1 SAMUEL 7:3 - Hakcipta - Biatah Bidayuh

³ Samuel nang di daya Israel, “Kambŭi angān an pari ka TUHAN ngga siabo atin ngan, angān dŭh siŭn dŭh taran sopŭrŭg tapa saruh ngga gayŭn gayŭn tapa Astart. Nitah adŭp ngan ngga sipuno puno-i ka TUHAN ka nyambah Ayŭh sadi adŭ, ka Ayŭh re piruah angān so kuasa daya Philistine.”

1 SAMUEL 7:3 ပူးပေါင်းရင်းမြစ်များ

TIBIRIK 35:2

Jadi Jacob nang di rawang-i ka di sopŭrŭg adi agi ngga ayŭh, “Taran sopŭrŭg tibudo tapa saruh adi angān nyikŭn; pibisig adŭp ngan ka nēn piraka bisig.

1 RAJA 11:33

Aku re ndai simŭnŭ sabab Solomon mbŭh tirawan Aku ka mbŭh nyambah tapa tapa saruh: Astart, tapa daya Sidon; Chemosh, tapa daya Moab; ka Molech, adi tapa daya Ammon. Solomon mbŭh nyibireu Aku; ayŭh mbŭh sarah, ka dŭh sita ukum ukum-adat Ku ngga pesan Ku, dŭh mun sama-i David.

1 RAJA 8:48

Kambŭi di tarun tana anŭ ngara sawŭ ka ngga siabo atin marik pimudip ngara pari ka Kaam, ka bidua ka Kaam buang ngara nura tarun tana ati adi Kaam mbŭh nggen di tayung-babuk ami, kupo ati adi Kaam mbŭh mien, ka Ramin ati adi aku mbŭh pijog yŭn Mai,

2 RAJA 17:39

Angān dŭh siŭn dŭh nyambah Aku, TUHAN adi Tapa ngan, ka Aku re pirupas angān so pinganyu ngan.”

2 RAJA 23:15

Josiah nyirubuh gŭh tarun yŭn bisambah di Bethel adi dog pijog Raja Jeroboam anak Nebat, adi taban Israel bidosa. Josiah nyirubuh mija-sambah, pirandŭk batuh-i, ka mupu-i bada jadi dabu; ayŭh badang gŭh uros gayŭn Asherah.

1 KRONIKEL 22:19

Madin bituan meh di TUHAN adi Tapa mu ngga siabo atin ka ngga siabo simangi mu. Piguru pijog Ramin TUHAN, isa kuu dapŭd na di darŭm-i Pati Simanya TUHAN samŭn sopŭrŭg kayuh kudus adi dog pakai ngga nyambah Ayŭh.”

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

2 KRONIKEL 19:3

Pak sunggu mŭnŭ, agi kana mu. Kuu mbŭh kadi sopŭrŭg tandā pinatŭng tapa Asherah adi daya nyambah, ka kuu mbŭh suba tunda pinyiraan Tapa.”

2 KRONIKEL 20:33

pak tarun yŭn bisambah adat karŭm dŭh dog nyirubuh. Daya gibayuh pari ngga siabo atin ngara nyambah Tapa tayung-babuk ngara.

2 KRONIKEL 30:19

“O TUHAN, Tapa tayung-babuk ami, ngga pinyikana Mai apun ngara adi nyambah Kaam ngga siabo atin ngara, sunggu ngara dŭh bisig nanyam ka adat.”

PITAS 16:1

Ata bisa bisatur, pak Tapa inŭh adi nggen sikasŭn pinganang.

ISAIAH 55:7

Tandah daya ginaka tingge aran pimudip ngara ka nukar pikir-kira ngara. Tandah ngara marik pimudip ngara pari ka TUHAN, adi Tapa ta; Ayŭh inŭh masi ka rikas apun.

JEREMIAH 24:7

Aku re nggen di ngara pinyiraan an puan nang Aku ati TUHAN. Komŭnŭ ngara re jadi daya Ku, ka Aku re jadi Tapa ngara, sabab ngara re pari ka Aku ngga siabo atin ngara.

JEREMIAH 36:3

Kadŭ kan daya Judah dingah pasar sopŭrŭg pinyirusag adi Aku re bada nyatŭk ngara, ngara an pasan aran pimudip ngara adi arap anŭ. Komŭnŭ Aku re apun pimudip ginaka ngara samŭn dosa ngara.”

JEREMIAH 4:1

TUHAN nang, “Daya Israel, kambŭi kuu raan pari, marik pimudip mu pari ka Aku. Kambŭi kuu tŭtŭd di Aku ka taran tibudo tibudo anŭ adi Aku tiru,

EZEKIEL 14:6

“Ngapŭi meh, kidaan di daya Israel kayuh adi Aku, adi TUHAN Raja, nang: marik pimudip ngan bu so tibudo ngan adi sipŭ anŭ pari ka Aku.

EZEKIEL 18:31

Pasan sopŭrŭg arap adi angān mbŭh ndai, ka bada pikir ngga atin ngan jadi bauh. Mani angān daya Israel raan kabŭs?

HOSEA 14:1

Pari ka TUHAN adi Tapa ngan, daya Israel. Dosa ngan mbŭh bada angān sikak ka rabu.

MATTHEW 15:8

‘Bara daya ati, Tapa nang, kibās Aku ngga baba-i, pak atin-i sawŭ jo so Aku.

MATTHEW 4:10

Ka Jesus nam, “Bu, Shetan! Surat-kudus nang, ‘Nyambah Tuhan adi Tapa mu ka bituan di Ayŭh adŭ!’ ”

MATTHEW 6:24

“Mating daya bisa jadi urun duwŭh naan tuan; ayŭh re tiru di sianŭ ndi ka rindu di sianŭ ndi; ayŭh re tŭtŭd ngga sianŭ ndi ka ngamun sianŭ ndi. Angān dŭh bisa bituan di Tapa buang bituan di duit.

LUKE 4:8

Jesus nam, “Surat-kudus nang, ‘Nyambah Tuhan adi Tapa mu ka bituan di Ayŭh adŭ!’ ”

JOHN 4:24

Tapa inŭh Roh, ka ngga kuasa Roh-I adŭ daya bisa nyambah Ayŭh darŭm pinyawŭ-I.”

DITRONOMI 10:20

Stabi di TUHAN adi Tapa ngan, ka nyambah Ayŭh sadi adŭ. Tŭtŭd di Ayŭh ka ndai janji ngan darŭm adŭn-I sadi adŭ.

DITRONOMI 13:4

Tunda TUHAN ka stabi di ayŭh; nurut pinganang-I ka sita pinyipesan-I; nyambah Ayŭh ka tŭtŭd di Ayŭh.

DITRONOMI 4:29

Diginŭ angān re jiroh TUHAN adi Tapa ngan, ka kambŭi angān jiroh Ayŭh ngga siabo atin ngan, angān re dapŭd ayŭh.

DITRONOMI 6:13

Stabi di TUHAN adi Tapa ngan, nyambah Ayŭh sadi adŭ, ka ndai janji ngan darŭm adŭn-I sadi adŭ.

JOSHUA 13:31

Anŭ samŭn tarun tana Gilead, samŭn Ashtaroth ngga Edrei, adi jadi sindŭ sindŭ kupo di tarun tana adi dog mritah raja Og di Bashan. Sopŭrŭg anŭ mbŭh dog nggen di sitangah bara rawang adi sesang Machir anak Manasseh.

JOSHUA 24:14

“Ngapŭi meh madin,” Joshua pijuu nang, “Stabi di TUHAN ka bituan di Ayŭh ngga batur sawŭ ka ngga puno pinyabah. Taran sopŭrŭg tapa adi tayung-babuk ngan nyambah di Mesopotamia ka di Egypt, ka bituan di TUHAN adŭ.

JOSHUA 24:23

“Taran meh garang sopŭrŭg tapa saruh ngan anŭ,” Joshua nang, “ka bipayu adŭp ngan re tŭtŭd di TUHAN, adi Tapa Israel.”

AKIM 10:16

Jadi ngara kubo taran tapa tapa saruh ngara ka nyambah TUHAN; ka Ayŭh dŭh munos yang-I kiris pinyusah Israel.

AKIM 10:6

Ndi sidah dinge bara daya Israel bidosa rawan TUHAN amai nyambah Baal ngga Astart; ngara nyambah gŭh tapa tapa so Syria, so Sidon, so Moab, so Ammon, ka so Philistia. Ngara mbŭh tagan TUHAN ka mbŭh dŭh tia nyambah Ayŭh.

AKIM 2:11

Komŭnŭ, daya Israel bidosa rawan TUHAN ka piguru bituan di Baal.

AKIM 2:13

Ngara mbŭh dŭh tia nyambah TUHAN pak bituan di Baal ngga Astart.

1 SAMUEL 31:10

Komŭnŭ ngara na sinyata-i di bari-sambah tapa Astart, ka tadang-i ngara masak di sindung kupo Beth Shan.