2 PETER 1:4 - Hakcipta - Biatah Bidayuh

⁴ Simuti inŭh, Ayŭh mbŭh nggen di ata pinganggen anŭ adi bās ka brega adi Ayŭh ko bijanji an nggen, isa ngga pinganggen anŭ angān bisa pirupas adŭp ngan so pinyiripong adi bisa pirusak angān di ong ati, ka mandŭg sua dapu tibiat Tapa.

2 PETER 1:4 ပူးပေါင်းရင်းမြစ်များ

ROME 9:4

Ngara inŭh bara daya adi Tapa mbŭh mien; Ayŭh ndai ngara da jadi bara anak-I ka pinandŭng bragah-I di ngara; Ayŭh ndai simanya simanya-I ngga ngara ka nggen di ngara Ukum-adat; ngara mbŭh biyŭn simayang adi sawŭ; ngara mbŭh trima janji Tapa;

2 CORINTH 1:20

amai Ayŭh inŭh “Sa-i” yŭn sopŭrŭg janji Tapa. Ngapŭi so Jesus Kristus “Amen” ta dog nang yŭn bragah Tapa.

2 CORINTH 3:18

Sopŭrŭg ata meh, ngga jawin adi dŭh bitaŭb, kiren jawa bragah Tuhan; ka bragah anŭ, adi mandŭg so Tuhan adi Roh, bada ata bitukar jadi mun Ayŭh darŭm bragah adi rabis bās.

2 CORINTH 6:17

Tuhan ko gŭh nang, “Angān dŭh siŭn dŭh bu ka nyibarai adŭp ngan so ngara. Dŭhnyah bigaur ngga kayuh adi kais, ka Aku re trima angān.

GALATIA 3:16

Jadi meh, Tapa mbŭh ndai janji-I di Abraham ka di sesang-i. Surat-kudus dŭh nang “bara sesang,” rati bagŭ daya, pak “sesang,” rati ndi naan adŭ, adŭp Kristus.

GALATIA 6:8

Kambŭi angān purun nanyam ka pinyiraan manusia, angān re ngatŭm pinyikabŭs; kambŭi angān purun nanyam ka pinyiraan Roh Kudus, so Roh Kudus angān re dapŭd pingatŭm udip adi sawŭ adi tan adu adu.

EPHESUS 4:13

Jadi ata meh, re mandŭg tikuruk jadi ndi darŭm pinyabah ngga darŭm pinyipuan pasar Anak Tapa; ata re jadi daya adi sukup mirati, ndŭg ka mbŭh sukup brimun ngga Kristus.

COLOSSAE 3:10

ka mbŭh jadi daya bauh adi Tapa taŭn ari pibauh darŭm gayŭn adŭp-I adi pinapa-i. Ngga simŭnŭ inŭh angān bisa puan Tapa ngga sipuno-i.

HEBREW 12:10

Sama ta di ong ngukum ata nyitiro adŭ, nimun patut sŭn-i nang; pak Tapa ngukum ata yŭn kana adŭp ta, isa ata bisa jadi kudus mun adŭp-I.

HEBREW 9:15

Amai sabab anŭ, Kristus inŭh sianŭ adi ngatur simanya bauh, isa ngara adi dog bagan Tapa bisa kambat berkat adi tan adu adu adi Tapa ko bijanji an nggen. Kayuh anŭ bisa jadi sabab mbŭh agi pinyikabŭs adi pirupas daya so sarah adi ngara ndai sitadŭn simanya amba dog pakai.

JAMES 1:27

Adat adi Tapa Sama nyirundeng bisig buang sawŭ batur inŭh simuti: kingat jaga ngara adi tumang ka dayung uban di pinyusah ngara, ka jaga adŭp ngan so dog kinais ong ati.

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

2 PETER 3:13

Pak ata kajŭn kayuh adi Tapa ko janji, anŭ inŭh rangit ngga ong bauh, di yŭn pinŭnggŭn rŭŭ.

2 PETER 3:9

Tuhan dŭh-I sais ndai kayuh adi-I ko bijanji an ndai, sak adi nang daya. Ayŭh sabar ngga angān, sabab Ayŭh dŭh raan tadŭ tadŭ daya dog pirabur, pak raan sopŭrŭg daya marik pimudip-i pari ka adŭp-I.

1 JOHN 2:25

Ka ati inŭh kayuh adi Kristus ko bijanji an nggen di ata, udip adi sawŭ adi tan adu adu.

1 JOHN 3:2

Angān adi aku rindu, madin ata mbŭh bara anak Tapa, pak gibayuh ata puan ani re ta jadi. Pak ata puan nang kan Kristus nandŭng, ata re mun Ayŭh, sabab ata re kiris munki Ayŭh sibandar-i.