2 PETER 2:7 - Hakcipta - Biatah Bidayuh

⁷ Tapa nyiramat Lot, daya adi kana, adi mbŭh raru susah da pimudip daya adi dŭh puan ukum-adat, anŭ inŭh pimudip ngara adi dŭh tatu darŭm pingandai kais.

2 PETER 2:7 ပူးပေါင်းရင်းမြစ်များ

TIBIRIK 13:13

adi puno ngga daya ginaka ngga adi bidosa rawan TUHAN.

TIBIRIK 19:16

Lot sais. TUHAN masi di ayŭh; jadi ngara tambit tangan-i, sawŭn-i ka duwŭh madis anak dayung-i ka kayak ngara ngga ruah so kupo anŭ.

TIBIRIK 19:22

Rikas! bikaduh meh! Aku dŭh bisa ndai ani ani sibayuh angān mbŭh ndŭg nŭ.” Sabab Lot nang-i sŭ, kupo anŭ mbŭh dog kadŭn Zoar.

TIBIRIK 19:29

Pak di tipuh Tapa pirabur kupo kupo anŭ di rubān adi yŭn Lot ko rŭŭ, Ayŭh ingat Abraham ka bada Lot bu so nŭ di nyiramat adŭp-i.

TIBIRIK 19:5

Ngara bagan Lot ka siken, “Diki daya adi mandŭg nyirŭmŭn di ramin mu ngarŭm ati? Taban ngara ngga ruah!” Bara dari so Sodom an nyiket ngara.

MAZMUR 120:5

Udip bigaur ngga angān inŭh arap keya ka udip di Meshech, puan kah bigaur ngga daya Kedar.

JEREMIAH 23:9

Atin ku asur, ka aku mbŭh kimŭtŭr. Sabab TUHAN, sabab pinganang kudus-I, aku ati mun daya adi mabuk, adi nok raru bagŭ wain.

1 CORINTH 10:13

Angān dog suba mun daya bŭkŭn gŭh. Pak Tapa ingat janji-I, ka dŭh-I re bada angān dog suba rabis so tungang angān trima. Di tika angān dog suba, Ayŭh re nggen di angān pinyibake ngga rawan-i, buang ngga pirupas adŭp ngan.

2 PETER 2:18

Ngara piruah piminyu sambuh ka sipadin, ka pakai pinyiripong pŭrŭng ngga kudog daya adi aŭn suba an pirupas adŭp-i so bara daya adi udip darŭm sarah.

2 PETER 2:2

Pak bagŭ daya re tunda kraja pingandai kais ngara; ka sabab kayuh adi ngara ndai, daya bŭkŭn re kinarap Aran adi Sawŭ nuju Tapa.

2 PETER 3:17

Pak angān, bara dingan ku, mbŭh puan kayuh ati. Bijaga meh, isa angān dŭh miriseu da sarah daya adi arap, ka rabu so yŭn ngan adi siramat.

JUDE 1:4

Amai agi kada daya adi dŭh stabi di Tapa, dŭh ata rada, mbŭh mŭrŭt ka darŭm tibaran ta. Ngara nikok marik agah pasar pinyirasi-mandis Tapa ta ngga-i nyibandar pimudip-i adi dŭh tatu darŭm pingandai kais, ka tirawan Jesus Kristus, adi Tuan ka Tuhan ta adi ndi adŭ. Ndun jah Surat-kudus ko ninjau ukum adi ngara mbŭh trima.