2 SAMUEL 11:15 - Hakcipta - Biatah Bidayuh

¹⁵ Ayŭh nuris: “Di yŭn bisaad, na Uriah di tura ka jawin, komŭnŭ ngundur ka tandah ayŭh dog siŭ.”

2 SAMUEL 11:15 ပူးပေါင်းရင်းမြစ်များ

2 SAMUEL 11:16

Jadi darŭm Joab aŭn nyikapung kupo pinganyu, ayŭh bada Uriah di ka tarun yŭn adi-i puan nang yŭn pinganyu raru bake.

2 SAMUEL 11:17

Bara soldadu pinganyu ruah so kupo ka bisaad ngga bara soldadu Joab; agi kada so bara pingubak soldadu David dog siŭ, simŭnŭ gŭh adŭp Uriah.

2 SAMUEL 12:9

Mani kuu dŭh dingah pinganang Ku? Mani kuu ndai kayuh arap adi mun anŭ? Kuu bada Uriah dog siŭ darŭm perang; kuu bada daya Ammon siŭ ayŭh, ka komŭnŭ kuu tambit sawŭn-i!

1 RAJA 15:5

TUHAN ndai simŭnŭ sabab David muko ndai kayuh adi pimunos asŭng-I ka bŭn nyibireu pinyipesan-I, adŭ-i sarah-i di tunduh Uriah adi daya Hitti.

MAZMUR 51:14

Dŭhnyah bada aku kabŭs, O Tapa, ka nyiramat aku, ka aku re ngga atin gaŭn piagah pinŭnggŭn Mai.

MAZMUR 51:4

Aku mbŭh bidosa rawan Kaam — rawan Kaam adŭ — ka mbŭh ndai anŭ adi Kaam nang arap. Ngapŭi Kaam batur kan Kaam nyarah aku; Kaam inŭh tŭnggŭn darŭm Kaam ngukum aku.

EKLISIASTIS 8:11

Mani daya graŭh an ndai sarah? Sabab daya adi ndai sarah dŭh rasu dog ukum?

JEREMIAH 17:9

“Asi dapŭd mirati atin manusia? Mating kayuh bŭkŭn re rabis bidikok mun atin manusia; atin anŭ mbŭh sera andam-i.

JEREMIAH 20:13

Biragu meh yŭn TUHAN! Muji TUHAN! Ayŭh nyiramat daya adi dog kinanyuh so kuasa daya adi arap.

1 SAMUEL 18:17

Komŭnŭ Saul nang di David, “Merab anak dayung ku. Aku re nggen ayŭh di kuu ndu sawŭn kambŭi kuu bituan di aku nimun soldadu adi pagan ka tŭtŭd, ka biperang yŭn TUHAN.” (Saul pikir darŭm ndai simŭnŭ daya Philistine re siŭ David, ka adŭp-i dŭhsah.)

1 SAMUEL 18:21

Ayŭh nang darŭm asŭng-i, “Aku re nggen Michal di David; aku re pakai ayŭh ngga kudog David, ka bada ayŭh dog siŭ daya Philistine.” Jadi mbŭh piduwŭh saba anŭ Saul nang di David, “Kuu re jadi iban ku.”

1 SAMUEL 18:25

ka Saul mritah ngara da kidaan di David: “Kayuh adi raja raan ndu upah sawŭn anak-i inŭh kurit-tŭbŭn buat siratus naan daya Philistine adi mbŭh dog siŭ, adi ngga maras dendam di pinganyu-i.” (Simŭnŭ inŭh pusar Saul, aran ngga-i bada David dog siŭ daya Philistine.)