2 PETER 1:3 - Hakcipta - Biatah Bidayuh

³ So kuasa Tapa ata mbŭh kambat sopŭrŭg kayuh adi ata biguna yŭn aran pimudip adi pimunos asŭng Tapa. Ayŭh simŭnŭ so ka pinyipuan ta pasar Ayŭh adi bagan ata da sua darŭm bragah ngga pinyikana-I.

2 PETER 1:3 ပူးပေါင်းရင်းမြစ်များ

MAZMUR 110:3

Di andu kaam rawan pinganyu mai, daya mai re turung ngga siabo asŭng ngara. Keya ka sipot-abun isan isan dari bujang mai re mandŭg ka kaam di sandah kudus.

MAZMUR 84:11

TUHAN inŭh pinyigrindung ngga raja ta adi bibragah, nyiberkat ata ngga mandis ngga stabi. Ayŭh dŭh abah nggen tadŭ tadŭ kayuh kana di ngara adi ndai kayuh adi batur.

PITAS 12:4

Sawŭn adi kana inŭh yŭn banŭh mingangŭn ka gaŭn; pak sawŭn adi pimangŭh banŭh inŭh keya ka adām darŭm turang, di banŭh-i.

PITAS 31:10

Dŭh sanang jiroh sawŭn adi kana! Ayŭh rabis brega so mas pirak!

PITAS 31:29

Ayŭh nang, “Bagŭ sawŭn daya kana, pak kuu inŭh adi siabo kana.”

MATTHEW 28:18

Jesus tudu ngara ka nang di ngara, “Aku mbŭh dog nggen sopŭrŭg kuasa di shorga ngga di ong.

ROME 8:32

Tapa dŭh bitan Anak-I, pak mbŭh jugan Ayŭh yŭn sopŭrŭg ta. Kambŭi Tapa mbŭh ndai simŭnŭ, dŭh kah Ayŭh rabis an nggen di ata sopŭrŭg kayuh adi bŭkŭn?

ROME 9:24

Amai ata inŭh daya adi-I bagan, dŭh daya Jahudi adŭ, pak daya adi dŭh bangsa Jahudi ani.

1 CORINTH 1:9

Ayŭh bisa dog sabah, Tapa adi bagan angān da jadi ndi ngga Anak-I Jesus Kristus, Tuhan ta.

2 CORINTH 12:9

Pak pinyinam-I inŭh: “Pinyirasi-mandis Ku inŭh kayuh adi kuu biguna, amai kuasa Ku agi bās kan kuu ramah.” Kana dŭ aku mingangŭn di pinyiramah adŭp ku, siŭn dapŭd kinyam pinyigrindung kuasa Kristus di tunduh adŭp ku.

EPHESUS 4:1

Aku adi mbŭh dog jer sabab aku bituan di Tuhan, mite angān udip nanyam ka atur aran pimudip adi Tapa mbŭh nggen di angān di andu Ayŭh bagan angān.

EPHESUS 4:4

Agi ndi pŭrŭng ka agi ndi Roh, nimun agi ndi pingarap adi taŭn mbŭh sabab-i Tapa bagan angān.

PHILIPPI 3:8

Dŭh anŭ adŭ; aku nang sopŭrŭg kayuh dŭh biguna sabab anŭ adi rabis biguna, anŭ inŭh pinyipuan pasar Kristus Jesus Tuhan ku. Sabab Ayŭh aku mbŭh taran sopŭrŭg kayuh; aku nyirundeng sopŭrŭg-i sapok, ramŭn ku an dapŭd Kristus

PHILIPPI 4:8

Sikasŭn-i, bara dingan ku, ngisi pikir ngan ngga kayuh adi kana ka ngga kayuh adi patut dog muji: kayuh adi sawŭ, kayuh adi kana, kayuh adi batur, kayuh adi bisig, kayuh adi ramus, ka kayuh adi bisa dog stabi.

COLOSSAE 1:16

Ngga Ayŭh Tapa napa sopŭrŭg kayuh di shorga ngga di ong, sopŭrŭg adi tatŭng ngga adi dŭh tatŭng, samŭn roh roh adi bikuasa ngga adi mritah. Tapa napa sopŭrŭg kayuh ngga Ayŭh ka yŭn Ayŭh.

1 THESSALONICA 2:12

Kieh ngatat angān, kieh nyaduh angān, ka kieh babŭ ngasu angān panu aran pimudip adi pimunos asŭng Tapa. Ayŭh inŭh adi bagan angān da sua kinyam Pinyipritah-I ngga bragah-I.

1 THESSALONICA 4:7

Tapa dŭh-I bagan ata da udip darŭm pimudip adi dŭh tatu darŭm pingandai kais, pak darŭm pimudip adi pimunos asŭng-I.

2 THESSALONICA 2:14

Tapa bagan angān pakai Agah Kana adi kieh nyuse di angān; Ayŭh bagan angān da dapŭd utung ngan darŭm bragah Tuhan ta Jesus Kristus.

1 TIMOTHY 4:8

Pigagah pŭrŭng agi kana-i, pak pigagah darŭm roh bagŭ yŭn-i kana, sabab-i natu pimudip adi madin ngga adi jŭ.

2 TIMOTHY 1:9

Ayŭh mbŭh nyiramat buang mbŭh bagan ata da jadi daya-I, dŭh sabab kayuh adi ko ta ndai, pak sabab pinŭtŭn ngga pinyirasi-mandis adŭp-I. Ayŭh mbŭh, ngga Kristus Jesus, nggen di ata pinyirasi mandis-I diŭ so ong dog napa,

HEBREW 1:3

Ayŭh nyekar jawa bragah Tapa ka raŭn gayŭn-I agi samah ngga raŭn gayŭn Tapa. Ngga pinganang-I adi bikuasa, Ayŭh digŭng rangit ngga ong. Ripas-I mbŭh dapŭd pingapun dosa yŭn sopŭrŭg manusia, Ayŭh guru di shorga tura ka tauh Tapa, adi siabo bikuasa.

1 PETER 1:15

Pak, bada adŭp ngan kudus darŭm sopŭrŭg kayuh adi angān ndai, nimun Tapa adi bagan angān inŭh kudus.

1 PETER 1:5

Berkat anŭ mbŭh yŭn ngan, angān adi so ka pinyabah mbŭh pagŭng dog jaga Tapa ngga kuasa-I yŭn pinyiramat anŭ adi mbŭh dog sidia re dog pinandŭng di andu sikasŭn.

1 PETER 2:21

Tapa bagan angān da ndai simŭnŭ, amai adŭp Kristus ko jera-birasa yŭn ngan, jadi suto danding isa angān tunda.

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

1 PETER 3:9

Dŭhnyah maras arap ngga arap, puan kah maras pangu ngga pangu; pak maras ngga berkat, sabab berkat inŭh adi Tapa bijanji an nggen di angān di andu Ayŭh bagan angān.

1 PETER 5:10

Pak ripas angān ko sangsara nyitiro, Tapa adi dapu sopŭrŭg pinyirasi-mandis, adi bagan angān da sua dapu bragah-I adi tan adu adu darŭm udip ndi ngga Kristus, re adŭp-I bada angān sukup kana ka nŭtŭd atin ngan, nyibake angān, ka nagap angān.

2 PETER 1:10

Jadi meh, bara dingan ku, angān dŭh siŭn dŭh ngga situngang ngan kiren darŭm pimudip ngan Tapa sawŭ ko bagan ka mien angān. Kambŭi angān ndai simŭnŭ, angān dŭh re udah pasan pinyabah ngan;

2 PETER 1:2

Isa-i pinyirasi-mandis ngga damai jadi jangān ngga sipuno-i so pinyipuan ngan pasar Tapa ka pasar Jesus Tuhan ta.

2 PETER 1:5

Sabab anŭ meh, ngga sibisa bisa ngan na pinyikana di pinyabah ngan; di pinyikana na pinyipuan;

2 PETER 1:6

di pinyipuan na atin adi an jaga adŭp ngan so pinyiripong adi sarah; di atin adi an jaga adŭp so pinyiripong adi sarah na pinyitŭtŭd atin; di pinyitŭtŭd atin na atin adi an nurut pinyiraan Tapa;

2 PETER 1:8

Simŭnŭ inŭh angān patut masang darŭm pimudip ngan, ka kambŭi angān udip mun anŭ, angān re puan nang kayuh adi angān puan pasar Jesus Kristus mbŭh bada pimudip ngan biguna ka biyŭn rati.

2 PETER 2:20

Kambŭi daya mbŭh pirupas adŭp ngara so kuasa aran pimudip adi arap amai mbŭh puan pasar Tuhan adi Pinyikudip ta Jesus Kristus, ka komŭnŭ pari rabu, pimudip ngara anŭ agi rabis arap sikasŭn-i so pimudip ngara adi mbŭh.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.

RUTH 3:11

Jadi madin dŭhnyah gapang Ruth. Aku re ndai ani ani adi kuu mite; amai barang naan daya di kupo mbŭh puan nang kuu ati dayung adi kana.