2 PETER 3:7 - Hakcipta - Biatah Bidayuh

⁷ Pak rangit ngga ong adi agi madin babŭ dog digŭng pinganang Tapa anŭ gŭh, siŭn-i dog pirabur ngga apui. Rangit ngga ong babŭ yŭn andu adi ngga daya adi dŭh stabi di Tapa dog ukum ka dog pirabur.

2 PETER 3:7 ပူးပေါင်းရင်းမြစ်များ

MAZMUR 102:26

Sopŭrŭg anŭ re miyap, pak Kaam re babŭ; sopŭrŭg-i re rusak mun piraka. Kaam re taran-i mun taran piraka, ka sopŭrŭg-i re mating tia.

MAZMUR 50:3

Kan Tapa ta mandŭg, Ayŭh dŭh re pajam; jireb apui agi diŭ di jawin-I, sabak ribut agi maning Ayŭh.

ISAIAH 51:6

Tingga ka rangit; tingga ong! Rangit re miyap mun asuh; ong re bikurat mun piraka adi amba, ka sopŭrŭg daya-i re kabŭs mun tura. Pak pinyirupas adi Aku taban re tan adu adu; pimanang Ku dŭh re mungan.

ISAIAH 66:15

TUHAN re mandŭg ngga apui. Ayŭh re mandŭg ngga sabak ribut di ngukum ngara adi yŭn-I baji.

DANIEL 7:9

Darŭm aku tingga, takta takta mbŭh dog tipan. Sianŭ adi udip ndŭg situi tui guru di ndi so dudu takta anŭ. Piraka-I buda mun salju, ka ubok-I mun tigŭrŭ buruh biri. Takta-I, biyŭn kaja krita kuda adi bijagu apui dieh,

ZEPHANIAH 3:8

“Kajŭn adŭ,” TUHAN nang, “Kajŭn andu anŭ adi ngga Aku makat ka nyarah bangsa bangsa. Aku mbŭh ndai pikir Ku an nguruk bangsa bangsa ngga pritah pritah, isa Aku bisa bada ngara kinyam bisā baji Ku. Ndi ong ong re dog pirabur ngga apui baji Ku.

MALACHI 4:1

TUHAN Bisa-pŭrŭg nang, “Andu re mandŭg adi ngga sopŭrŭg daya adi sambuh ngga adi arap re dog badang keya ka siriyang dog badang. Di andu anŭ ngara re abo dog badang, ndŭg ka mating ani ani dŭm so ngara.

MATTHEW 10:15

Ingat nŭh! Di Andu Bisara Tapa re masi dŭ di daya di kupo Sodom ngga kupo Gomorrah so di daya di kupo anŭ!

MATTHEW 11:22

Puan meh! Di Andu Bisara Tapa re masi dŭ di daya di Tyre ngga di Sidon so di angān!

MATTHEW 11:24

Puan meh! Di Andu Bisara Tapa re masi dŭ di Sodom so di angān!”

MATTHEW 12:36

“Ingat nŭh, di Andu Bisara barang naan daya re dapu tanggong di sopŭrŭg pinganang adi dŭh biguna adi-i ko piruah.

MATTHEW 24:35

Rangit ngga ong re mungan, pak pinganang Ku dŭh re manyap

MATTHEW 25:41

“Komŭnŭ Ayŭh re nang di ngara adi tura ka bait-I, ‘Bu so Aku angān, angān adi dog pangu Tapa! Bu angān ka apui neraka adi mbŭh dog sidia yŭn Siarap ngga bara malaikat-i!

MARK 6:11

Kambŭi angān mandŭg ka kupo di yŭn daya dŭh trima angān puan kah abah dingah pinganang ngan, bu so nŭ ka gutog dabu so kaja ngan. Anŭ jadi pinyibakan di ngara!”

JOHN 12:48

Daya adi tirawan Aku ka dŭh an kambat agah Ku mbŭh biyŭn anŭ adi re nyarah ayŭh. Pinganang adi Aku ko piruah re nyarah ayŭh di andu sikasŭn!

ROME 2:5

Pak atin ngan karas buang baking, ngapŭi angān mbŭh ndai ukum ngan rabis bat-i di Andu baji Tapa ngga ukum-i adi tŭnggŭn dog pinandŭng.

1 CORINTH 3:13

Ka pinyikana kraja pingandai barang naan daya re dog kiris kan Andu Kristus kiren-i. Amai di Andu anŭ apui re pinandŭng kraja pingandai barang naan daya; apui anŭ re suba-i ka kiren munki pinyikana-i.

PHILIPPI 1:28

Dŭhnyah taru pinganyu ngan; ari bada adŭp ngan pagan ngga kiren di ngara adŭp ngan re manang ka adŭp ngara re arah, sabab Tapa inŭh adi nggen pimanang di angān.

2 THESSALONICA 2:3

Dŭhnyah bada daya nyibudo angān. Andu anŭ dŭh re mandŭg ndŭg ka andu adi ngga daya bagŭ makat rawan Tapa, ka Manusia adi Arap anŭ adi taŭn re dog taran ka neraka, pinandŭng adŭp-i.

1 TIMOTHY 6:9

Pak ngara adi an jadi kaya mbŭh rabu ka darŭm pinyisuba ka mbŭh dog mirakap pinyiraan adi arap adi bisa nyirubuh ka pirusak ngara.

HEBREW 12:29

sabab Tapa ta taŭn-I sawŭ keya ka apui adi pirabur.

2 PETER 2:9

Ngapŭi Tuhan puan munki Ayŭh re nyiramat daya adi nurut pinyiraan Tapa so pisuba ngara ka munki re nguruk bara adi ginaka di ribo ukum yŭn Andu Bisara,

2 PETER 3:10

Pak Andu Tuhan re mandŭg mun pinaku. Di Andu anŭ rangit re miyap ngga sak jawŭn adi raru bana, kayuh kayuh di rangit re dog sigot ka dog pirabur, ka ong ngga sopŭrŭg isi-i re mating tia.

2 PETER 3:12

darŭm angān kajŭn Andu Tapa ka ngga situngang ngan bada-i rikas mandŭg, Andu anŭ adi ngga rangit dog sigot ka dog pirabur, ka kayuh kayuh di rangit riris da paras-i.

1 JOHN 4:17

Pinyirindu dog bada sukup batur darŭm ata, siŭn ata birani di Andu Bisara te. Ata re birani, sabab pimudip ta di ong agi brimun ngga tung Kristus.

JUDE 1:7

Ingat ngan Sodom ngga Gomorrah, ka kupo kupo adi maning-i; pingandai daya-i brimun ngga pingandai bara malaikat anŭ, adi mbŭh sungak darŭm pingandai kais. Ngara mbŭh kinyam ukum darŭm apui neraka, adi jadi pinyibakan yŭn sopŭrŭg daya.

PINANDŬNG 17:11

Ka dāng anŭ adi ko udip dawŭ-i, pak mbŭh dŭh tia, inŭh adŭp-i adi re jadi raja adi numbor mai, ndi so ngara adi ju naan ka adi re dog pirabur.

PINANDŬNG 17:8

Dāng anŭ ko udip dawŭ-i, pak mbŭh dŭh tia udip; ayŭh mbŭh re makat so rasan ong ka re dog pirabur. Bara daya adi udip di ong adi gibayuh dog nuris dŭn-i sibayuh ong dog napa, di surat di yŭn dŭn bara daya adi Tapa mbŭh mien dog nuris, re nginga darŭm ngara kiris dāng anŭ. Dāng anŭ ko udip; dŭh-i re dŭh tia udip, pak-i re pari tatŭng.

PINANDŬNG 20:11

Komŭnŭ aku kiris takta bās adi buda ngga sianŭ adi guru dieh. Ong ngga rangit babak bu so sirung jawin-I ka dŭh tia dog kiris.

PINANDŬNG 21:1

Komŭnŭ aku kiris rangit bauh ngga ong bauh. Rangit adi diŭ ngga ong adi diŭ mbŭh manyap, ka rawŭt ani.