1 SAMUEL 8:7 - Hakcipta - Biatah Bidayuh

⁷ ka TUHAN nang, “Dingah nŭh barang masam kayuh adi daya nang di kuu. Dŭh-i kuu adi ngara mbŭh tirawan; Aku ati inŭh adi abah ngara trima bada jadi raja ngara.

1 SAMUEL 8:7 ပူးပေါင်းရင်းမြစ်များ

PINYIRUAH 16:8

Komŭnŭ Moses nang, “Adŭp TUHAN inŭh adi re nggen di angān dagin yŭn singumi andu, ka ngga sibagŭ ruti nanyam raan ngan yŭn isan isan, sabab Ayŭh mbŭh dingah munki masam angān mingungut rawan Ayŭh. Kan angān mingungut rawan kieh, angān mbŭh mingungut rawan TUHAN.”

ISAIAH 66:4

Jadi Aku re bada pinyirusag nyatŭk ngara, kayuh adi ngara taru, sabab mating daya nam kan Aku bagan bait dingah kan Aku minyu. Ngara raan dŭ nyibireu Aku ka ndai arap.”

JEREMIAH 34:14

barang ju sawa, pirupas tadŭ tadŭ urun ngara adi daya Jahudi adi mbŭh bituan di ngara nŭm sawa. Pak tayung-babuk ngan dŭh an dingah Aku ka dŭh mbit piduri di pinganang Ku.

EZEKIEL 2:3

“Manusia, Aku pait kuu ka daya Israel. Ngara rawan Aku mun tayung-babuk ngara jah. Ndŭg madin ngara babŭ an birawan.

EZEKIEL 3:7

Pak ndi naan daya Israel mating re an dingah; ngara dŭh gŭh an dingah Aku. Sopŭrŭg ngara inŭh baking ka an birawan.

PINYIKIANG 22:20

Ngarŭm anŭ Tapa mandŭg ka yŭn Balaam ka nang, “Kambŭi bara daya anŭ mbŭh mandŭg an mite kuu tunda adŭp-i, sidia adŭp mu ka di, pak ndai anŭ adi Aku bada kuu ndai adŭ.”

MATTHEW 10:40

“Asi asi adi kambat angān kambat Aku; ka asi asi adi kambat Aku re kambat sianŭ adi pait Aku.

LUKE 10:16

Jesus nang di bara murid-I, “Daya adi dingah pinganang ngan dingah pinganang Ku; daya adi tirawan angān tirawan Aku; daya adi tirawan Aku tirawan Ayŭh adi bada Aku mandŭg.”

LUKE 19:14

Bara daya di rais-i tiru di ayŭh; ka kan ayŭh mbŭh panu ngara pait pinyisung da nang, ‘Kieh dŭh raan daya ati jadi raja ami.’

LUKE 19:27

Mun pinganyu ku adi abah bada aku jadi raja ngara, taban ngara kamati ka siŭ ngara di sirung jawin ku!’ ”

JOHN 13:16

Aku kidaan di angān kayuh adi sawŭ: mating urun re bās dŭ so tuan-i, ka mating gŭh pinyisung re bās dŭ so sianŭ adi pait ayŭh.

AKIM 8:23

Gideon nam, “Aku dŭh re jadi pimritah ngan, anak dari ku dŭh gŭh. TUHAN inŭh adi re jadi pimritah ngan.”

1 SAMUEL 10:19

Aku ati Tapa ngan, adi pirupas angān so sopŭrŭg susah ngga jera ngan, pak andu ati angān mbŭh tirawan Aku ka mbŭh mite Aku bada nggen raja di angān. Kana, nguruk garang adŭp ngan di sirung jawin TUHAN nanyam ka tibaran tibaran-asar ngga manak manak ngan.’ ”

1 SAMUEL 12:1

Jadi Samuel nang di daya Israel, “Aku mbŭh ndai kayuh adi angān bada aku ndai. Aku mbŭh nggen di angān raja da mritah angān,

1 SAMUEL 12:12

Pak kan angān kiris Raja Nahash so Ammon re nyerang angān, angān abah di TUHAN jadi raja ngan ka nang di aku, ‘Kieh raan biyŭn raja da mritah kieh.’

1 SAMUEL 8:22

TUHAN nam, “Ndai nŭh anŭ adi ngara raan, ka nggen raja di ngara.” Komŭnŭ Samuel kidaan di sopŭrŭg daya Israel bada mari ka ramin ngara.

1 SAMUEL 8:8

So jaman Aku taban ngara ruah so Egypt, ngara mbŭh nyipunok Aku ka nyambah tapa tapa adi bŭkŭn; ka madin ngara mbŭh ndai di kuu kayuh adi ngara ari ndai di Aku.