1 TIMOTHY 4:3 - Hakcipta - Biatah Bidayuh

³ Ngara anŭ ngajar nang daya banan sawan sarah; ngara gŭh ngajar nang agi kada pinguman adi dŭh siŭn daya man. Pak Tapa napa pinguman anŭ yŭn dog man bara adi sabah adi mbŭh puan ajar adi sawŭ, ripas ko nggen dua trima kaseh.

1 TIMOTHY 4:3 ပူးပေါင်းရင်းမြစ်များ

TIBIRIK 9:3

Ngara siŭn jadi pinguman ngan, samŭn anak anak kayuh barŭm adi timbu; Aku nggen sopŭrŭg-i di angān ndu pinguman.

EKLISIASTIS 5:18

Ati inŭh kayuh adi aku mbŭh dapŭd: kayuh adi siabo kana inŭh nŭŭh man nok ka pimunos adŭp nŭh ngga kayuh adi nŭŭh dapŭd so turang udas adŭp nŭh darŭm pimudip adi purok adi Tapa mbŭh nggen di ata; anŭ mbŭh nasip manusia.

DANIEL 11:37

Raja re nyibireu tapa tayung babuk-i, ka simŭnŭ gŭh ngga tapa adi bara dayung rindu. Ayŭh taŭn re nyibireu sopŭrŭg tapa, sabab ayŭh pikir adŭp-i bās dŭ so ngara.

MATTHEW 14:19

Ayŭh bada daya guru di kupai; komŭnŭ Ayŭh tambit rimŭh baru ruti anŭ samŭn duwŭh iken anŭ, nyigura ka rangit, ka nggen trima kaseh di Tapa. Ayŭh mire ruti anŭ ka nggen-i di bara murid-I, ka bara murid-I nggen-i di daya.

MATTHEW 15:11

Dŭh-i kayuh adi mŭrŭt baba adi kinais daya; pak kayuh adi ruah so baba, anŭ inŭh adi kinais daya.”

MATTHEW 15:36

Komŭnŭ Ayŭh tambit ju baru ruti samŭn iken anŭ, nggen trima kaseh di Tapa, mire-i, ka nggen-i di bara murid; ka bara murid nggen-i di daya.

LUKE 24:30

Ayŭh guru man ngga ngara, mbit ruti ka nyiberkat; komŭnŭ Ayŭh mire ruti anŭ ka nggen-i di ngara.

JOHN 6:23

Arud arud adi bŭkŭn, adi so Tiberias, agi mandŭg ka deyŭh sindŭk tarun yŭn bara daya ko man ruti ripas Jesus ko nggen trima kaseh.

PINGANDAI 27:35

Ko nang sakanŭ, Paul mbit ruti, nggen trima kaseh di Tapa di sirung jawin sopŭrŭg ngara, ka rasu man.

ROME 14:17

Amai Pinyipritah Tapa dŭh inŭh pasar kayuh adi ata man puan kah kayuh adi ata nok, pak pasar pinŭnggŭn, damai, ka pinyigaŭn so Roh Kudus.

ROME 14:3

Sianŭ adi man tadŭ tadŭ kayuh dŭh siŭn ngamun sianŭ adi dŭh; ka sianŭ adi man kaŭs-i dawŭn kudos dŭh siŭn nyarah sianŭ adi man tadŭ tadŭ kayuh; amai Tapa mbŭh trima daya anŭ gŭh.

ROME 14:6

Ngara adi nang taŭn agi andu adi rabis biguna so adi bŭkŭn patut ndai simŭnŭ darŭm stabi di Tuhan; ngara adi man tadŭ tadŭ kayuh patut ndai simŭnŭ darŭm stabi di Tuhan, sabab ngara nggen trima kaseh di Tapa yŭn pinguman anŭ. Ngara adi man kada kayuh adŭ patut ndai simŭnŭ darŭm stabi di Tuhan; ka ngara gŭh nggen trima kaseh di Tapa.

1 CORINTH 6:13

Adi bŭkŭn agi re nang, “Pinguman yŭn tain, ka tain yŭn pinguman.” Sawŭ; pak Tapa re pirabur soduwŭh-i. Pŭrŭng manusia dŭh-i yŭn pimudip adi dŭh tatu darŭm pingandai kais, pak ngga ndai pinyiraan Tuhan; ka Tuhan inŭh adi nggen di pŭrŭng kayuh adi-i biguna.

1 CORINTH 7:28

Pak kambŭi angān sawan, angān dŭh bidosa; ka kambŭi dayung bujang banan, ayŭh dŭh gŭh bidosa. Pak abah aku kiris angān dog pinyusah adi daya adi mbŭh banan sawan kinyam.

1 CORINTH 8:8

Pak pinguman dŭh-i bisa taban ata da rabis sindŭk Tapa; ani re mating ta biyŭn kambŭi ata dŭh man, dŭh gŭh ata re dapŭd ani ani kambŭi ata man.

COLOSSAE 2:16

Jadi isa-i dŭhnyah daya ndai atur pasar kayuh adi angān man puan kah kayuh adi angān nok, puan kah pasar andu bās adat, puan kah pasar Gawai Anak Buran, puan kah pasar andu Sabbath.

COLOSSAE 3:17

Sopŭrŭg kayuh adi angān ndai bait nang, patut dog ndai ngga adŭn Tuhan Jesus, darŭm angān nggen trima kaseh di Tapa Sama so Ayŭh.

1 TIMOTHY 2:4

Ayŭh raan sopŭrŭg daya dog nyiramat ka puan ajar adi sawŭ pasar pinyiramat.

1 TIMOTHY 4:4

Sopŭrŭg kayuh adi Tapa ko napa agi kana; ndi mating gŭh siŭn dog nang dŭh kana, pak sopŭrŭg-i siŭn dog trima ngga dua trima kaseh,

1 TIMOTHY 5:14

Jadi sŭn ku nang, kana dŭ bara dayung uban adi gi-mara banan, mira, ka jaga ramin arŭn ngara, isa pinganyu ta dŭh biyŭn aran ngga kinarap ata.

HEBREW 13:4

Sopŭrŭg daya an stabi di banan sawan, ka banŭh bait sawŭn dŭh siŭn dŭh an tŭtŭd ngga dingan-i. Tapa re ngukum daya adi udip darŭm sarah ka daya adi tanggah.

HEBREW 13:9

Dŭhnyah bada barang masam ajar adi saruh taban angān miriseu so aran adi batur. Kana dŭ inŭh ata dog nyibake ngga pinyirasi-mandis Tapa, ka dŭh so tunda atur pasar pinguman; ngara adi tunda atur anŭ bŭn-i dapŭd utung so dieh.