2 PETER 2:3 - Hakcipta - Biatah Bidayuh

³ Ngga atin tama, bara gurū kadong ati jiroh bagŭ utung so dundan adi ngara nimbur da angān dingah. Mbŭh tui ukum mbŭh dog sidia yŭn ngara, ka pinyirusag adi dog natu yŭn ngara mbŭh kajŭn ngara!

2 PETER 2:3 ပူးပေါင်းရင်းမြစ်များ

JOB 6:27

Ndŭg ka angān taran dadu ngga dapŭd anak tumang jadi urun ngan ka jua jerā ngan ngga dapŭd pinyikaya!

MAZMUR 18:44

Bara pinami nundok di aku; kan ngara dingah aku, ngara tunda pinganang ku.

MAZMUR 66:3

Nang di Tapa, “Munki masam saruh kayuh adi Kaam ndai! Kuasa Mai inŭh raru bās ndŭg ka pinganyu Mai mutu darŭm taru di sirung jawin Mai.

MAZMUR 81:15

Ngara adi tiru di Aku re mutu ubak ngara ka Aku darŭm taru; ukum ngara re dŭh biyŭn pinŭbŭn.

ISAIAH 5:19

Angān nang, “Tandah TUHAN rikas ndai kayuh adi Ayŭh nang adŭp-I re ndai, isa ata dapŭd kiris-i. Tandah Tapa kudus Israel ndai anŭ adi Ayŭh mbŭh ngatur an ndai; ja tingga ani anŭ di pikir-I.”

ISAIAH 56:11

Ngara pirusong mun kasong adi bŭn bisa bisoh. Bara pinguru anŭ dŭh biyŭn pinyimirati. Barang naan ngara ndai kayuh nanyam pinyiraan adŭp-i ka jiroh utung yŭn adŭp-i adŭ.

ISAIAH 60:22

Ndŭg ka rawang mu adi siabo sŭ ngga adi dog ngamun re jadi bangsa adi bās ngga adi bikuasa. Kan tika-i adi batur mbŭh mandŭg, Aku re bada kayuh anŭ rikas jadi. Aku ati TUHAN!

JEREMIAH 6:13

Barang naan daya, bās ngga sŭ, suba dapŭd duit ngga aran adi dŭh batur; nabi ngga imam gŭh nipu daya.

JEREMIAH 8:10

Ngapŭi Aku re nggen ŭmŭh ngara ka daya bŭkŭn, ka sawŭn ngara ka dari bŭkŭn. Barang naan daya, adi bās ngga adi sŭ, suba an dapŭd duit ngga aran adi dŭh batur. Nabi ngga imam gŭh nipu daya.

EZEKIEL 13:19

Angān ngamun Aku di sirung jawin daya Ku ngga dapŭd duwŭh taruh agŭm jeri ka duwŭh taruh baru ruti. Angān siŭ daya adi dŭh patut dog siŭ, ka angān bada udip daya adi dŭh patut udip. Jadi angān kadong daya Ku, ka ngara sabah angān.”

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

HABAKKUK 3:3

Tapa mandŭg dinge so Edom; Tapa adi kudus mandŭg so sandah sandah Paran. Bragah-I nutu rangit; ka ong puno ngga puji yŭn-I.

MALACHI 1:10

TUHAN Bisa-pŭrŭg nang, “Kana dŭ inŭh ndi naan so angān tŭŭp adŭ tiban Ramin Ku isa angān dŭh ndai apui adi dŭh biguna di tunduh mija-sambah Ku. Aku dŭh munos asŭng di angān; Aku dŭh re trima sadis sadis adi angān taban ka Aku.

MATTHEW 23:14

Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān nipu bara dayung uban ka sirapas ramin-arŭn ngara, ka komŭnŭ nadar bidua tui di sirung jawin daya! Sabab anŭ ukum ngan re rabis bat!]

LUKE 18:8

Aku kidaan di angān, Ayŭh re bigaut turung ngara. Pak re Anak Manusia dapŭd kah dŭh daya adi sabah di adŭp-I kan Ayŭh mandŭg?”

LUKE 20:20

Jadi ngara kajŭn pluang. Ngara nyuap daya da ngakar mun daya adi tŭnggŭn atin-i, ka pait ngara da kudog Jesus ngga piminyu pinganang, isa ngara bisa nyerah Ayŭh ka darŭm tangan ngga kuasa gabenor pritah Rome.

LUKE 22:47

Jesus gibabŭ minyu kan bara daya mandŭg. Ngara dog nguru Judas, ndi so simŭng-duwŭh naan murid Jesus. Ayŭh tudu Jesus re sium Ayŭh.

JOHN 2:16

ka-I nang di ngara adi jua manuk asang, “Taban-i bu so ti! Dŭh tia bada ramin Sama Ku jadi ramin yŭn bidagang!”

ROME 16:18

Amai ngara adi ndai kayuh adi mun anŭ dŭh-i bituan di Kristus Tuhan ta, pak ndai kana yŭn adŭp-i. Ngga bang bang piminyu adi mandis ka ngga pinganang adi nganju katuh daya ngara nipu daya adi dŭh puan ani ani.

2 CORINTH 2:17

Kieh dŭh mun daya bŭkŭn, bijaja ngga Agah Kana so Tapa ka bada-i mun kayuh adi dŭh brega; pak sabab Tapa mbŭh pait kieh, kieh minyu ngga atin tŭnggŭn di sirung jawin-I, nimun bara urun Kristus.

DITRONOMI 24:17

“Dŭhnyah sirapas hak daya pinami ngga hak bara anak tumang; ka dŭhnyah gŭh tambit piraka dayung uban ndu jamen duit adi-i nginjam.

DITRONOMI 32:35

TUHAN re maras ka ngukum ngara; tipuh re mandŭg kan ngara re rabu; andu pinyirusag ngara mbŭh sindŭk.

1 THESSALONICA 2:5

Angān puan kieh dŭh mandŭg ka yŭn ngan taban piminyu adi muji, dŭh gŭh ngga pinŭtŭn an dapŭd utung so angān. Tapa inŭh saksi ami!

1 THESSALONICA 5:3

Kan daya nang, “Ati tika damai, ka mating ani ani pito,” nganŭ gŭh pinyusah re gŭgŭh timbur ka nyatŭk ngara! Pinyusah anŭ re nyirŭgŭh mandŭg keya ka dayung adi bite nyirŭgŭh naman sarang re biranak, ka mating daya re tungang pirupas adŭp-i so pinyusah anŭ.

1 TIMOTHY 3:3

ayŭh dŭh siŭn daya adi pimabuk puan kah daya adi mangah, pak duduh buang dŭh pinyikaii; ayŭh dŭh siŭn gira duit;

1 TIMOTHY 3:8

Pinurung eklisia dŭh siŭn dŭh gŭh an daya adi kana urah rakah-i buang an daya adi tŭnggŭn atin-i; ngara dŭh siŭn daras nok wain puan kah gira duit;

1 TIMOTHY 6:5

ka kaii adi dŭh ko ko so ngara adi mbŭh rusak pikir-kira buang mbŭh dŭh natŭng kayuh adi sawŭ. Ngara pikir adat mbŭh aran ngga jadi kaya.

TITUS 1:11

Patut inŭh baba ngara dog mapot, sabab ngara mbŭh nyusah bagŭ rawang ngga kayuh adi dŭh ngara patut ngajar. Pingandai ngara anŭ batur-i ngga pinŭtŭn an jiroh duit, pingandai adi nggen mangŭh.

TITUS 1:7

Amai nyamba eklisia digŭng kraja Tapa, ayŭh patut dŭh biyŭn sarah. Ayŭh dŭh patut daya adi miruap gambung puan kah gŭtŭh, pimabuk puan kah gira piayo daya, puan kah daya adi gira duit.

1 PETER 2:8

Agi gŭh dog nuris sakati darŭm Surat-kudus, “Ati inŭh batuh adi re bada daya sikak, tibande batuh adi re bada ngara rabu.” Ngara sikak sabab ngara dŭh sabah di pinganang anŭ; simŭnŭ inŭh pingatur Tapa di ngara.

1 PETER 5:2

jadi pingingat kaban biri adi Tapa ko nggen di angān da kingat, dŭh ngga atin adi abah pak ngga atin adi siabo raan. Ndai kraja ngan, dŭh sabab an dapŭd utung adŭ, pak so atin adi sawŭ an ndai-i.

2 PETER 1:16

Kan kieh kidaan di angān munki masam bikuasa pimandŭg Tuhan ta Jesus Kristus, kieh dŭh bisangan di dundan adi dog nimbur daya. Ngga batŭh adŭp ami kieh mbŭh kiris kuasa bās-I.

2 PETER 2:1

Bara nabi kadong ko jah-i agi di ruang daya, ka simŭnŭ gŭh bara gurū kadong re agi timbur di ruang ngan. Ngara re taban ajar ajar adi dŭh batur buang adi pirusak, ka re miman Tuhan adi nubos adŭp-i; ka mun anŭ ngara re bada pinyirusag rikas nyatŭk adŭp-i.

2 PETER 2:9

Ngapŭi Tuhan puan munki Ayŭh re nyiramat daya adi nurut pinyiraan Tapa so pisuba ngara ka munki re nguruk bara adi ginaka di ribo ukum yŭn Andu Bisara,

JUDE 1:11

Payah inŭh ngara! Ngara mbŭh tunda gaya Cain. Sitagar duit ngara mbŭh ndai sarah, mun sarah adi Balaam ko ndai. Ngara binasa amai rawan pritah, mun Korah.

JUDE 1:15

di nggen ukum di sopŭrŭg daya, di nunggu ngara sabab sopŭrŭg urah ginaka ngara ka sabab pinganang arap adi daya bidosa adi dŭh stabi di Tapa ko piruah ngga rawan Ayŭh!”

JUDE 1:16

Ngara anŭ siraru mingungut buang nyarah daya; ngara tunda pinyiripong adŭp-i adi arap, muji adŭp-i ka nganju daya bŭkŭn yŭn dapŭd utung.

JUDE 1:4

Amai agi kada daya adi dŭh stabi di Tapa, dŭh ata rada, mbŭh mŭrŭt ka darŭm tibaran ta. Ngara nikok marik agah pasar pinyirasi-mandis Tapa ta ngga-i nyibandar pimudip-i adi dŭh tatu darŭm pingandai kais, ka tirawan Jesus Kristus, adi Tuan ka Tuhan ta adi ndi adŭ. Ndun jah Surat-kudus ko ninjau ukum adi ngara mbŭh trima.

JUDE 1:7

Ingat ngan Sodom ngga Gomorrah, ka kupo kupo adi maning-i; pingandai daya-i brimun ngga pingandai bara malaikat anŭ, adi mbŭh sungak darŭm pingandai kais. Ngara mbŭh kinyam ukum darŭm apui neraka, adi jadi pinyibakan yŭn sopŭrŭg daya.