2 SAMUEL 1:11 - Hakcipta - Biatah Bidayuh

¹¹ Darŭm susah David nyiratak piraka-i, ka simŭnŭ gŭh bara daya-i adi agi diginŭ.

2 SAMUEL 1:11 ပူးပေါင်းရင်းမြစ်များ

TIBIRIK 37:29

Kan Reuben pari di ka rubang prigi ka kiris Joseph mbŭh mating diginŭ, ayŭh nyiratak jipo-i darŭm susah.

TIBIRIK 37:34

Jacob darŭm susah nyiratak jipo-i, ka kasŭk banang guni ka ngurid anak-i Joseph mua tian-i.

TIBIRIK 44:13

Ngara adi bijurud anŭ nyiratak piraka ngara darŭm susah. Na barang ngara di tunduh kaldi ngara, ka pari ka kupo anŭ.

2 SAMUEL 13:19

Ayŭh ngabu apŭk di ubak-i, nyiratak jipo ambu-i anŭ, ka ngga tangan-i nutu jawin-i ayŭh bu buang sien.

2 SAMUEL 13:31

Raja rasu mijog, nyiratak piraka-i darŭm susah, ka taran adŭp-i ka tana. Bara daya-gaji adi agi diginŭ nyiratak gŭh piraka ngara.

2 SAMUEL 3:31

Komŭnŭ David mritah Joab ngga bara daya-i bada nyiratak piraka ngara, pakai banang guni, ka muās Abner. Ka di tika nyikubur, Raja David panu di punok tunda arung.

2 RAJA 5:7

Kan raja Israel basa surat anŭ, ayŭh nyiratak piraka-i darŭm baji ka nang, “Simuki raja Syria bisa mite aku pibua daya ati? Ayŭh pikir aku ati Tapa, biyŭn kuasa bada daya udip ka bada daya kabŭs. Mbŭh tatŭng ayŭh raan piguru kaii ngga aku!”

2 KRONIKEL 34:27

ka kuu mbŭh marik pimudip mu pari ka Aku ka pirapat adŭp mu di sirung jawin Ku, nyiratak piraka mu ka sien, ka kuu dingah Aku re ngukum Jerusalem ngga daya-i. Aku mbŭh dingah dua mu,

EZRA 9:3

Kan aku dingah kayuh anŭ, aku nyiratak piraka ku darŭm susah, nyirugut ubok ngga gagap ku, ka guru ngga atin adi keya ka mbŭh asur.

ESTHER 4:1

Kan Mordecai dingah sopŭrŭg kayuh anŭ adi mbŭh jadi, ayŭh nyiratak piraka-i amai susah. Komŭnŭ ayŭh nēn banang guni, ngabu apŭk di ubak-i, ka panu darŭm kupo buang bana sien,

JEREMIAH 36:24

Pak ngara, bait-i raja puan kah bara pinurung-i adi mbŭh dingah sopŭrŭg kayuh anŭ, dŭh taru ka tatŭng dŭh susah.

JOEL 2:13

Bada atin ngan anŭ adi keya ka asur kiren susah ngan; nyiratak piraka ngan dŭh-i sadang.” Pari ka TUHAN adi Tapa ngan. Ayŭh inŭh mandis ka raru masi; Ayŭh tŭtŭd ka ingat janji-I; Ayŭh ari sidia an apun ka dŭh-I an ngukum.

PINGANDAI 14:14

Kan Barnabas ngga Paul dingah kayuh adi ngara re ndai, ngara nyiratak piraka ngara ka bikaduh ka yun bara daya bagŭ buang nyirais,

ROME 12:15

Gaŭn ngga ngara adi gaŭn, muās ngga ngara adi muās.

JOSHUA 7:6

Joshua ngga bara pinguru Israel nyiratak piraka ngara darŭm susah ka sipŭŭb nura Pati Simanya ndŭg singumi andu anŭ, ka di ubak ngara agi dabu tana ngga nandā adŭp ngara susah.