2 SAMUEL 1:16 - Hakcipta - Biatah Bidayuh

¹⁶ ka David nang di daya Amalek anŭ, “Ati sarah adŭp mu. Kuu nunggu adŭp mu darŭm kuu ngaku adŭp mu siŭ daya adi TUHAN ko mien bada jadi raja.”

2 SAMUEL 1:16 ပူးပေါင်းရင်းမြစ်များ

2 SAMUEL 1:10

Jadi aku di ka yŭn-i ka siŭ ayŭh, sabab aku puan mŭnŭ re kabŭs gŭh ayŭh pasu-i tumbang. Komŭnŭ aku tambit makota so ubak-i ka garang so tangan-i, ka mbŭh taban-i ka yŭn mai, tuan.”

2 SAMUEL 16:8

Kuu tambit pritah Saul, ka madin Tapa mbŭh ngukum kuu amai daya darŭm rawang Saul bagŭ muko mu siŭ. TUHAN mbŭh nggen pritah mu ka anak mu Absalom, ka kuu inŭh mbŭh rusag, kuu adi pinyiŭ!”

1 RAJA 2:37

Kambŭi kuu bu ka mutas sungi Kidron, kuu re manŭn dog siŭ — ka adŭp mu dapu tanggong di pinyikabŭs mu.”

JOB 15:6

Dŭhsah aku nyarah kuu; piminyu adŭp mu mbŭh nyarah kuu.

PITAS 6:2

Mbŭh kah kuu dog nakap sitagar pinganang adŭp mu, tikapung bada janji adi adŭp mu ndai?

EZEKIEL 18:13

ka nginjam duit ngga dapŭd utung. Re udip kah daya adi mun anŭ? Ayŭh mbŭh ndai sopŭrŭg pingandai sipŭ anŭ, ka ayŭh sawŭ re kabŭs amai sarah-i anŭ.

EZEKIEL 33:5

Pinyikabŭs-i anŭ inŭh so sarah adŭp-i, sabab ayŭh dŭh mbit piduri di jawŭn trompet anŭ. Kambŭi ayŭh mbit piduri, tatu ayŭh siramat.

LEVITICUS 20:16

Kambŭi dayung suba an bada dāng nyirambang adŭp-i, dayung ngga dāng anŭ siŭn dog ukum kabŭs. Ngara tanggong di pinyikabŭs adŭp ngara.

LEVITICUS 20:27

“Tadŭ tadŭ dari bait dayung adi bisiken ngga roh roh daya adi mbŭh kabŭs siŭn dog manjan ngga batuh ndŭg ka kabŭs; tadŭ tadŭ so angān adi ndai kayuh anŭ dapu tanggong di pinyikabŭs adŭp-i.”

LEVITICUS 20:9

TUHAN nggen atur-adat ati: Asi asi angān adi mangu sama ngan puan kah sindŭ ngan siŭn dog nggen ukum kabŭs; angān dapu tanggong di pinyikabŭs adŭp ngan.

MATTHEW 27:25

Sopŭrŭg bara daya bagŭ nam, “Isa-i kieh garang ngga bara anak ami dapu tanggong di pinyikabŭs-I!”

LUKE 19:22

Raja nang di ayŭh, ‘Kuu daya-gaji adi arap! Aku re pakai pinganang adŭp mu ngga nunggu kuu! Kuu puan aku ati daya karas, tambit kayuh adi aku dŭh dapu ka ngatŭm kayuh adi aku dŭh purun.

PINGANDAI 18:6

Kan ngara natang ayŭh buang nang kayuh arap pasar ayŭh, ayŭh ngambar kadi dabu so piraka-i ngga matah ka nang di ngara, “Kambŭi angān manyap, adŭp ngan tanggong adŭp ngan! Aku dŭh re tanggong. So madin aku re di ka daya adi dŭh bangsa Jahudi.”

PINGANDAI 20:26

Jadi aku nakit kidaan di angān andu ati: kambŭi agi so angān manyap, dŭh aku dapu tanggong.

ROME 3:19

Madin ata puan nang sopŭrŭg kayuh darŭm Ukum-adat taŭn mbŭh yŭn daya adi udip di ribo Ukum-adat, siŭn sopŭrŭg daya dŭh bisa nang ani ani ngga nutu sarah-i, ka yŭn sopŭrŭg daya dog taban bisara di sirung jawin Tapa.

DITRONOMI 19:10

Ndai simŭnŭ, isa daya adi dŭh sarah dŭh kabŭs, ka isa angān dŭh gŭh sarah sitagar daya dog siŭ darŭm tarun tana adi TUHAN nggen di angān.

JOSHUA 2:19

Asi asi adi ruah so ramin anŭ, pinyikabŭs-i inŭh so sarah adŭp-i, ka kieh dŭh re dapu tanggong; pak kambŭi agi daya adi darŭm ramin mu kinaman, kieh siŭn dapu tanggong.

AKIM 9:24

Anŭ mbŭh jadi isa Abimelech ngga daya daya Shechem, adi ngatat ayŭh bada siŭ anak anak Gideon adi ju puru naan, dog ukum yŭn sarah adŭp ngara.

1 SAMUEL 25:39

Kan David dingah Nabal mbŭh kabŭs, ayŭh nang, “Puji ka TUHAN! Ayŭh mbŭh maras Nabal amai-i pimangŭh aku, ka mbŭh bitan aku adi urun-I so ndai sarah. TUHAN mbŭh ngukum Nabal amai arap-i.” Komŭnŭ David pait pinganang ka Abigail yŭn re tambit ayŭh ndu sawŭn.

1 SAMUEL 26:9

Pak David nang, “Kuu dŭh siŭn ida ida di tunduh-i! TUHAN re manŭn ngukum daya adi ida ida ngga raja adi-I mbŭh mien.