2 PETER 1:12 - Hakcipta - Biatah Bidayuh

¹² Sabab anŭ, aku an ari kidaan di angān isa angān dŭh kambŭt kayuh ati, sunggu angān mbŭh puan-i buang mbŭh batur sabah di ajar Tapa adi angān mbŭh kambat.

2 PETER 1:12 ပူးပေါင်းရင်းမြစ်များ

PINGANDAI 16:5

Jadi meh sopŭrŭg eklisia dog nagap darŭm pinyabah ka bara adi sabah makin bitambah barang andu.

PHILIPPI 3:1

Sikasŭn-i, bara dingan ku, gaŭn meh darŭm angān udip ndi ngga Tuhan. Dŭh mani aku pari nang kayuh adi aku ko nuris ka angān dawŭ-i, amai kayuh anŭ taŭn-i yŭn kana adŭp ngan.

COLOSSAE 1:5

Kan agah adi sawŭ, anŭ inŭh Agah Kana, dog taban ka angān di sibungas-i, angān dingah pasar pingarap adi-i taban. Jadi pinyabah ngga pinyirindu ngan inŭh bisangan di kayuh adi angān harap, adi mbŭh pagŭng dog nyikŭn yŭn ngan di shorga.

COLOSSAE 2:7

Bada uat ngan tŭrŭp darŭm Ayŭh, ndai pimudip ngan da bisangan di Ayŭh, ka jadi rabis bake darŭm pinyabah ngan, nimun adi ko angān birajar. Ka brisi meh ngga atin trima kaseh.

1 TIMOTHY 4:6

Kambŭi kuu nggen pinyitayan ati di bara adi sabah, kuu re jadi urun Kristus Jesus adi kana, darŭm kuu paan adŭp mu darŭm roh ngga pinganang pinyabah ka ngga ajar adi sawŭ adi kuu mbŭh tunda.

2 TIMOTHY 1:6

Sabab anŭ inŭh aku kidaan di kuu da dŭh kambŭt pakai pinganggen adi Tapa ko nggen di kuu di andu aku na tangan ku di tunduh ubak mu.

HEBREW 10:32

Ingat nŭh munki angān dawŭ-i. Di tipuh anŭ, ripas jawa Tapa nyekar di angān, angān sangsara da bagŭ masam kayuh, ka angān dŭh arah.

HEBREW 13:9

Dŭhnyah bada barang masam ajar adi saruh taban angān miriseu so aran adi batur. Kana dŭ inŭh ata dog nyibake ngga pinyirasi-mandis Tapa, ka dŭh so tunda atur pasar pinguman; ngara adi tunda atur anŭ bŭn-i dapŭd utung so dieh.

1 PETER 5:10

Pak ripas angān ko sangsara nyitiro, Tapa adi dapu sopŭrŭg pinyirasi-mandis, adi bagan angān da sua dapu bragah-I adi tan adu adu darŭm udip ndi ngga Kristus, re adŭp-I bada angān sukup kana ka nŭtŭd atin ngan, nyibake angān, ka nagap angān.

1 PETER 5:12

Aku nuris surat adi purok ati ngga pinurung Silas, adi aku ngaku keya ka dingan Kristen ku adi tŭtŭd. Aku raan ngatat angān ka bisaksi di angān nang kayuh ati inŭh sawŭ pinyirasi-mandis Tapa. Bidigŭng tagap meh dieh.

2 PETER 1:13

Sitŭkŭd aku babŭ udip, aku pikir taŭn-i patut aku kies pikir ngan di kayuh anŭ.

2 PETER 1:15

Aku re ngga sibisa bisa ku nggen di angān aran ngga ari ingat sopŭrŭg kayuh ati ripas aku mbŭh kabŭs.

2 PETER 3:1

Angān adi aku rindu! Ati adi madin inŭh surat adi duwŭh adi aku nuris ka angān. Ngga so-duwŭh surat ku ati aku suba kies pikir-kira adi bisig darŭm pikir ngan darŭm ku kidaan sopŭrŭg kayuh ati isa angān dŭh kambŭt-i.

2 PETER 3:17

Pak angān, bara dingan ku, mbŭh puan kayuh ati. Bijaga meh, isa angān dŭh miriseu da sarah daya adi arap, ka rabu so yŭn ngan adi siramat.

1 JOHN 2:21

Aku nuris ka angān, meh garang, dŭh-i sabab angān dŭh puan ajar adi sawŭ, pak sabab angān puan kidŭ-i. Angān puan gŭh nang mating kayuh kadong timbur so ajar adi sawŭ.

2 JOHN 1:2

sabab Tapa agi darŭm atin ta ka re adu adu agi ngga ata.

JUDE 1:17

Pak angān adi bara dingan ku, dŭh siŭn dŭh ingat kayuh adi bara pinyuruh Tuhan Jesus Kristus ko kidaan di angān.

JUDE 1:3

Angān adi aku rindu, aku ko ngga situngang tungang ku nuris ka angān pasar pinyiramat anŭ adi samah ta dapu, kan aku kinyam raru biguna-i aku rasu nuris surat ati ngga ngatat angān da pijuu birawan yŭn pinyabah anŭ adi ndi sidah yŭn adu adu Tapa mbŭh nggen di daya-I.

JUDE 1:5

Amai sunggu angān puan sopŭrŭg kayuh anŭ, aku raan kidaan isa angān dŭh kambŭt munki Tuhan ko pirupas daya Israel so Egypt, pak komŭnŭ Ayŭh pirabur ngara adi dŭh sabah.