2 PETER 1:8 - Hakcipta - Biatah Bidayuh

⁸ Simŭnŭ inŭh angān patut masang darŭm pimudip ngan, ka kambŭi angān udip mun anŭ, angān re puan nang kayuh adi angān puan pasar Jesus Kristus mbŭh bada pimudip ngan biguna ka biyŭn rati.

2 PETER 1:8 ပူးပေါင်းရင်းမြစ်များ

PITAS 19:15

Udip tibanga re bada kuu rŭrŭ bŭŭs, pak kuu re sikirau.

MATTHEW 13:22

Bine adi rabu di ruang reja rati-i ngara adi dingah agah anŭ; pak pinyusah pasar pimudip di ong ati ngga pinyirindu di pinyikaya piaka agah anŭ, ka ngara dŭh buān.

MATTHEW 20:3

Ayŭh di dinge ka arong passar ngga arong pukor prii ka kiris kada daya mijog paya,

MATTHEW 20:6

Nganŭ mbŭh sindŭk pukor rimŭh kan ayŭh di ka arong passar ka kiris kada daya dinge babŭ agi mijog diginŭ. ‘Mani angān taran andu digiti mating kayuh ndai?’ ayŭh siken ngara.

MATTHEW 25:26

‘Kuu daya-gaji adi tibanga!’ tuan-i nang di ayŭh. ‘Kuu puan, dŭh kah, nang aku ngatŭm so yŭn ku bŭn purun, ka nguruk buwa so yŭn ku bŭn nabur ruwang?

JOHN 15:2

Barang daan adi darŭm Aku adi dŭh buān Ayŭh japa, ka barang daan adi buān buwa Ayŭh pibisig isa-i buān rabis bagŭ buwa.

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

JOHN 5:42

Pak Aku puan asi angān sibandar-i; angān dŭh biyŭn pinyirindu di Tapa darŭm atin ngan.

ROME 12:11

Bandar nyiraja ka dŭhnyah tibanga. Ndai kraja Tuhan ngga siabo atin ngan.

1 CORINTH 15:58

Jadi meh, angān adi aku rindu, mijog tagap ka dŭhnyah bada ani ani pigayo adŭp ngan. Na atin ngga pikir ngan di kraja Tuhan, amai angān puan sopŭrŭg kayuh adi angān ndai yŭn Tuhan dŭh-i au-tarun.

2 CORINTH 13:5

Nakit suba adŭp ngan ka tingga, nang kah udip darŭm pinyabah kah dŭh angān. Tatu angān puan Kristus Jesus agi rŭŭ darŭm angān, anŭ inŭh kambŭi angān dŭh arah darŭm pisuba anŭ.

2 CORINTH 8:2

Pinyusah adi dog ngara mbŭh bana suba ngara; pak sabab pinyigaŭn ngara adi raru bās ngara ngga atin adi dŭh sibut jugan pinganggen, sunggu ngara daya adi sirata.

2 CORINTH 8:7

Angān mbŭh kaya darŭm sopŭrŭg adi angān biyŭn: darŭm pinyabah, darŭm piminyu, darŭm pinyipuan; darŭm gruwŭn an turung ka darŭm pinyirindu ngan di kieh. Ngapŭi kieh raan angān dŭh bidagis darŭm pingandai kana ati.

2 CORINTH 9:14

Ka ngga pinyirindu ngara re simayang yŭn ngan sabab pinyirasi-mandis adi bās Tapa mbŭh nggen di angān.

PHILIPPI 1:9

Aku simayang mite pinyirindu ngan makin bitambah, isa angān natŭng kayuh adi sawŭ ka biyŭn pinimbang adi batur di piningga ngan,

PHILIPPI 2:5

Asŭng ngan patut brimun ngga asŭng Kristus Jesus:

PHILIPPI 3:8

Dŭh anŭ adŭ; aku nang sopŭrŭg kayuh dŭh biguna sabab anŭ adi rabis biguna, anŭ inŭh pinyipuan pasar Kristus Jesus Tuhan ku. Sabab Ayŭh aku mbŭh taran sopŭrŭg kayuh; aku nyirundeng sopŭrŭg-i sapok, ramŭn ku an dapŭd Kristus

COLOSSAE 1:10

Amai simŭnŭ inŭh meh, angān re bisa udip nanyam ka pinyiraan Tuhan, siraru ndai kayuh adi pimunos asŭng-I. Angān re buān buwa darŭm sopŭrŭg pingandai kana, buang bitambah darŭm pinyipuan ngan pasar Tapa.

COLOSSAE 2:7

Bada uat ngan tŭrŭp darŭm Ayŭh, ndai pimudip ngan da bisangan di Ayŭh, ka jadi rabis bake darŭm pinyabah ngan, nimun adi ko angān birajar. Ka brisi meh ngga atin trima kaseh.

COLOSSAE 3:16

Isa-i ajar Kristus darŭm sopŭrŭg pinyikana-i ngisi atin ngan. Ngajar ka pitayan dingan ngga sopŭrŭg pinyibijak. Nang ragu mazmur, nang nyanyi, ka ragu kudus; biragu ka Tapa ngga atin trima kaseh.

1 THESSALONICA 3:12

Isa-i Tuhan bada pinyirindu ngan bitambah di dingan ngan ka di sopŭrŭg daya ndŭg ka-i jadi bās mun pinyirindu ami di angān.

1 THESSALONICA 4:1

Sikasŭn-i, bara dingan, angān muko birajar so kieh simuki patut udip ngga pimunos asŭng Tapa. Sawŭ, anŭ taŭn mbŭh aran pimudip ngan. Ka madin kieh mite buang ngatat angān, ngga adŭn Tuhan Jesus, ndai rabis so adi mbŭh.

2 THESSALONICA 1:3

Bara dingan, kieh dŭh siŭn dŭh an siraru nggen trima kaseh di Tapa sabab angān. Patut inŭh kieh ndai simŭnŭ, sabab pinyabah ngan mbŭh bana kambang ka pinyirindu ngan dupan adŭp ngan mbŭh dŭ dŭ bitambah.

1 TIMOTHY 5:13

Ngara mbŭh kanyet saat jam mŭrŭt ramin ndi ndŭg ramin andi. Adi rabis arap-i, ngara mbŭh kanyet ngitong daya ka bipito di har daya bŭkŭn, nang kayuh adi ngara dŭh patut nang.

TITUS 3:14

Daya ta dŭh siŭn dŭh an birajar pakai masā ngara ndai kayuh kana, siŭn dapŭd turung daya adi sutok; pimudip ngara dŭh-i patut pimudip adi dŭh biguna.

PHILEMON 1:6

Aku simayang mite ata adi samah sabah di Jesus bisa rabis mirati sopŭrŭg berkat adi ata biyŭn darŭm udip ndi ngga Kristus.

HEBREW 6:12

Kieh dŭh raan angān jadi tibanga, pak raan angān jadi mun ngara adi sabah buang sabar, ka dapŭd kayuh adi Tapa ko bijanji an nggen.

2 PETER 1:2

Isa-i pinyirasi-mandis ngga damai jadi jangān ngga sipuno-i so pinyipuan ngan pasar Tapa ka pasar Jesus Tuhan ta.

2 PETER 1:3

So kuasa Tapa ata mbŭh kambat sopŭrŭg kayuh adi ata biguna yŭn aran pimudip adi pimunos asŭng Tapa. Ayŭh simŭnŭ so ka pinyipuan ta pasar Ayŭh adi bagan ata da sua darŭm bragah ngga pinyikana-I.

2 PETER 2:20

Kambŭi daya mbŭh pirupas adŭp ngara so kuasa aran pimudip adi arap amai mbŭh puan pasar Tuhan adi Pinyikudip ta Jesus Kristus, ka komŭnŭ pari rabu, pimudip ngara anŭ agi rabis arap sikasŭn-i so pimudip ngara adi mbŭh.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.