUHAN inŭh siabo batur; ukum-adat anŭ nggen pinyibake bauh. Pesan TUHAN dapŭd dog sabah, nggen pinyibijak di daya adi dŭh biyŭn-i ngga sukup.

MAZMUR 28:2

Dingah aku kan aku mite turung so Kaam, kan aku pakat tangan ku nuju Ramin Mai adi kudus.

EKLISIASTIS 10:1

Tadang tura bisa pirusak ndi sirapak inyo wangi, ka simŭnŭ gŭh pinyibudo adi sŭ bisa kinanyap pinyibijak adi bās.

JEREMIAH 4:22

TUHAN nang, “Daya Ku inŭh budo; ngara dŭh puan Aku. Ngara mbŭh keya ka bara anak-sŭ adi budo; ngara dŭh biyŭn atin mirati. Ngara sukup pandai ndai kayuh adi arap, pak dŭh pandai ndai kayuh adi kana.”

JEREMIAH 8:9

Bara daya ngan adi bijak mbŭh dog pimangŭh; ngara mbŭh riruk buang dŭh dapŭd nang ani ani. Ngara tirawan pinganang Ku; ani meh pinyibijak ngara madin?

PINYIKIANG 27:21

Ayŭh re bisangan di imam Eleazar adi puan pinyiraan Ku pakai urim ngga Thummim. Simŭnŭ inŭh Eleazar re ngatur Joshua ngga sopŭrŭg daya Israel, di tadŭ tadŭ gaya aran pimudip ngara.”

MATTHEW 11:25

Di tika anŭ Jesus nang, “Sama, Kaam adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar-pandai kayuh adi Kaam sukan so ngara adi bijak buang pitar-pandai.

LUKE 16:8

“Sitagar anŭ, tuan anŭ muji pingingat adi dŭh jujur anŭ amai ayŭh birakar di pingandai-i; sabab daya ong ati agi rabis birakar darŭm-i digŭng kraja pingandai-i so daya adi udip darŭm jawa.”

ROME 1:22

Ngara nang adŭp-i bijak, pak ngara budo;

1 PETER 4:11

Ngara adi jadi pinyuse dŭh siŭn dŭh an nyuse agah so Tapa; ngara adi turung dŭh siŭn dŭh an turung ngga pinyibake adi Tapa ko nggen di ngara, isa darŭm sopŭrŭg kayuh puji bisa dog jugan ka Tapa so Jesus Kristus, adi dapu bragah ngga kuasa ndŭg situi tui. Amen.

1 SAMUEL 30:8

David siken TUHAN, “Bisa kah aku tadak bara pirupak anŭ? Bisa kah aku nakap ngara?” Ayŭh nam, “Tadak ngara; kuu re nakap ngara ka nyiramat bara adi dog nakap.”