2 PETER 2:2 - Hakcipta - Biatah Bidayuh

² Pak bagŭ daya re tunda kraja pingandai kais ngara; ka sabab kayuh adi ngara ndai, daya bŭkŭn re kinarap Aran adi Sawŭ nuju Tapa.

2 PETER 2:2 ပူးပေါင်းရင်းမြစ်များ

TIBIRIK 19:5

Ngara bagan Lot ka siken, “Diki daya adi mandŭg nyirŭmŭn di ramin mu ngarŭm ati? Taban ngara ngga ruah!” Bara dari so Sodom an nyiket ngara.

MAZMUR 18:21

Aku tunda ukum-adat TUHAN; aku mating nyipunok Tapa ku.

ISAIAH 35:8

Re agi aran raya diginŭ, dog kadŭn “Aran Pinyikudus”. Mating daya bidosa re an panu kadŭg aran anŭ; mating daya budo re kinanyap daya adi panu kadŭg-i.

JEREMIAH 6:16

TUHAN nang di daya-I, “Mijog di sakap sakap aran ka tingga. Siken diki aran amba adi jah ka diki aran adi siabo kana. Kadŭg-i, ka kuu re udip darŭm damai.” Pak ngara nang, “Dŭh, abah kieh!”

MATTHEW 22:16

Komŭnŭ ngara pait ka yŭn-I kada so bara pinunda ngara samŭn kada daya so tibaran daya Herod. “Gurū,” ngara nang, “Kieh puan Kaam kidaan kayuh adi sawŭ. Kaam ngajar kayuh adi sawŭ pasar pinyiraan Tapa yŭn manusia, dŭh kira ani nang daya, sabab Kaam dŭh piduri pangkat daya.

MATTHEW 24:24

Amai bara Kristus kadong ka bara nabi kadong re timbur; ngara re ndai pingandai-nginga ka pingandai-saruh ngga nipu ndŭg ka bara daya adi Tapa mbŭh mien ani, kambŭi tungang.

MATTHEW 7:14

Pak tiban nuju udip adi sawŭ adi tan adu adu agi sapit ka aran adi di kamanŭ agi mbar, ka daya dŭh bagŭ dapŭd-i.

MARK 12:14

Ngara mandŭg tudu Ayŭh ka nang, “Gurū, kieh puan Kaam kidaan kayuh adi sawŭ, dŭh kira ani nang daya. Kaam dŭh piduri pangkat daya, pak ngajar pasar pinyiraan Tapa yŭn manusia. Kidaan di kieh, rawan Ukum-adat kah dŭh nŭŭh bayar suke ka Caesar? Re ta bayar kah dŭh ayŭh?”

MARK 13:22

Amai bara Kristus kadong ka nabi kadong re timbur. Ngara re ndai pingandai-nginga ka pingandai-saruh ngga situngang tungang-i ngga kinanyap sopŭrŭg daya, rabis-i ngara adi Tapa mbŭh mien.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

PINGANDAI 13:10

ka nang, “Kuu anak Siarap! Kuu pinganyu sopŭrŭg kayuh adi kana. Kuu mbŭh puno ngga barang masam akar adi arap, ka mbŭh siraru suba an marik kayuh adi sawŭ pasar Tuhan da jadi kayuh kadong!

PINGANDAI 14:2

Pak daya Jahudi adi dŭh sabah ngasut daya adi dŭh bangsa Jahudi da tiru di bara adi sabah.

PINGANDAI 16:17

Ayŭh tunda Paul ngga kieh, buang nyirais nang, “Bara daya ati inŭh urun Tapa adi Sambu Sopŭrŭg! Ngara mandŭg di kidaan di angān munki angān bisa dog nyiramat!”

PINGANDAI 18:26

Ayŭh piguru minyu ngga atin pagan darŭm ramin simayang-Jahudi. Kan Priscilla ngga Aquila dingah ayŭh, ngara taban ayŭh maad ka nakit ngajar ayŭh pasar Aran Tapa.

PINGANDAI 19:9

Pak kada ngara baking ka dŭh an sabah, ka di sirung jawin daya bagŭ ngara kinarap Aran Tuhan. Jadi Paul bu tingge ngara ka taban ngara adi sabah ngga adŭp-i, ka barang andu ayŭh kirakar ngga bara daya di tibande birit yŭn daya Tyrannus siraru ngajar.

PINGANDAI 22:4

Aku agi kisiis ndŭg kabŭs sinadan adi tunda Aran Tuhan. Aku nakap dari bait dayung ka na ngara darŭm jer.

PINGANDAI 24:14

Ati, aku ngaku di sirung jawin mai: Aku nyambah Tapa tayung-babuk ami tunda Aran adi ngara nang sarah. Pak aku sabah di sopŭrŭg kayuh adi dog nuris darŭm Ukum-adat Moses samŭn di surat surat bara nabi.

ROME 2:24

Surat-kudus nang, “Sitagar angān adi daya Jahudi, daya adi dŭh bangsa Jahudi mbŭh kinarap Tapa.”

1 TIMOTHY 5:14

Jadi sŭn ku nang, kana dŭ bara dayung uban adi gi-mara banan, mira, ka jaga ramin arŭn ngara, isa pinganyu ta dŭh biyŭn aran ngga kinarap ata.

TITUS 2:5

pandai jaga adŭp ngara so pinyiripong adi sarah, ka udip bisig, ka jadi sawŭn adi kana adi nundok di banŭh ngara. Simŭnŭ, daya dŭh re bisa kinarap ajar so Tapa.

TITUS 2:8

Pakai pinganang adi dŭh daya ngamun, isa bara pinganyu mu mangŭh darŭm ngara dŭh biyŭn kayuh ngga kinarap ata.

1 PETER 2:12

Urah-rakah ngan di dupan daya adi dŭh puan Tapa patut raru kana isa kan ngara nyarah angān, nang angān ndai kayuh arap, ngara re ngaku pingandai ngan adi kana ka rasu muji Tapa di Andu-I mandŭg.

2 PETER 2:12

Pak bara gurū kadong anŭ adi ndai kayuh nunda ka asŭng-i, mbŭh mun dāng mangah dog biranak yŭn dog nakap ka dog siŭ. Ngara matah buang ngamun tadŭ kayuh adi ngara dŭh mirati. Ngara re dog pirabur mun dāng tarun,

2 PETER 2:15

Ngara mbŭh miriseu so aran adi tŭnggŭn ka mbŭh manyap. Ngara tunda aran adi dog kadŭg Balaam anak Beor, adi awang duit adi-i dapŭd so pingandai arap-i

2 PETER 2:18

Ngara piruah piminyu sambuh ka sipadin, ka pakai pinyiripong pŭrŭng ngga kudog daya adi aŭn suba an pirupas adŭp-i so bara daya adi udip darŭm sarah.

2 PETER 2:21

Mbŭh kana dŭ inŭh ngara dŭh puan aran pimudip tŭnggŭn, so-i puan-i ka komŭnŭ dŭh tunda pinyipesan kudus adi ko dog nggen di ngara.

2 PETER 2:7

Tapa nyiramat Lot, daya adi kana, adi mbŭh raru susah da pimudip daya adi dŭh puan ukum-adat, anŭ inŭh pimudip ngara adi dŭh tatu darŭm pingandai kais.

JUDE 1:10

Pak bara daya anŭ kinarap kayuh adi ngara dŭh mirati; ka kayuh anŭ adi ngara puan so ka asŭng adŭ, mun gaya dāng, mbŭh tigŭrŭ kayuh adi pirusak ngara.

JUDE 1:15

di nggen ukum di sopŭrŭg daya, di nunggu ngara sabab sopŭrŭg urah ginaka ngara ka sabab pinganang arap adi daya bidosa adi dŭh stabi di Tapa ko piruah ngga rawan Ayŭh!”

JUDE 1:4

Amai agi kada daya adi dŭh stabi di Tapa, dŭh ata rada, mbŭh mŭrŭt ka darŭm tibaran ta. Ngara nikok marik agah pasar pinyirasi-mandis Tapa ta ngga-i nyibandar pimudip-i adi dŭh tatu darŭm pingandai kais, ka tirawan Jesus Kristus, adi Tuan ka Tuhan ta adi ndi adŭ. Ndun jah Surat-kudus ko ninjau ukum adi ngara mbŭh trima.

JUDE 1:7

Ingat ngan Sodom ngga Gomorrah, ka kupo kupo adi maning-i; pingandai daya-i brimun ngga pingandai bara malaikat anŭ, adi mbŭh sungak darŭm pingandai kais. Ngara mbŭh kinyam ukum darŭm apui neraka, adi jadi pinyibakan yŭn sopŭrŭg daya.

PINANDŬNG 12:9

Tibande naga anŭ dog taran, anŭ inŭh jippŭh jah, adi dŭn Siarap, puan kah Shetan, adi nyibudo sopŭrŭg daya di ong. Ayŭh dog taran ka ong samŭn bara malaikat-i.

PINANDŬNG 13:14

Ka ngga pingandai-nginga adi dog nyibandar ayŭh ndai yŭn dāng adi diŭ anŭ, ayŭh nyibudo sopŭrŭg daya adi udip di ong. Dāng ati bada ngara ndai tibudo darŭm gayŭn dāng anŭ adi ko tawan da pedang pak babŭ udip.

PINANDŬNG 13:8

Sopŭrŭg daya adi udip di ong re nyambah dāng anŭ, adŭ-i ngara adi mbŭh dog nuris dŭn-i diŭ so ong dog napa darŭm surat di yŭn dŭn bara daya adi Tapa mbŭh mien dog nuris; ngara inŭh adi dog dapu Anak Biri adi ko dog siŭ.