2 PETER 2:20 - Hakcipta - Biatah Bidayuh

²⁰ Kambŭi daya mbŭh pirupas adŭp ngara so kuasa aran pimudip adi arap amai mbŭh puan pasar Tuhan adi Pinyikudip ta Jesus Kristus, ka komŭnŭ pari rabu, pimudip ngara anŭ agi rabis arap sikasŭn-i so pimudip ngara adi mbŭh.

2 PETER 2:20 ပူးပေါင်းရင်းမြစ်များ

EZEKIEL 33:13

Kambŭi Aku bijanji an nggen udip di daya adi kana, pak kambŭi ayŭh piguru pikir pinyikana-i adi dawŭ mbŭh sukup ka piguru ndai dosa, Aku dŭh re ingat tadŭ tadŭ pinyikana-i adi dawŭ. Ayŭh re kabŭs sabab dosa-i.

LEVITICUS 13:20

Imam anŭ siŭn piruh daya anŭ, ka kambŭi tapo anŭ mun adi rōng ka tŭrŭp so kurit adi di bŭngŭn-i, ka buruh dieh marui buda, ayŭh siŭn pikadŭn daya anŭ kais. Anŭ inŭh andam kurit adi bisā adi piguru so pirakis anŭ.

LEVITICUS 13:55

Komŭnŭ ayŭh siŭn piruh-i, ka kambŭi kurat anŭ dŭh birubah kala-i sunggu-i dŭh papah, kayuh anŭ babŭ kais; angān dŭh siŭn dŭh badang kayuh anŭ bait-i adi madam tura ka jawin puan kah tura ka punok.

LEVITICUS 14:43

Kambŭi kurat timbur dinge di ramin anŭ, ripas batuh sindung anŭ muko dog kadi, ka ramin anŭ muko gŭh dog ngiis ka dog nyamen bauh,

PINYIKIANG 24:20

Komŭnŭ keya ka darŭm pŭmŭh Balaam kiris daya Amalek, ka minyu pinganang-binabi ati: “Amalek inŭh daya adi bake dŭ so sopŭrŭg bangsa, pak pinŭbŭn-i re rarap adu adu.”

DITRONOMI 32:29

Ngara dŭh tungang rada ani sabab ngara dog ngarah; ngara dŭh tungang mirati ani mbŭh jadi.

PHILIPPI 3:19

Pinŭbŭn pimudip daya adi mun anŭ taŭn-i di neraka, sabab tapa ngara inŭh pŭrŭng adŭp ngara. Ngara mingangŭn di kayuh adi ngara patut mangŭh ngarun, buang bipikir di kayuh ong adŭ.

2 TIMOTHY 2:4

Soldadu adi aŭn ndai kraja-i raan pimunos asŭng pingubak-i. Abah ayŭh jiroh kraja bŭkŭn.

JAMES 1:27

Adat adi Tapa Sama nyirundeng bisig buang sawŭ batur inŭh simuti: kingat jaga ngara adi tumang ka dayung uban di pinyusah ngara, ka jaga adŭp ngan so dog kinais ong ati.

2 PETER 1:11

Darŭm angān ndai simŭnŭ angān re dog nggen hak ngga sipuno-i ngga kinyam Pinyipritah adi sawŭ adi tan adu adu adi tung Tuhan ngga Pinyikudip ta, Jesus Kristus.

2 PETER 1:2

Isa-i pinyirasi-mandis ngga damai jadi jangān ngga sipuno-i so pinyipuan ngan pasar Tapa ka pasar Jesus Tuhan ta.

2 PETER 1:3

So kuasa Tapa ata mbŭh kambat sopŭrŭg kayuh adi ata biguna yŭn aran pimudip adi pimunos asŭng Tapa. Ayŭh simŭnŭ so ka pinyipuan ta pasar Ayŭh adi bagan ata da sua darŭm bragah ngga pinyikana-I.

2 PETER 1:4

Simuti inŭh, Ayŭh mbŭh nggen di ata pinganggen anŭ adi bās ka brega adi Ayŭh ko bijanji an nggen, isa ngga pinganggen anŭ angān bisa pirupas adŭp ngan so pinyiripong adi bisa pirusak angān di ong ati, ka mandŭg sua dapu tibiat Tapa.

2 PETER 1:8

Simŭnŭ inŭh angān patut masang darŭm pimudip ngan, ka kambŭi angān udip mun anŭ, angān re puan nang kayuh adi angān puan pasar Jesus Kristus mbŭh bada pimudip ngan biguna ka biyŭn rati.

2 PETER 2:18

Ngara piruah piminyu sambuh ka sipadin, ka pakai pinyiripong pŭrŭng ngga kudog daya adi aŭn suba an pirupas adŭp-i so bara daya adi udip darŭm sarah.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.