1 TIMOTHY 1:4 - Hakcipta - Biatah Bidayuh

⁴ Kidaan di ngara da kambŭt dundan adi au-tarun anŭ samŭn susud taris tayung-babuk adi raru ambu, adi kaŭs-i bada daya bikaii. Kayuh mun anŭ dŭh-i nanyam ka atur-pinyiraan Tapa, adi taŭn dog puan so ka pinyabah.

1 TIMOTHY 1:4 ပူးပေါင်းရင်းမြစ်များ

TITUS 3:9

Pijo adŭp mu so karit adi budo, susud taris tayung-babuk adi ambu, kaii, ka birawan pasar ukum-adat. Kayuh anŭ dŭh biguna ka dŭh biyŭn rati.

TITUS 1:14

ka dŭh tia bidigŭng di dundan kadong nyamba Jahudi samŭn pinyipesan manusia adi mandŭg so daya adi abah trima ajar adi sawŭ.

1 TIMOTHY 4:7

Pak pijo adŭp mu so dundan dundan au-tarun, adi dŭh patut dog kidaan. Pikanyet adŭp mu udip darŭm adat.

2 TIMOTHY 4:4

Ngara re abah dingah kayuh adi sawŭ, pak re graŭh an dingah dundan adi au-tarun.

2 PETER 1:16

Kan kieh kidaan di angān munki masam bikuasa pimandŭg Tuhan ta Jesus Kristus, kieh dŭh bisangan di dundan adi dog nimbur daya. Ngga batŭh adŭp ami kieh mbŭh kiris kuasa bās-I.

1 TIMOTHY 6:20

Timothy, nakit jaga kayuh adi mbŭh dog mbas pasan ka darŭm tangan mu. Pijo adŭp mu so piminyu pinganang adi dŭh biguna samŭn karit adi sipadin adi daya kadŭn “Pinyipuan.”

HEBREW 13:9

Dŭhnyah bada barang masam ajar adi saruh taban angān miriseu so aran adi batur. Kana dŭ inŭh ata dog nyibake ngga pinyirasi-mandis Tapa, ka dŭh so tunda atur pasar pinguman; ngara adi tunda atur anŭ bŭn-i dapŭd utung so dieh.

2 TIMOTHY 2:14

Bada daya mu ingat anŭ, ka bakan ngara di sirung jawin Tapa da dŭh bikaii pasar bang piminyu. Kaii dŭh-i biguna, pak pirusak daya adi dingah.

2 TIMOTHY 2:22

Pijo adŭp mu so pinyiripong daya adi gibabŭ mara, ka jiroh pinŭnggŭn, pinyabah, pinyirindu, ka damai, samah ngga ngara adi ngga atin bisig-i bagan Tuhan yŭn mite turung.

1 TIMOTHY 6:11

Pak kuu, daya Tapa, pijo adŭp mu so sopŭrŭg kayuh adi mun anŭ. Kuu patut gruwŭn: pinŭnggŭn, udip nimun ka pinyiraan Tapa, sabah di Kristus, rindu dingan, biyŭn pinyitŭtŭd atin di tika sangsara, ka atin duduh ngga daya.

1 TIMOTHY 3:16

Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.

TITUS 1:1

So Paul, adi urun Tapa ka pinyuruh Jesus Kristus. Aku mbŭh dog mien ka dog pait da turung nagap pinyabah bara daya adi Tapa mbŭh mien ka nyiruton ngara siŭn ngara natŭng ajar adi sawŭ adi dog ngajar adat ta,

2 CORINTH 1:12

Kieh ngangŭn pikir-kira atin ami mbŭh kiren nang pimudip ami di ong ati, ka rabis-i gaya pimudip ami ngga angān, mbŭh dog nguasa atin adi dŭh an miman kayuh ngga atin bisig so Tapa buang ngga atin tŭnggŭn, so ka kuasa pinyirasi-mandis Tapa ka dŭh so ka pinyibijak manusia.

EPHESUS 3:2

Angān tatu muko dingah Tapa, darŭm pinyirasi mandis-I, mbŭh nggen di aku kraja ati yŭn kana adŭp ngan.

2 TIMOTHY 2:23

Pijo adŭp mu so karit adi sipadin ngga adi dŭh biguna; kuu puan pinŭbŭn-i kaii.