2 PETER 1:17 - Hakcipta - Biatah Bidayuh

¹⁷ Kieh agi diginŭ di andu Tapa Sama nggen di Ayŭh stabi ngga bragah, kan sirŭŭn mandŭg ka Ayŭh so Bragah Siabo Bās, nang, “Siati inŭh Anak nyirot Ku; di Ayŭh asŭng Ku munos!”

2 PETER 1:17 ပူးပေါင်းရင်းမြစ်များ

ISAIAH 42:1

TUHAN nang, “Ati inŭh urun ku, adi Aku nyibake — adi Aku mbŭh mien; di ayŭh asŭng Ku munos. Aku mbŭh nggen di ayŭh kuasa Ku, ka ayŭh re taban pinyitŭnggŭn ka barang bangsa.

ISAIAH 53:10

TUHAN nang, “Anŭ mbŭh so pinyiraan Ku inŭh ayŭh sangsara; pinyikabŭs-i inŭh sadis ngga apun dosa. Ngapŭi ayŭh re kiris bara sesang-i; ayŭh re tui udip, ka so ayŭh Aku re dapŭd pinŭtŭn Ku.

MATTHEW 12:18

“Ati inŭh Urun Ku, adi Aku ko mien, adi Aku rindu; di Ayŭh asŭng Ku munos. Aku re pait Roh Ku di Ayŭh, ka Ayŭh re kidaan pinyitŭnggŭn Ku di sopŭrŭg bangsa.

MATTHEW 17:3

Komŭnŭ ngara taruh kiris Moses ngga Elijah minyu ngga Jesus.

MATTHEW 17:5

Darŭm ayŭh minyu, abun adi jawa mandŭg ka nyayung ngara, ka sirŭŭn so abun nang, “Ati inŭh Anak nyirot Ku, di Ayŭh asŭng Ku munos; dingah pinganang-I!”

MATTHEW 28:19

Panu angān ka barang yŭn ka bada sopŭrŭg daya jadi murid Ku: baptisa ngara ngga adŭn Sama, Anak, ka Roh Kudus

MATTHEW 3:17

Komŭnŭ agi dog dingah sirŭŭn Tapa minyu, nang, “Ati inŭh Anak nyirot Ku, di Ayŭh asŭng Ku munos.”

MARK 1:11

Ka agi dog dingah sirŭŭn so rangit, “Kuu Anak nyirot Ku. Asŭng Ku munos di Kuu.”

MARK 9:7

Komŭnŭ abun mandŭg ka nyayung ngara, ka sirŭŭn agi dog dingah so abun, nang, “Ati inŭh Anak nyirot Ku; dingah pinganang-I!”

LUKE 10:22

“Sama Ku mbŭh nggen di Aku sopŭrŭg kayuh. Mating daya puan asi Anak adŭ-i Sama, ka mating daya puan asi Sama adŭ-i Anak samŭn ngara adi yŭn Anak ko kidaan pasar Ayŭh.”

LUKE 3:22

ka Roh Kudus mūn ka mbap di tunduh-I darŭm gayŭn manuk asang. Ka sirŭŭn mandŭg so shorga, nang, “Kuu Anak nyirot Ku. Asŭng Ku munos di Kuu.”

JOHN 10:36

Ka Aku ati, Sama ko mien ka mbŭh pait ka ong. Simuki meh garang, angān bisa nang Aku ngujat kan Aku nang adŭp Ku Anak Tapa?

JOHN 14:11

Sabah Aku kan Aku nang Aku agi darŭm Sama ka Sama agi darŭm Aku. Kambŭi dŭh, angān bisa sabah Aku sabab kayuh adi Aku ndai.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 17:21

Aku simayang isa ngara jadi ndi. Sama! Aku mite ngara jadi ndi darŭm Ata, nimun Kaam agi darŭm Aku ka Aku agi darŭm Kaam. Aku mite ngara jadi ndi, isa ong bisa sabah nang Kaam sawŭ mbŭh pait Aku.

JOHN 20:17

“Dŭhnyah tama Aku,” Jesus nang di ayŭh, “sabab Aku gibayuh maad ka Sama. Pak di ka bara jurud Ku ka kidaan di ngara Aku re pari ka Ayŭh adi Sama Ku ka adi Sama ngara, Tapa Ku ka Tapa ngara.”

JOHN 3:35

Sama rindu Anak-I ka mbŭh na sopŭrŭg kayuh di ribo kuasa-I.

JOHN 5:20

Sabab Sama rindu Anak Ayŭh mbŭh kiren sopŭrŭg adi-I ndai di Anak. Ayŭh re kiren di Ayŭh kayuh adi rabis bās so ati; sopŭrŭg ngan re inga inga da-I.

JOHN 5:26

Nimun Sama mbŭh adŭp-I atak udip, simŭnŭ gŭh Ayŭh mbŭh bada Anak-I jadi atak udip.

JOHN 6:27

Dŭhnyah gruwŭn pinguman adi bisa bangŭs, pak gruwŭn pinguman adi nggen udip adi sawŭ adi tan adu adu. Anŭ inŭh pinguman adi Anak Manusia nggen di angān, sabab Tapa adi Sama, mbŭh nggen di Ayŭh hak ngga ndai simŭnŭ.”

JOHN 6:37

Sopŭrŭg daya adi Sama mbŭh nggen di Aku, re mandŭg ka Aku. Aku dŭh re kasig daya adi mandŭg ka Aku,

JOHN 6:39

Ka-i mbŭh nanyam ka pinyiraan-I adi bada Aku mandŭg inŭh Aku dŭh siŭn kinanyap ngara adi-I mbŭh nggen di Aku, isa Aku bisa pakat ngara di andu sikasŭn.

ROME 15:6

isa sopŭrŭg ngan samah samah ngga ndi sirŭŭn muji Tapa adi Sama Tuhan ta Jesus Kristus.

2 CORINTH 1:3

Ja ata nggen trima kaseh di Tapa, Sama adi raru masi, adi Sama Tuhan ta Jesus Kristus, Tapa adi so sopŭrŭg pinurung mandŭg!

2 CORINTH 11:31

Tapa adi Sama Tuhan ta Jesus; biberkat inŭh adŭn-I ndŭg situi tui! Ayŭh puan aku dŭh kadong.

HEBREW 1:3

Ayŭh nyekar jawa bragah Tapa ka raŭn gayŭn-I agi samah ngga raŭn gayŭn Tapa. Ngga pinganang-I adi bikuasa, Ayŭh digŭng rangit ngga ong. Ripas-I mbŭh dapŭd pingapun dosa yŭn sopŭrŭg manusia, Ayŭh guru di shorga tura ka tauh Tapa, adi siabo bikuasa.

2 JOHN 1:3

Isa-i Tapa adi Sama ngga Jesus Kristus, adi Anak Sama, nggen di ata pinyirasi mandis-I, masi, ka damai; isa-i ata dapu sopŭrŭg-i ngga pinyawŭ ka pinyirindu.

JUDE 1:1

So Jude, adi urun Jesus Kristus, ka jurud James, nuju ngara adi mbŭh dog bagan Tapa, adi udip darŭm pinyirindu Tapa Sama ka adi dog grindung Jesus Kristus: