2 PETER 2:1 - Hakcipta - Biatah Bidayuh

¹ Bara nabi kadong ko jah-i agi di ruang daya, ka simŭnŭ gŭh bara gurū kadong re agi timbur di ruang ngan. Ngara re taban ajar ajar adi dŭh batur buang adi pirusak, ka re miman Tuhan adi nubos adŭp-i; ka mun anŭ ngara re bada pinyirusag rikas nyatŭk adŭp-i.

2 PETER 2:1 ပူးပေါင်းရင်းမြစ်များ

1 RAJA 22:6

Jadi Ahab bagan bara nabi bada mŭrŭt, agi 400 naan ngara, ka siken ngara, “Patut kah aku di nyerang Ramoth?” “Nyerang nŭh,” ngara nam. “TUHAN re nggen di kaam pimanang.”

PINYIRUAH 15:16

Taru mbŭh nyatŭk ngara. Ngara kiris pinyibake Mai, O TUHAN, ka ngara mijog dŭh bigaya buang taru ndŭg ka daya Mai mbŭh panu murah, daya adi Kaam mbŭh pirupas so jadi urun.

ISAIAH 9:15

Bara nyamba ngga bara adi dog stabi inŭh ubak, ka koi inŭh bara nabi adi nggen ajar kadong!

JEREMIAH 29:21

“TUHAN Bisa-pŭrŭg, adi Tapa Israel, mbŭh minyu pasar Ahab anak Kolaiah ngga Zedekiah anak Maaseiah, adi kadong angān pakai adŭn-I. Ayŭh mbŭh nang Ayŭh re nyerah ngara ka darŭm kuasa Nebuchadnezzar adi raja Babylonia, adi re nggen ukum kabŭs di ngara di sirung jawin ngan.

JEREMIAH 37:19

Diki bara nabi mu adi kidaan di kuu nang raja Babylonia dŭh re nyerang kuu bait rais mu?

JEREMIAH 6:13

Barang naan daya, bās ngga sŭ, suba dapŭd duit ngga aran adi dŭh batur; nabi ngga imam gŭh nipu daya.

PUĀS 2:14

Bara nabi mu dŭh biyŭn kayuh re ngara kidaan di kuu adŭ-i pinganang kadong; ajar so ngara nipu kuu pak bŭn kidaan dosa mu. Ngara bada kuu bipikir nang kuu dŭhsah pasan dosa mu.

HOSEA 9:8

Tapa mbŭh pait aku jadi nabi bada bakan daya Israel. Pak di barang yŭn aku panu, angān suba an mirakap aku mun manuk. Ndŭg ka di Ramin Tapa daya mbŭh sadi pinganyu nabi.

MICAH 2:11

“Bara daya ati raan nabi adi gagā kadong ka nipu daya, adi nang, ‘Aku minyu-binabi nang angān re dapŭd raru bagŭ wain ngga nok adi bisā.’

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

MICAH 3:5

Daya Ku dog kadong nabi nabi adi bijanji an nggen damai di daya adi nggen duit di ngara, pak nang perang re mandŭg ka daya adi dŭh ndai simŭnŭ. Di bara nabi anŭ TUHAN nang,

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

MATTHEW 10:33

Pak ngara adi tirawan Aku di sirung jawin daya bagŭ, Aku re tirawan gŭh di sirung jawin Sama Ku di Shorga.

MATTHEW 24:11

Ka bagŭ nabi kadong re timbur ka nyibudo bagŭ daya.

MATTHEW 24:24

Amai bara Kristus kadong ka bara nabi kadong re timbur; ngara re ndai pingandai-nginga ka pingandai-saruh ngga nipu ndŭg ka bara daya adi Tapa mbŭh mien ani, kambŭi tungang.

MATTHEW 24:5

Bagŭ daya re mandŭg ngga adŭn Ku ka nang, ‘Aku ati Kristus!’ Ngara re nyibudo bagŭ daya.

MATTHEW 7:15

“Jaga adŭp ngan so bara nabi kadong; ngara mandŭg ka angān mun biri tura ka sapa, pak tura ka darŭm ngara mbŭh keya ka kasong tarun.

MARK 13:22

Amai bara Kristus kadong ka nabi kadong re timbur. Ngara re ndai pingandai-nginga ka pingandai-saruh ngga situngang tungang-i ngga kinanyap sopŭrŭg daya, rabis-i ngara adi Tapa mbŭh mien.

LUKE 12:9

Pak asi asi adi tirawan Aku di sirung jawin daya bagŭ, Anak Manusia re tirawan gŭh ayŭh di sirung jawin bara malaikat Tapa.

LUKE 21:8

Jesus nang, “Jaga meh adŭp ngan; dŭhnyah udah tiyur. Bagŭ daya, pakai adŭn Ku, re mandŭg ka nang, ‘Aku ati Ayŭh!’ ka, ‘Tipuh mbŭh mandŭg!’ Pak dŭhnyah tunda ngara.

LUKE 6:26

“Payah inŭh angān kambŭi sopŭrŭg daya nganju angān, amai tayung-babuk ngara mbŭh nang sakanŭ gŭh pasar bara nabi kadong.

ROME 16:18

Amai ngara adi ndai kayuh adi mun anŭ dŭh-i bituan di Kristus Tuhan ta, pak ndai kana yŭn adŭp-i. Ngga bang bang piminyu adi mandis ka ngga pinganang adi nganju katuh daya ngara nipu daya adi dŭh puan ani ani.

1 CORINTH 11:19

Kayuh adi mun anŭ taŭn-i abah dŭh jadi di dupan ngan isa ngara adi batur bisa rabis tungang dog kiris.)

1 CORINTH 6:20

Tapa ko miris angān ngga rega bās. Jadi pakai meh pŭrŭng ngan ngga nyibragah Tapa.

1 CORINTH 7:23

Tapa ko miris angān ngga rega bās; jadi dŭhnyah angān jadi urun daya.

GALATIA 2:4

sunggu agi daya raan bada ayŭh bisunat. Bara daya anŭ bada adŭp-i mun bara adi sabah di Jesus, mbŭh mŭrŭt ka darŭm tibaran ta keya ka pinyiong, an puan pasar pinyirupas adi ata biyŭn darŭm udip ndi ngga Kristus Jesus. Ngara raan piurun ata,

GALATIA 3:13

Pak darŭm-I kambat pangu yŭn ta Kristus mbŭh nubos ata so pangu adi mandŭg so Ukum-adat; amai Surat-kudus nang, “Asi asi adi dog ukum kabŭs di atuh rigang inŭh di ribo pangu Tapa.”

GALATIA 4:17

Ngara anŭ mbŭh raru an tarik angān da tura ka parad adŭp-i, pak pinŭtŭn ngara dŭh kana. Kayuh adi raan ngara inŭh nyibarai angān so aku, isa angān bidingan ngga adŭp-i.

GALATIA 5:20

di nyambah tibudo ngga pingandai siher. Daya jadi pinganyu ngga dingan-i ka bikaii; ngara sina, baji ka tama. Ngara pape nimbur bagŭ kaum ka tibaran;

EPHESUS 1:7

Amai so ka pinyikabŭs Kristus adi sadis ata mbŭh dog pirupas, anŭ inŭh, dosa ta mbŭh dog apun. Mbŭh raru bās inŭh pinyirasi-mandis Tapa,

EPHESUS 4:14

Ka ata dŭh re tia mun anak-anya, udah anyut kamati kamanŭ da sabak ajar daya pinipu, adi taban daya ka aran pimudip adi sarah ngga akar tipu adi ngara nimbu.

DITRONOMI 32:6

Simŭnŭ kah angān patut ngga TUHAN, angān adi budo, adi dŭh biyŭn pikir? Ayŭh anŭ Sama ngan, Pinapa ngan, Ayŭh ndai angān jadi ndi bangsa.

PHILIPPI 3:19

Pinŭbŭn pimudip daya adi mun anŭ taŭn-i di neraka, sabab tapa ngara inŭh pŭrŭng adŭp ngara. Ngara mingangŭn di kayuh adi ngara patut mangŭh ngarun, buang bipikir di kayuh ong adŭ.

COLOSSAE 2:18

Dŭhnyah tandah adŭp ngan dog nyarah tadŭ daya adi nang adŭp-i bās dŭ so angān sabab-i mbŭh kiris kayuh saruh, ka adi ngajar pasar atin tŭkŭn adi dŭh batur ka pasar nyambah malaikat. Amai ngga mating sabab-i, daya adi mun anŭ mbŭh sambuh da aran pikir-kira manusia,

COLOSSAE 2:8

Dŭhnyah bada daya piurun angān ngga pinyibijak manusia adi dŭh biguna adi bisa kinanyap angān. Ajar anŭ dŭh-i mandŭg so Kristus, pak ajar manusia adi mūn so sesang ndi ndŭg sesang andi, buang-i ajar adi mandŭg so roh roh adi nguasa rangit ngga ong.

1 TIMOTHY 5:8

Kambŭi agi daya dŭh nyiran madis-i, rabis-i bara so rawang adŭp-i, ngara mbŭh miman pinyabah ka mbŭh arap dŭ so daya adi dŭh puan Tapa.

2 TIMOTHY 4:3

Tika-i re mandŭg kan daya re dŭh an dingah ajar adi batur, pak tunda pinyiraan adŭp ngara ka re nguruk bagŭ gurū adi an kidaan di ngara kayuh adi ngara gruwŭn an dingah.

TITUS 1:11

Patut inŭh baba ngara dog mapot, sabab ngara mbŭh nyusah bagŭ rawang ngga kayuh adi dŭh ngara patut ngajar. Pingandai ngara anŭ batur-i ngga pinŭtŭn an jiroh duit, pingandai adi nggen mangŭh.

TITUS 3:10

Sikurang kurang-i an bakan piduwŭh kari daya adi nyibarai daya eklisia, ka dŭh tia bigaur ngga ngara.

HEBREW 10:29

Simuki meh ngga ngara adi ngamun Anak Tapa, adi kinarap deya simanya Tapa adi mbŭh pibisig ngara so dosa, ka adi pimangŭh Roh Kudus adi rindu ngara? Suba kira, munki masam bisā-i re tung ngara ukum!

1 PETER 1:8

Angān rindu Ayŭh, sunggu angān bŭn kiris Ayŭh; angān sabah di Ayŭh, sunggu tong-i angān dŭh kiris Ayŭh. Jadi angān gaŭn ngga pinyigaŭn adi rabis so tungang manusia kira

2 PETER 2:3

Ngga atin tama, bara gurū kadong ati jiroh bagŭ utung so dundan adi ngara nimbur da angān dingah. Mbŭh tui ukum mbŭh dog sidia yŭn ngara, ka pinyirusag adi dog natu yŭn ngara mbŭh kajŭn ngara!

1 JOHN 2:26

Aku nuris ati ka angān pasar ngara adi suba an kinanyap angān.

1 JOHN 4:1

Angān adi aku rindu, dŭhnyah sabah tadŭ tadŭ daya adi nang adŭp-i biyŭn Roh Kudus, pak suba ngara yŭn puan sawŭ kah dŭh roh anŭ adi ngara biyŭn mandŭg so Tapa. Amai bagŭ nabi kadong mbŭh tambus barang yŭn.

JUDE 1:18

Ngara nang di angān, “Kan sikasŭn tipuh mandŭg, agi daya re timbur adi re napat angān, ka adi tunda pinyiraan arap adŭp ngara.”

JUDE 1:4

Amai agi kada daya adi dŭh stabi di Tapa, dŭh ata rada, mbŭh mŭrŭt ka darŭm tibaran ta. Ngara nikok marik agah pasar pinyirasi-mandis Tapa ta ngga-i nyibandar pimudip-i adi dŭh tatu darŭm pingandai kais, ka tirawan Jesus Kristus, adi Tuan ka Tuhan ta adi ndi adŭ. Ndun jah Surat-kudus ko ninjau ukum adi ngara mbŭh trima.

PINANDŬNG 13:14

Ka ngga pingandai-nginga adi dog nyibandar ayŭh ndai yŭn dāng adi diŭ anŭ, ayŭh nyibudo sopŭrŭg daya adi udip di ong. Dāng ati bada ngara ndai tibudo darŭm gayŭn dāng anŭ adi ko tawan da pedang pak babŭ udip.

PINANDŬNG 2:13

Aku puan diki kuu rŭŭ, diginŭ di yŭn takta Shetan. Kuu bijijŭ ngga Aku, ka pinyabah mu di Aku bŭn kuu pasan, sawŭ ndŭg ka andu adi ngga Antipas, saksi Ku adi tŭtŭd, dog siŭ diginŭ di yŭn Shetan rŭŭ.

PINANDŬNG 2:9

Aku puan pinyusah mu; Aku puan kuu sirata, pak kuu sawŭ kaya! Aku puan pinganang arap adi daya nang maka kuu. Ngara nang adŭp-i daya Jahudi pak sibandar-i dŭh. Ngara inŭh tibaran adi dog dapu Shetan!

PINANDŬNG 3:8

Aku puan kayuh ndai mu; Aku puan kuu biyŭn nisŭ kuasa; kuu agi tunda ajar Ku ka mbŭh tŭtŭd ngga Aku. Aku mbŭh kuka tiban yŭn mu, adi mating daya tungang tŭŭp.

PINANDŬNG 5:9

Ngara nang ragu adi bauh: “Kaam inŭh adi sadang kana tambit surat-barun anŭ ka kuka patis patis-i. Amai Kaam ko dog siŭ, ka ngga pinyikabŭs Mai adi sadis Kaam mbŭh miris yŭn Tapa daya so barang tibaran-asar, piminyu, rais, ngga bangsa.

PINANDŬNG 6:10

Ngara nyirais ngga sirŭŭn bana, “Tuhan adi Bisa-pŭrŭg, kudus ka adi tŭtŭd! Ndŭg sinde meh kieh kajŭn Kaam nggen bisara di daya di ong ka ngukum ngara amai ko siŭ kieh?”