2 PETER 1:18 - Hakcipta - Biatah Bidayuh

¹⁸ Adŭp ami mbŭh dingah sirŭŭn anŭ mandŭg so shorga, di andu kieh ngga Ayŭh di darŭd kudus.

2 PETER 1:18 ပူးပေါင်းရင်းမြစ်များ

PINYIRUAH 3:1

Ndi andu kan Moses nguan biri ka kambing damŭh-i Jethro, imam di Midian, ayŭh taban kaban dāng anŭ ngga mutas tarun tana-pajam di ka Sinai, darŭd kudus.

PINYIRUAH 3:5

Tapa nang, “Dŭhnyah mandŭg nyindŭk. Kadi kasut mu, amai kuu mijog di tana kudus.

ISAIAH 11:9

Di tunduh Zion, sandah kudus Tapa, re mating kayuh adi arap bait adi bisa kandam. Tarun tana re puno ngga pinyipuan TUHAN nimun rawŭt puno ngga piin.

ISAIAH 56:7

“Aku re taban angān ka Zion, sandah kudus Ku, nggen di angān pinyigaŭn darŭm ramin simayang Ku, ka trima sadis adi angān jugan di tunduh mija-sambah Ku. Ramin Ku re dog kadŭn ramin simayang yŭn sopŭrŭg bangsa.”

ZECHARIAH 8:3

Aku re pari ka Jerusalem, kupo kudus Ku, ka rŭŭ diginŭ. Kupo anŭ re dog kadŭn kupo adi tŭtŭd, ka sandah TUHAN Bisa-pŭrŭg re dog kadŭn sandah kudus.

MATTHEW 17:6

Kan murid murid anŭ dingah sirŭŭn anŭ, ngara mbŭh raru taru ka sipŭŭb di tana.

JOSHUA 5:15

Pingibās soldadu TUHAN nang di ayŭh, “Kadi kasut mu; kuu mijog di tana kudus.” Ka Joshua ndai nimun dog bada.