1 SAMUEL 6:16 - Hakcipta - Biatah Bidayuh

¹⁶ Raja Philistine adi rimŭh naan nyibatŭh ngara ndai anŭ ka komŭnŭ ngara pari ka Ekron andu anŭ gŭh.

1 SAMUEL 6:16 ပူးပေါင်းရင်းမြစ်များ

JOSHUA 13:3

samŭn sopŭrŭg tarun tana Avvim tura ka siratan. (Tarun tana so sungi Shihor, di baat Egypt, jeh ndŭg baat Ekron tura ka utara mbŭh dog nyirundeng tarun tana daya Canaan. Raja raja daya Philistia rŭŭ di Gaza, Ashdod, Ashkelon, Gath, ngga Ekron.)

AKIM 16:5

Rimŭh naan raja Philistine di tudu Delilah ka nang, “Nyikuro Samson isa ayŭh kidaan di kuu mani ayŭh raru bake, ka simuki kieh bisa ngarah ayŭh, muak ayŭh, ka bada ayŭh dŭh dapŭd ndai ani ani. Barang naan kieh re nggen di kuu siribu siratus kiping pirak.”

AKIM 3:3

Anŭ adi gibabŭ di tarun tana anŭ inŭh rimŭh kupo daya Philistine, sopŭrŭg daya bangsa Canaan, daya bangsa Sidon, ka daya bangsa Hivi adi rŭŭ di gadung Darŭd Lebanon so Darŭd Baal Hermon ndŭg Ateng Hammath.

1 SAMUEL 5:10

Jadi ngara pait Pati Simanya anŭ ka Ekron, ndi so kupo daya Philistine adi bŭkŭn dinge. Pak kan-i mbŭh ndŭg nŭ, bara daya mbŭh bago, nang, “Ngara mbŭh taban Pati Simanya Tapa Israel ngga kamati amai raan siŭ sopŭrŭg ta!”

1 SAMUEL 6:12

Sapi sapi anŭ piguru panu di aran nuju Beth Shemesh, panu radus tŭnggŭn kamanŭ ka dŭh biruit bu so aran. Sapi sapi anŭ pira-muu adŭp-i buang panu. Raja Philistine adi rimŭh naan tunda sapi sapi anŭ panu jeh ndŭg baat Beth Shemesh.

1 SAMUEL 6:4

“Ani pinganggen patut ami pait ka Ayŭh?” daya bagŭ siken. Ngara nam, “Rimŭh panggar suto-gayŭn pirakis mas ngga rimŭh pŭrŭng suto-gayŭn babu mas, ndi yŭn barang naan raja Philistine adi rimŭh naan. Sesak-andam anŭ mbŭh dog sopŭrŭg ngan samŭn rimŭh naan raja anŭ.