Di andu Aku taban tayung-babuk ngara ngga ruah so Egypt, Aku mbŭh pari pari bakan ngara bada nundok di Aku. Ndŭg andu ati Aku babŭ bakan daya Ku di kayuh anŭ.
Kambŭi Aku nggen puan nang ndi naan daya arap re kabŭs pak kuu dŭh bakan ayŭh bada ngubah aran pimudip-i ngga nyiramat adŭp-i, ayŭh re kabŭs babŭ daya bidosa, ka Aku re bada kuu dapu tanggong di pinyikabŭs-i anŭ.
Pinguasa adi mritah anŭ dŭh siŭn tambit tadŭ tadŭ tana rayat-i. Tana adi ayŭh nggen di anak anak dari-i dŭh siŭn dŭh anŭ adi dog pirutung di ayŭh, isa ayŭh dŭh sirapas tana daya Ku ngga kinanyuh daya Ku.”
Samuel kidaan di bara daya rati hak ngga kraja pingandai raja, ka nuris-i darŭm surat, adi nyikŭn-i di tarun yŭn adi kudus. Komŭnŭ ayŭh bada barang naan daya maad.
Sitŭkŭd ayŭh udip, Saul bandar bandar biperang ngga daya Philistine. Ngapŭi kan ayŭh dapŭd daya adi bake buang birani, ayŭh tambit daya anŭ bada sua ngga bara soldadu-i.
bait atur-adat pasar kayuh adi bisa imam mite so daya bagŭ. Gŭt-i kan daya jugan sadis, daya-gaji imam ari mandŭg taban sirapang adi bisakap taruh. Sitadŭn dagin anŭ gi-aŭn dog tanŭk,
So jaman Aku taban ngara ruah so Egypt, ngara mbŭh nyipunok Aku ka nyambah tapa tapa adi bŭkŭn; ka madin ngara mbŭh ndai di kuu kayuh adi ngara ari ndai di Aku.