1 TIMOTHY 1:3 - Hakcipta - Biatah Bidayuh

³ Aku raan kuu rŭŭ di Ephesus, nimun aku ko ngasu kuu di andu aku re di ka Macedonia. Agi kada daya diginŭ mbŭh nggen ajar kadong, ka kuu dŭh siŭn dŭh mritah ngara da dŭh tia.

1 TIMOTHY 1:3 ပူးပေါင်းရင်းမြစ်များ

PINGANDAI 18:19

Ngara ndŭg Ephesus, ka diginŭ Paul tingge Priscilla ngga Aquila. Ayŭh di mŭrŭt ramin simayang-Jahudi ka taban bara daya Jahudi ngga kirakar.

PINGANDAI 18:21

pak nang di ngara darŭm-i bu, “Kambŭi-i pinyiraan Tapa, aku re pari ka angān.” Jadi ayŭh birayar so Ephesus.

ROME 15:26

Amai eklisia di Macedonia ngga di Achaia mbŭh ngga siabo asŭng-i natu an nggen pinganggen ngga turung bara adi sirata di dupan bara daya adi Tapa mbŭh mien di Jerusalem.

ROME 16:17

Aku ngasu angān adi bara dingan ku: nakit jaga adŭp ngan so ngara adi kiruyok nyibarai daya ka adi ngaso pinyabah daya, buang rawan ajar adi angān ko trima. Pijo adŭp ngan so ngara!

2 CORINTH 11:4

Amai angān tandah tadŭ daya mandŭg tudu angān ka ngajar pasar Jesus adi bŭkŭn, dŭh sianŭ adi kieh nyuse. Angān an gŭh trima roh ngga agah kana adi taŭn mbŭh raru bŭkŭn so Roh ngga Agah Kana adi angān ko kambat so kieh!

EPHESUS 4:14

Ka ata dŭh re tia mun anak-anya, udah anyut kamati kamanŭ da sabak ajar daya pinipu, adi taban daya ka aran pimudip adi sarah ngga akar tipu adi ngara nimbu.

PHILIPPI 2:24

Aku harap, dŭm dŭh tui, ngga pinurung Tuhan aku re tungang munan angān.

1 TIMOTHY 4:11

Nggen pinyitayan ka ajar anŭ di ngara.

1 TIMOTHY 4:6

Kambŭi kuu nggen pinyitayan ati di bara adi sabah, kuu re jadi urun Kristus Jesus adi kana, darŭm kuu paan adŭp mu darŭm roh ngga pinganang pinyabah ka ngga ajar adi sawŭ adi kuu mbŭh tunda.

1 TIMOTHY 5:7

Nggen di ngara pinyitayan ati, isa mating daya kinarap ngara.

1 TIMOTHY 6:10

Amai pinyiawang duit pijadi bagŭ masam arap. Agi daya adi mbŭh gruwŭn an biyŭn-i ndŭg ka mbŭh miriseu so pinyabah ngara ka mbŭh pijadi bagŭ masam andam di adŭp-i.

1 TIMOTHY 6:17

Nakit ngajar ngara adi kaya di kayuh ong siŭn dŭh jadi gambung, pak na pingarap ngara, dŭh di kayuh adi dŭh tan tui mun pinyikaya, pak di Tapa, adi ngga pinyikana-I mbŭh nggen sopŭrŭg kayuh di ata yŭn udip sanang.

1 TIMOTHY 6:3

Asi asi adi ngajar ajar adi bŭkŭn ka dŭh situju ngga pinganang adi sawŭ so Tuhan ta Jesus Kristus ka dŭh gŭh situju di ajar adat ta,

2 TIMOTHY 1:18

Isa-i Tuhan masi di ayŭh di Andu Sikasŭn! Kuu mbŭh puan munki masam ayŭh mbŭh turung aku di Ephesus.

2 JOHN 1:7

Bagŭ pingadong mbŭh bijaruh di ong, ngara adi abah sabah Jesus Kristus ko mandŭg darŭm gayŭn manusia. Daya adi mun anŭ taŭn-i pingadong ka mbŭh Pinganyu Kristus.

PINANDŬNG 2:14

Pak agi kada kayuh adi yŭn Ku nyarah kuu: agi kada so bara mu adi mbŭh tunda ajar Balaam, adi ko ngajar Balak munki ayŭh dapŭd nguru daya Israel da bidosa darŭm-i mujuk ngara da man pinguman adi ko dog jugan ka tibudo buang da ndai urah adi dŭh tatu darŭm pingandai kais.

PINANDŬNG 2:20

Pak ati inŭh kayuh adi yŭn Ku nyarah kuu: kuu nurut dayung anŭ adi dŭn Jezebel, adi kadŭn adŭp-i pinyisung Tapa. Ngga ajar-i ayŭh kinanyap bara urun Ku ka darŭm pimudip adi dŭh tatu darŭm pingandai kais ka man pinguman adi ko dog jugan ka tibudo.