1 SAMUEL 9:12 - Hakcipta - Biatah Bidayuh

^12-13 “Agi ayŭh,” bara dayung anŭ nam. “Sibatur-i, ayŭh agi panu di jawin diŭ so angān. Kambŭi angān rikas panu, angān re nyandat ayŭh. Angān re dapŭd ayŭh, kan angān mbŭh mŭrŭt kupo. Ayŭh mandŭg ka kupo andu ati sabab daya re jugan sadis di mija-sambah di tibung sandah. Bara daya adi dog bagan dŭh re piguru man ndŭg ka ayŭh mbŭh mandŭg, sabab ayŭh re nyiberkat sadis anŭ diŭ. Kambŭi angān di madin, angān re dapŭd ayŭh diŭ so-i maad sandah anŭ di man.”

1 SAMUEL 9:12 ပူးပေါင်းရင်းမြစ်များ

TIBIRIK 31:54

Ayŭh siŭ ndi dāng ndu sadis di darŭd anŭ ka ayŭh bagan daya daya-i ngga sua man. Ripas ko man, ngara nyirŭmŭn di darŭd anŭ.

1 KRONIKEL 16:39

Zadok adi imam ngga bara dingan-i adi bara imam, inŭh tukang nguasa simayang nyambah TUHAN di tarun yŭn bisambah di Gibeon.

1 SAMUEL 10:5

Komŭnŭ kuu re di ka Sandah Tapa di Gibeah; diginŭ agi bari daya Philistine. Di tiban mŭrŭt kupo kuu re bidapŭd ngga ndi tibaran nabi mūn so mija-sambah di tibung sandah, mambak kachapi, gendang, tirari ngga gambus. Ngara re birajang buang nyirais.

1 SAMUEL 16:2

“Simuki aku re ndai simŭnŭ?” Samuel siken. “Kambŭi Saul puan, tatu ayŭh re siŭ aku!” TUHAN nam, “Taban anak sapi ka kidaan nang kuu agi diginŭ amai an jugan sadis ka TUHAN.

1 SAMUEL 2:35

Aku re mien ndi naan imam adi re tŭtŭd di Aku ka adi re ndai sopŭrŭg kayuh adi Aku bada ayŭh ndai. Aku re nggen di ayŭh sesang sesang adi re nyiraja jadi imam yŭn raja adi Aku mien.

1 SAMUEL 20:6

Kambŭi sama mu kiris aku mating sua guru man ngga ayŭh, kidaan di ayŭh aku muko mite pinyibandar so kuu nang aku an rikas mari ka Bethlehem, amai ati mbŭh tipuh adi ngga rawang ku jugan sadis adi ndi sawa ndi sidah.

1 SAMUEL 7:17

Komŭnŭ ayŭh ari pari ka ramin adŭp-i di Ramah, di yŭn-i ndai kraja-i jadi akim. Di Ramah ayŭh pijog ndi mija-sambah ka TUHAN.