2 PETER 1:6 - Hakcipta - Biatah Bidayuh

⁶ di pinyipuan na atin adi an jaga adŭp ngan so pinyiripong adi sarah; di atin adi an jaga adŭp so pinyiripong adi sarah na pinyitŭtŭd atin; di pinyitŭtŭd atin na atin adi an nurut pinyiraan Tapa;

2 PETER 1:6 ပူးပေါင်းရင်းမြစ်များ

TIBIRIK 5:24

Sitŭkŭd umbur-i ayŭh udip nanyam ka pinyiraan Tapa, ka komŭnŭ ayŭh miyap dog tambit Tapa.

MAZMUR 37:7

Tŭtŭd ka kajŭn TUHAN ndai kraja-I; dŭhnyah susah pasar ngara adi mujur puan kah pasar ngara adi mujur di pusar arap ngara.

ISAIAH 57:1

Daya adi kana kabŭs, ka mating daya mirati bait mbit piduri. Pak kan ngara kabŭs, mating pinyusah re tia nyatŭk ngara.

LUKE 21:19

Bada atin ngan tagap, ka angān re siramat.

LUKE 8:15

Bine adi rabu di tana adi mandis, rati-i ngara adi dingah agah anŭ ka nyikŭn-i darŭm atin adi kana ka nundok; ngara bijijŭ ndŭg ka ngara buān buwa.”

PINGANDAI 24:25

Pak kan Paul minyu pasar pinŭnggŭn, pasar jaga adŭp so pinyiripong adi sarah, ka pasar ukum di Andu Sikasŭn, Felix mbŭh taru ka nang, “Kuu bisa bu madin. Aku re bagan kuu dinge kan aku paya.”

ROME 15:4

Sopŭrŭg kayuh adi dog nuris darŭm Surat-kudus mbŭh dog nuris ngga ngajar ata, siŭn ata bisa biyŭn pingarap so ka atin sabar ngga pingatat adi Surat-kudus nggen di ata.

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

ROME 8:25

Pak kambŭi ata harap kayuh adi ata dŭh tungang kiris, ata kajŭn ngga atin sabar.

1 CORINTH 9:25

Barang naan daya adi tukang birumba, darŭm pirates adŭp-i, taŭn-i an biyŭn sukup disiplin. Ayŭh ndai simŭnŭ siŭn-i dapŭd upah manang birumba, sunggu upah anŭ dŭh tan tui. Ata mun anŭ gŭh, an biyŭn sukup disiplin siŭn ata dapŭd upah manang birumba anŭ adi tan adu adu.

2 CORINTH 6:4

Darŭm sopŭrŭg kayuh adi kieh ndai, kieh kiren adŭp ami urun Tapa darŭm nyijŭn ngga atin tŭtŭd bagŭ masam pito, jera, ka pinyusah.

GALATIA 5:23

atin tŭkŭn, ka pandai jaga adŭp so pinyiripong adi sarah. Mating ukum-adat adi re bisa rawan sopŭrŭg anŭ.

COLOSSAE 1:11

Isa-i angān dog nyibake ngga sopŭrŭg pinyibake adi mandŭg so bragah kuasa-I, isa angān tungang nyijŭn sopŭrŭg kayuh ngga atin sabar. Ka ngga atin gaŭn nggen trima kaseh di Sama, adi mbŭh bada angān tibirang kambat tung jangān utung adi-I mbŭh sidia yŭn daya-I darŭm pinyipritah jawa.

1 THESSALONICA 1:3

Kieh ingat di sirung jawin Tapa adi Sama ta simuki kraja pingandai ngan mbŭh birasŭk ngga pinyabah ngan, simuki pinyirindu ngan mbŭh bada angān bandar nyiraja, ka simuki pingarap ngan mbŭh tagap di Tuhan Jesus Kristus.

2 THESSALONICA 1:4

Anŭ inŭh sabab kieh mingangŭn pasar angān di dupan bara eklisia Tapa. Kieh mingangŭn di gaya ngan bijijŭ ngga atin tŭtŭd ka sabah darŭm angān dog kisiis ka dog kinanyuh.

2 THESSALONICA 3:5

Isa-i Tuhan kuka atin ngan da rabis mirati pinyirindu Tapa samŭn pinyitŭtŭd atin adi Kristus ko nggen.

1 TIMOTHY 2:10

pak ndai pingandai kana, nimun patut dayung adi nang adŭp-i puno darŭm adat.

1 TIMOTHY 2:2

Simayang yŭn bara raja samŭn ngara adi bikuasa, isa-i ata udip darŭm sanang ka darŭm damai ngga stabi di Tapa ka ngga urah-rakah adi kana.

1 TIMOTHY 3:16

Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.

1 TIMOTHY 6:11

Pak kuu, daya Tapa, pijo adŭp mu so sopŭrŭg kayuh adi mun anŭ. Kuu patut gruwŭn: pinŭnggŭn, udip nimun ka pinyiraan Tapa, sabah di Kristus, rindu dingan, biyŭn pinyitŭtŭd atin di tika sangsara, ka atin duduh ngga daya.

1 TIMOTHY 6:3

Asi asi adi ngajar ajar adi bŭkŭn ka dŭh situju ngga pinganang adi sawŭ so Tuhan ta Jesus Kristus ka dŭh gŭh situju di ajar adat ta,

1 TIMOTHY 6:6

Adat bisa bada daya kaya, kambŭi daya puas ngga anŭ adi-i biyŭn.

2 TIMOTHY 3:5

ngara bidigŭng di aran adat ta pak tirawan kuasa-i. Pijo adŭp mu so daya adi mun anŭ.

TITUS 1:1

So Paul, adi urun Tapa ka pinyuruh Jesus Kristus. Aku mbŭh dog mien ka dog pait da turung nagap pinyabah bara daya adi Tapa mbŭh mien ka nyiruton ngara siŭn ngara natŭng ajar adi sawŭ adi dog ngajar adat ta,

TITUS 1:8

Ayŭh dŭh siŭn dŭh an suka kambat pinami ka darŭm arŭn-i, ka rindu kayuh adi kana. Ayŭh dŭh siŭn dŭh an pandai jaga adŭp-i so pinyiripong adi sarah, an jujur, kudus, ka biyŭn disiplin.

TITUS 2:2

Ngajar bara dari adi tuuh da tuuh tuuh darŭm aran pimudip ngara, mirati, ka pandai jaga adŭp ngara so pinyiripong adi sarah. Ngara an adu adu sabah di Kristus, rindu dingan, ka an biyŭn pinyitŭtŭd atin.

HEBREW 10:36

Angān an sabar, siŭn angān tungang ndai pinyiraan Tapa ka kambat kayuh adi-I bijanji an nggen.

HEBREW 12:1

Mun ata ati, ata biyŭn bara saksi maning ata. Ja ata pasan kadi kayuh adi matŭn ata, samŭn dosa adi rakat di ata, ka bikaduh ngga siabo asŭng darŭm rumba adi mbŭh dog sidia yŭn ta.

HEBREW 6:12

Kieh dŭh raan angān jadi tibanga, pak raan angān jadi mun ngara adi sabah buang sabar, ka dapŭd kayuh adi Tapa ko bijanji an nggen.

HEBREW 6:15

Abraham tŭtŭd, ka sawŭ ayŭh kambat kayuh adi Tapa ko bijanji an nggen.

2 PETER 1:3

So kuasa Tapa ata mbŭh kambat sopŭrŭg kayuh adi ata biguna yŭn aran pimudip adi pimunos asŭng Tapa. Ayŭh simŭnŭ so ka pinyipuan ta pasar Ayŭh adi bagan ata da sua darŭm bragah ngga pinyikana-I.

2 PETER 3:11

Amai sopŭrŭg kayuh anŭ re dog pirabur simŭnŭ, manusia adi mun ani angān patut? Darŭm pimudip ngan angān patut nurut pinyiraan Tapa,

PINANDŬNG 1:9

Aku ati John, madis ngan, ka darŭm aku adi pinunda Jesus aku sua ngga angān darŭm kinyam ngga atin tŭtŭd sangsara anŭ adi nyatŭk sinadan adi dog dapu Pinyipritah Jesus. Aku dog taran ka purau Patmos sabab aku piagah pinganang Tapa samŭn kayuh kayuh adi dog pinandŭng Jesus.

PINANDŬNG 13:10

Daya adi re dog nakap manŭn re dog nakap; daya adi re dog siŭ ngga pedang manŭn re dog siŭ ngga pedang. Sirati-i bara daya adi Tapa mbŭh mien dŭh siŭn dŭh an biyŭn pinyitŭtŭd atin ngga pinyabah.”

PINANDŬNG 14:12

Sirati-i bara daya adi Tapa mbŭh mien dŭh siŭn dŭh an biyŭn pinyitŭtŭd atin, ngara adi sita Pinyipesan Tapa ka adi tŭtŭd di Jesus.

PINANDŬNG 2:2

Aku puan kayuh adi kuu ko ndai; Aku puan munki masam kuu bandar nyiraja ka munki masam tŭtŭd-i kuu nan pinyusah. Aku puan nang kuu dŭh suka daya adi arap ka mbŭh suba ngara adi nang adŭp-i pinyuruh pak sibandar-i dŭh; kuu mbŭh puan nang ngara daya pingadong.