2 SAMUEL 13:4 - Hakcipta - Biatah Bidayuh

⁴ Jonadab nang di Amnon, “Kuu inŭh anak raja, pak mani barang andu aku kiris kuu susah. Ani har?” “Aku awang Tamar, sude Absalom adi madis ku,” ayŭh nam.

2 SAMUEL 13:4 ပူးပေါင်းရင်းမြစ်များ

2 SAMUEL 13:3

Pak ayŭh biyŭn ndi naan jerā dŭn Jonadab, adi pitar darŭm atin arap-i, anak Shammah jurud David.

2 SAMUEL 13:5

Jonadab nang di ayŭh, “Kuu ngakar sungoh ka di guring. Kan sama mu mandŭg tudu kuu, nang di ayŭh, ‘Turung bada sude ku Tamar mandŭg di sabu aku. Aku raan ayŭh ndai pinguman digiti di yŭn aku tungang kiris ayŭh, ka komŭnŭ adŭp-i ngidang aku.’ ”

1 RAJA 21:5

Sawŭn-i Jezebel tudu ayŭh ka siken, “Mani kuu raru susah? Mani kuu abah man?”

1 RAJA 21:7

“Kuu ati raja kah ani?” Jezebel nam. “Makat so ambok, bada sanang asŭng mu ka nŭŭh di man. Aku re tambit yŭn mu teya anggor Naboth!”

ISAIAH 3:9

Pinganang ngara re dog adŭp ngara. Ngara ndai dosa ngga dŭh bisukan mun daya Sodom. Ngara mbŭh taban pinyirusag bada nyatŭk adŭp ngara.

JEREMIAH 8:12

Daya Ku, mangŭh kah angān ripas angān ndai kayuh adi sipŭ anŭ? Dŭh, angān manŭn dŭh mangŭh; raŭn ngan dŭh gŭh pandai marui bireh! Ngapŭi angān re rabu mun ngara adi bŭkŭn mbŭh rabu; kan Aku ngukum angān, anŭ re pimungan ngan. Aku, adi TUHAN, mbŭh minyu.

LEVITICUS 18:9

Dŭhnyah nyibŭŭs ngga jurud ngan adi dayung, puan kah jurud tiri ngan adi dayung, bait-i dog kudip samah puan kah dŭh di rawang ngan.

LEVITICUS 20:17

Kambŭi dari sawŭn sude dayung adŭp-i, puan kah sude tiri-i, ngara an dog pimangŭh di sirung jawin daya bagŭ, ka dog pibu so dupan bara daya Israel. Ayŭh muko raban ngga sude-i, jadi dŭh siŭn dŭh dapu tanggong di sarah anŭ.

MICAH 7:3

Sopŭrŭg ngara sukup pandai ndai arap. Bara pinurung pritah ngga akim akim mite suap. Daya adi bās kidaan kayuh adi-i raan, ngapŭi meh ngara taŭn bipekat ndai kayuh.

LUKE 12:32

“Dŭhnyah taru, angān tibaran adi siit, amai Sama ngan ngga munos asŭng-I mbŭh nyibandar angān kinyam Pinyipritah-I.