2 SAMUEL 15:1 - Hakcipta - Biatah Bidayuh

¹ Ripas anŭ, Absalom sidia krita kuda ka kuda kuda yŭn adŭp-i, ka rimŭh puru naan daya adi tukang nguru adŭp-i.

2 SAMUEL 15:1 ပူးပေါင်းရင်းမြစ်များ

2 SAMUEL 12:11

Aku bipayu di tunduh adŭp mu Aku re bada daya so rawang adŭp mu taban pinyusah ka kuu. Kuu re kiris-i kan Aku tambit bara sawŭn mu so kuu ka nggen ngara di dari bŭkŭn; ka ayŭh re nyibŭŭs ngga ngara darŭm jawa sandu.

1 RAJA 1:33

ayŭh nang di ngara, “Taban bara pinurung ku adi bŭkŭn ayō angān; bada anak ku Solomon nunggang kuda adŭp ku adi pinakan kaldi, ka nguru ayŭh mūn di ka rubang piin Gihon,

1 RAJA 1:5

Jadi madin amai Absalom mbŭh kabŭs, Adonijah, anak dari David ngga Haggith, anak adi tuuh dŭ so jurud dari-i adi bŭkŭn adi gibabŭ udip. Ayŭh inŭh dari adi raru ramus. David gi-bŭn nyarah ayŭh di tadŭ kayuh, ka ayŭh taŭn gruwŭn adŭp-i jadi raja. Ayŭh agi sidia yŭn adŭp-i krita krita kuda, ka dudu kuda, ka biyŭn 50 naan soldadu adi tukang nguru ayŭh di tika panu.

MAZMUR 20:7

Kada so ngara sabah di krita kuda perang ngara, ka adi bŭkŭn di kuda ngara, pak ata sabah di kuasa TUHAN adi Tapa ta.

PITAS 11:2

Daya adi sambuh re rikas dog pimangŭh. Daya adi pirapat adŭp-i inŭh bijak.

PITAS 16:18

Uap-sambuh taban pinyirusag, ka gambung taban pinyirabu.

PITAS 17:19

Suka dosa inŭh brimun ngga suka pito. Kambŭi kuu dŭh ko ko mirawa, kuu jiroh pinyusah.

DITRONOMI 17:16

Raja anŭ dŭhsah biyŭn paŭh bagŭ kuda yŭn bara soldadu-i, ka ayŭh dŭhnyah gŭh bada daya-i di ka Egypt miris kuda, sabab TUHAN mbŭh minyu nang daya-I re dŭh tia pari kamanŭ.

1 SAMUEL 8:11

“Simuti inŭh raja ngan re ngga angān,” Samuel nang di ngara. “Ayŭh re bada anak anak dari ngan jadi soldadu; kada so ngara re jadi soldadu adi pimanu krita kuda perang, ka adi bŭkŭn jadi soldadu pinunggang kuda, ka adi bŭkŭn re tukang bikaduh di jawin krita kuda perang-i.