1 SAMUEL 9:16 - Hakcipta - Biatah Bidayuh

¹⁶ “Sipagi ngga arong munti andu Aku re pait ka yŭn mu ndi naan daya so tibaran-asar Benjamin; nginyo ayŭh ngga nandā ayŭh adi jadi raja daya Ku. Ayŭh re pirupas ngara so daya Philistine. Aku mbŭh kiris daya Ku sangsara ka mbŭh dingah sien ngara mite turung.”

1 SAMUEL 9:16 ပူးပေါင်းရင်းမြစ်များ

2 SAMUEL 3:18

Madin inŭh mbŭh tipuh-i angān bada bitŭtŭk kayuh adi TUHAN muko nyabŭt di angān, ‘Aku re pakai urun Ku David ngga nyiramat daya Ku so daya Philistine ka so sopŭrŭg pinganyu ngara adi bŭkŭn.’ ”

2 RAJA 20:5

pari ka yŭn Hezekiah, pimritah daya TUHAN, ka nang di ayŭh, “Aku, TUHAN, adi Tapa babuk mu David, mbŭh dingah dua mu ka kiris randang batŭh mu. Aku re pibua kuu, ka andu adi taruh kuu re di ka Ramin TUHAN.

MAZMUR 102:1

Dingah dua ku, O TUHAN, ka dingah sirŭŭn ku mite turung!

MAZMUR 106:44

Pak TUHAN dingah ngara kan ngara mite turung, ka Ayŭh ngatin susah ngara.

MAZMUR 25:18

Nimbang pinyusah ngga sangsara ku ka apun sopŭrŭg dosa ku.

PITAS 16:9

Kuu bisa bisatur ndai kayuh, pak Tapa inŭh adi natu munki kuu pimanu-i.

JEREMIAH 32:8

Komŭnŭ, nimun adi mbŭh TUHAN nang, Hanamel sawŭ mandŭg ka yŭn ku diginŭ di badag istana ka bada aku miris tana-i. Anŭ sabab aku puan nang TUHAN sawŭ agi minyu ngga aku.

1 SAMUEL 10:1

Samuel tambit ndi anak gabuk adi brisi ngga inyo kanā, ka ren inyo anŭ di tunduh ubak Saul, sium ayŭh, ka nang, “TUHAN nginyo kuu bada jadi raja daya-I Israel. Kuu re mritah daya-I ka grindung ngara so sopŭrŭg pinganyu ngara. Ka ati inŭh tandā di kuu nang TUHAN mbŭh mien kuu bada jadi raja daya-I:

1 SAMUEL 14:20

Komŭnŭ ayŭh ngga bara daya-i masang ka yŭn bisaad anŭ. Diginŭ ngara kiris daya Philistine mbŭh bana kandang-kandŭ ka mbŭh bisaad dupan adŭp-i.

1 SAMUEL 14:23

bisaad ndi aran aran jeh ndŭg Bethaven. TUHAN nyiramat Israel di andu anŭ.

1 SAMUEL 15:1

Samuel nang di Saul, “Aku inŭh adi TUHAN pait bada nginyo kuu jadi raja daya-I Israel. Madin dingah kayuh adi TUHAN Bisa-pŭrŭg nang.

1 SAMUEL 16:1

TUHAN nang di Samuel, “Ndŭg sinde kuu re susah pasar Saul? Aku mbŭh tirawan ayŭh jadi raja Israel. Madin di tambit inyo kanā ka di ka Bethlehem, ka yŭn ndi naan daya dŭn Jesse, sabab aku mbŭh mien ndi naan so anak anak dari-i bada jadi raja.”

1 SAMUEL 16:3

Bagan Jesse bada sua ka yŭn jugan sadis anŭ, ka Aku re kidaan di kuu kayuh adi re mu ndai. Kuu re nginyo bada jadi raja daya adi aku kidaan di kuu.”