1 SAMUEL 4:3 - Hakcipta - Biatah Bidayuh

³ Kan bara soldadu daya Israel adi gibabŭ udip pari ka tarun yŭn ngara bibari, bara pinguru Israel nang, “Mani TUHAN bada soldadu daya Philistine ngarah ata andu ati? Ja ata di tambit Pati Simanya TUHAN so Shiloh, isa Ayŭh bisa sua ngga ata ka nyiramat ata so bara pinganyu ta.”

1 SAMUEL 4:3 ပူးပေါင်းရင်းမြစ်များ

2 SAMUEL 15:25

Komŭnŭ raja nang di Zadok, “Taban Pati Simanya anŭ pari ka kupo. Kambŭi TUHAN munos asŭng-I di aku, ndi andu Ayŭh re bada aku pari di tingga-i samŭn tarun adi yŭn-i dog na.

1 KRONIKEL 17:1

Raja David madin mbŭh rŭŭ di istana-i. Ndi andu ayŭh bagan nabi Nathan ka nang di ayŭh, “Ta digiti aku rŭŭ di ramin dog ndai so kayuh sedar, pak Pati Simanya TUHAN dog nyikŭn darŭm bari!”

MAZMUR 74:1

Mani Kaam tagan kieh mun ati, O Tapa? Re adu adu kah Kaam baji di daya Mai?

MAZMUR 74:11

Mani Kaam abah turung kieh? Mani Kaam na tangan Mai di punok Mai?

ISAIAH 50:1

TUHAN nang, “Angān pikir Aku pibu daya Ku mun daya taran sawŭn-i? Diki meh garang surat sare anŭ? Angān pikir Aku jua angān mun daya jua anak anak-i bada jadi urun? Dŭh, angān bu jadi daya-takap sabab dosa ngan; angān dog taran sabab sarah adŭp ngan.

ISAIAH 58:3

Daya nang, “Re ngga mani ata bipusa kambŭi TUHAN dŭh kiris? Re ngga mani ata dŭh man kambŭi Ayŭh dŭh mbit piduri?” TUHAN nang di ngara, “Di tika angān bipusa, angān mbit bat di har adŭp ngan ka kinanyuh daya adi nyiraja yŭn ngan.

ISAIAH 59:1

Dŭhnyah pikir TUHAN raru ramah re nyiramat angān puan kah raru bangam re dingah angān bagan mite turung!

ISAIAH 59:2

Sabab dosa ngan Ayŭh dŭh dingah angān. Dosa ngan inŭh adi nyibarai angān kan angān suba an nyambah Ayŭh.

JEREMIAH 3:16

Komŭnŭ kan angān mbŭh raru bagŭ di tarun tana anŭ, daya re dŭh tia minyu pasar Pati Simanya Ku. Ngara re dŭh tia pikir pasar-i bait ingat-i; ngara re dŭh gŭh biguna dieh, dŭh gŭh ngara re ndai adi bauh.

JEREMIAH 7:4

Dŭh tia sabah pinganang kadong adi nang, ‘Ata siramat! Ati inŭh Ramin TUHAN, ati inŭh Ramin TUHAN, ati inŭh Ramin TUHAN!’

PINYIKIANG 10:33

Kan bara daya bu so Sinai, darŭd kudus, ngara panu sitian taruh andu. Pati Simanya TUHAN taŭn ari dog taban diŭ so ngara, jiroh tarun yŭn ngara bibari.

PINYIKIANG 10:35

Niap saba Pati Simanya dog pakat ngga panu, Moses nang, “Makat TUHAN; mesak pinganyu Mai ka bada ngara adi tiru di Kaam babak bu!”

PINYIKIANG 31:6

Moses bada ngara matak biperang di ribo kuasa Phinehas adi anak dari imam Eleazar, adi taban kayuh kayuh kudus so Bari TUHAN samŭn trompet trompet yŭn pakai di tika biperang.

DITRONOMI 29:24

Jadi ndi ong ong re siken, ‘Mani kah TUHAN ndai kayuh adi mun anŭ di tarun tana ngara? Ani bada Ayŭh raru baji?’

DITRONOMI 31:26

“Tambit surat ati adi yŭn Ukum-adat Tapa dog nuris, ka na-i sindŭk Pati Simanya TUHAN adi Tapa ngan, isa-i babŭ diginŭ ndu taksi di daya-I.

2 TIMOTHY 3:5

ngara bidigŭng di aran adat ta pak tirawan kuasa-i. Pijo adŭp mu so daya adi mun anŭ.

HEBREW 9:4

Darŭm-i agi mija-sambah mas yŭn mupun kimanyan ka Pati Simanya adi dog marut ngga mas ka brisi ngga tipayan mas adi brisi ngga manna, sikud Aaron adi prisok, ka duwŭh kiping batuh di yŭn Pinyipesan dog nuris.

JOSHUA 4:7

angān bisa kidaan di ngara nang piin Yang Jordan ngŭndŭr kan Pati Simanya TUHAN mutas-i. Batuh batuh anŭ re ari bada daya Israel ingat kayuh adi mbŭh jadi digiti.”

JOSHUA 6:6

Joshua bagan bara imam ka nang di ngara, “Tawid Pati Simanya, ka ju naan angān siŭn panu diŭ di jawin-i digen trompet.”

JOSHUA 7:7

Ka Joshua nang, “TUHAN Raja! Mani Kaam taban kieh mutas Yang Jordan? Batur ngga Mai ton kieh di daya Amor adŭ kah? An bada kieh kabŭs adŭ kah? Mani dŭh bada kieh pati ka rŭŭ di pah majeh Yang Jordan adŭ?

JOSHUA 7:8

Ani bisa ku nang, O TUHAN, amai madin Israel mbŭh ngundur bada pinganyu?

1 PETER 3:21

adi taŭn tandā pinatŭng baptisa adi nyiramat angān madin. Baptisa ati dŭh-i ngga ngu pŭrŭng ganan so kais rŭnŭk, pak-i janji ngan ka Tapa adi dog ndai so pikir-kira atin adi kana. Baptisa ati nyiramat angān so ka pinyimakat Jesus Kristus so kabŭs,

JUDE 1:5

Amai sunggu angān puan sopŭrŭg kayuh anŭ, aku raan kidaan isa angān dŭh kambŭt munki Tuhan ko pirupas daya Israel so Egypt, pak komŭnŭ Ayŭh pirabur ngara adi dŭh sabah.

1 SAMUEL 1:24

Kan anak anŭ mbŭh dŭh tia nyisuh, Hannah taban-i ngga di ka Shiloh, samŭn ndi pŭrŭng dari sapi adi gi-taruh sawa umbur-i, simŭng kilogram tibaduk, ngga ndi bŭrŭh-kurit puno ngga wain. Ayŭh taban Samuel, adi gibabŭ sŭ, di ka ramin TUHAN di Shiloh.

1 SAMUEL 14:18

“Taban efod kamati,” Saul nang di imam Ahijah. (Di andu anŭ imam Ahijah taban-i di jawin daya Israel.)

1 SAMUEL 4:2

Bara soldadu daya Philistine nyerang bara soldadu daya Israel, ka ripas bisaad ngara mbŭh ngarah bara soldadu daya Israel ka mbŭh siŭ kurang rabis pat ribu naan daya di tarun yŭn biperang.