2 PETER 1:11 - Hakcipta - Biatah Bidayuh

¹¹ Darŭm angān ndai simŭnŭ angān re dog nggen hak ngga sipuno-i ngga kinyam Pinyipritah adi sawŭ adi tan adu adu adi tung Tuhan ngga Pinyikudip ta, Jesus Kristus.

2 PETER 1:11 ပူးပေါင်းရင်းမြစ်များ

MAZMUR 145:13

Pinyipritah Mai inŭh tan adu adu, ka Kaam inŭh raja ndŭg situi tui. TUHAN inŭh tŭtŭd ngga janji-I, ka darŭm sopŭrŭg pingandai-I ayŭh puno ngga masi.

MAZMUR 36:8

Kieh bigawai ngga bagŭ pinguman adi Kaam mbŭh nggen; Kaam bada kieh nok so sungi pinyikana Mai.

RAGU 5:1

Pingaten dayung ku adi aku siŭt, aku mbŭh mŭrŭt ka darŭm teya ku. Aku nguruk rapah ngga myrrh ku; aku man ju banyis ngga mara banyis ku; aku nok wain ngga sisuh ku. Man, angān adi biawang, ka nok ndŭg ka angān mabuk ngga pinyiawang!

ISAIAH 35:2

Tarun tana-pajam re biragu ka nyirais amai gaŭn; ayŭh re sangŭn mun Darŭd Lebanon ka damŭn mun tana ŭmŭh di Carmel ngga Sharon. Barang naan re kiris sangŭn TUHAN, kiris bās ngga kuasa-I.

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

DANIEL 7:27

Kuasa ngga sangŭn sopŭrŭg pritah di ong re dog nggen di daya Tapa adi Siabo Bigatung. Kuasa-raja ngara dŭh re mungan ka sopŭrŭg pimritah di ong re bituan ka nundok di ngara.”

MATTHEW 25:34

Komŭnŭ Raja anŭ re nang di daya tura ka tauh-I, ‘Mandŭg, angān adi ko dog nyiberkat Sama Ku! Mandŭg ka sua kinyam Pinyipritah Tapa adi ko dog sidia yŭn ngan so sibungas ong jadi.

JOHN 10:10

Pinaku mandŭg amai an naku, siŭ, ka pirusak. Aku mandŭg isa angān bisa dapŭd udip, ka biyŭn-i ngga sipuno-i.

ROME 2:4

Puan kah nyamtadar-i, angān ngamun atin mandis-I adi raru bās, atin duduh-I, ka atin sabar-I. Tatu angān mbŭh puan Tapa taŭn-I mandis, sabab Ayŭh raan bada angān marik pimudip ngan pari ka adŭp-I.

1 CORINTH 15:24

Ripas anŭ sikasŭn tipuh re mandŭg; Kristus re ngarah sopŭrŭg pinyipritah, pinguasa ngga pinguru, ka re nyerah ka Tapa Sama kuasa-I nimun Raja.

2 CORINTH 5:1

Pŭrŭng ta ati agi keya ka bari adi yŭn ta rŭŭ di ong ati. Pak kan bari ati dog nyirubuh, ata puan Tapa re nggen di barang naan ata tarun yŭn rŭŭ. Ramin arŭn anŭ dŭh-i re ramin adi manusia ndai, pak ramin arŭn di shorga adi tan adu adu.

EPHESUS 3:20

So kuasa-I adi nyiraja darŭm ata, Tapa tungang ndai bagŭ masam kayuh rabis so tungang ata mite puan kah kira:

1 TIMOTHY 6:17

Nakit ngajar ngara adi kaya di kayuh ong siŭn dŭh jadi gambung, pak na pingarap ngara, dŭh di kayuh adi dŭh tan tui mun pinyikaya, pak di Tapa, adi ngga pinyikana-I mbŭh nggen sopŭrŭg kayuh di ata yŭn udip sanang.

2 TIMOTHY 4:18

Ka Tuhan re nyiramat aku so sopŭrŭg kayuh arap ka taban aku ka darŭm Pritah-I di shorga. Bragah ka Ayŭh ndŭg situi tui! Amen.

2 TIMOTHY 4:8

Ka madin mbŭh agi kajŭn aku, upah manang udip bamai ngga Tapa, adi Tuhan, arang adi tŭnggŭn, re nggen di aku di Andu anŭ. Dŭh di aku adŭ, pak di sopŭrŭg daya adi kajŭn, ngga pinyirindu, Ayŭh adi re tatŭng.

HEBREW 6:17

Di ngara adi re kambat kayuh adi-I ko bijanji an nggen, Tapa raan ngara puan Ayŭh dŭh re ngubah pikir-I; jadi Ayŭh nambah payu di janji-I anŭ.

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

2 PETER 1:5

Sabab anŭ meh, ngga sibisa bisa ngan na pinyikana di pinyabah ngan; di pinyikana na pinyipuan;

2 PETER 2:20

Kambŭi daya mbŭh pirupas adŭp ngara so kuasa aran pimudip adi arap amai mbŭh puan pasar Tuhan adi Pinyikudip ta Jesus Kristus, ka komŭnŭ pari rabu, pimudip ngara anŭ agi rabis arap sikasŭn-i so pimudip ngara adi mbŭh.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.

PINANDŬNG 3:21

Di ngara adi mbŭh manang Aku re nggen hak da guru ngapid Aku di takta Ku, nimun Aku mbŭh manang ka madin mbŭh guru ngapid Sama Ku di takta-I.

PINANDŬNG 5:10

Kaam mbŭh bada ngara jadi raja adi bituan di Tapa nimun bara imam, ka ngara re mritah di ong.”