1 SAMUEL 3:19 - Hakcipta - Biatah Bidayuh

¹⁹ Buang Samuel masang baga bigatung, TUHAN agi ngga ayŭh ka bada bitŭtŭk barang masam kayuh adi Samuel nang.

1 SAMUEL 3:19 ပူးပေါင်းရင်းမြစ်များ

TIBIRIK 21:22

Di tipuh anŭ Abimelech ayō Phicol, adi pingibās bara soldadu-i, di tudu Abraham ka nang di ayŭh, “Tapa agi ngga kuu darŭm sopŭrŭg kayuh adi kuu ndai.

TIBIRIK 28:15

Ingat, Aku re agi ngga kuu ka grindung kuu di tadŭ ka kuu di, ka Aku re taban kuu pari ka tarun tana ati. Aku dŭh re tingge kuu ndŭg ka Aku muko ndai sopŭrŭg kayuh adi Aku ko janji di kuu.”

TIBIRIK 39:2

Joseph mujur darŭm sopŭrŭg kayuh amai TUHAN agi ngga ayŭh. Ayŭh rŭŭ darŭm ramin tuan-i adi daya Egypt,

TIBIRIK 39:3

adi kiris TUHAN agi ngga Joseph ka mbŭh bada ayŭh mujur darŭm sopŭrŭg kayuh adi ndai-i.

1 RAJA 8:56

“Puji ka TUHAN adi mbŭh nggen di daya-I damai, nimun adi ko-I janji. Sopŭrŭg kayuh kana adi-I bijanji so Moses mbŭh jadi bitŭtŭk.

2 RAJA 10:10

Ati mbŭh kiren nang sopŭrŭg adi TUHAN mbŭh nang pasar bara sesang Ahab dŭh re dŭh jadi bitŭtŭk. TUHAN mbŭh ndai kayuh adi-I mbŭh bijanji so baba nabi Elijah.”

2 RAJA 15:12

Jadi meh janji adi TUHAN mbŭh ndai ngga Raja Jehu mbŭh jadi bitŭtŭk: “Sesang mu, ndŭg turap pat, re jadi raja Israel.”

2 RAJA 22:16

pinganang ati adi so TUHAN: “Aku re ngukum Jerusalem ka sopŭrŭg daya-i, sak adi dog nuris darŭm surat adi raja muko basa.

ISAIAH 43:2

Kan kuu mutas rawŭt adi tŭrŭp, Aku re agi ngga kuu; pinyusah mu re dŭh ngarah kuu. Kan kuu mutas apui, kuu re dŭh sau; pisuba adi bat adi dog kuu re dŭh kandam kuu.

ISAIAH 44:26

Pak kan urun Ku ninjau, kan Aku pait pinyisung bada pinandŭng atur kraja Ku, Aku bada atur kraja ngga pininjau anŭ jadi bitŭtŭk. Aku kidaan di Jerusalem nang daya re pari rŭŭ diginŭ, ka kupo kupo Judah re pari dog pijog. Kupo kupo anŭ re makat so tugung rakang tibawang.

ISAIAH 55:11

Simŭnŭ gŭh pinganang adi Aku piruah; ayŭh dŭh re dŭh ndai kayuh adi Aku mbŭh ngatur yŭn-i; ayŭh re ndai sopŭrŭg kayuh adi Aku pait ayŭh bada ndai.

MATTHEW 1:23

“Ndi naan dayung tibŭn re bite ka biranak ndi anak dari, ka Ayŭh re dog kadŭn Immanuel” (rati-i, “Tapa agi ngga ata”).

LUKE 1:28

Malaikat anŭ mandŭg tudu ayŭh ka nang, “Tabi ka kuu adi biberkat! Tuhan agi ngga kuu!”

LUKE 1:80

Anak anŭ dŭ dŭ masang darŭm pŭrŭng ngga darŭm roh. Ayŭh rŭŭ di tarun tana-pajam ndŭg ka andu adi ngga-i kiren adŭp-i di daya Israel.

LUKE 2:40

Anak anŭ makin baga buang bitambah bake; Ayŭh puno ngga pinyibijak, buang berkat Tapa agi ngga Ayŭh.

LUKE 2:52

Jesus makin baga buang masang darŭm pinyibijak, dog rindu Tapa ngga manusia.

2 CORINTH 13:11

Ka madin meh, bara dingan ku, harap angān bua sanang! Gruwŭn aran pimudip adi sukup kana; tunda pinganang ku ati; udip darŭm ndi itong ngga dingan ngan; udip darŭm damai. Ka Tapa pinyirindu ngga damai re agi ngga angān.

DITRONOMI 18:22

Kambŭi nabi minyu ngga adŭn TUHAN, ka kayuh adi nang-i dŭh jadi bitŭtŭk, angān puan nang anŭ dŭh pinganang so TUHAN. Nabi anŭ mbŭh minyu so ka pinyiraan atin adŭp-i, ka angān dŭh siŭn taru di ayŭh.”

2 TIMOTHY 4:22

Tuhan agi ngga simangi ngan. Pinyirasi-mandis Tapa agi ngga sopŭrŭg ngan.

JOSHUA 21:45

TUHAN bada bitŭtŭk sopŭrŭg janji adi Ayŭh mbŭh ndai ngga daya Israel.

AKIM 13:24

Jadi dayung anŭ biranak ndi anak dari, ka kadŭn ayŭh Samson. Anak anŭ masang baga bigatung ka TUHAN nyiberkat ayŭh.

1 SAMUEL 10:7

Kan kayuh anŭ jadi, ndai tadŭ tadŭ kayuh adi Tapa bada kuu ndai.

1 SAMUEL 12:2

ka madin angān mbŭh biyŭn ayŭh da nguru angān. Ka aku ati, aku mbŭh minyamba ka ubok ku mbŭh buda, ka bara anak dari ku agi ngga angān. Aku jadi pinguru ngan so aku gi-mara ndŭg madin.

1 SAMUEL 16:18

Ndi naan so daya gaji-i nang, “Jesse, so kupo Bethlehem adi biyŭn ndi anak dari adi pandai main musik. Ayŭh inŭh dari adi ramus buang pagan, soldadu adi kana, buang-i siradik gŭh minyu. TUHAN agi ngga ayŭh.”

1 SAMUEL 18:12

Saul taru David sabab TUHAN agi ngga ayŭh pak mbŭh tagan adŭp-i.

1 SAMUEL 18:14

ka mbŭh mujur di sopŭrŭg kraja-i, sabab TUHAN agi ngga ayŭh.

1 SAMUEL 18:5

David mujur di barang kraja pingandai adi Saul pait ayŭh da ndai, ka Saul bada ayŭh jadi pingubak yŭn bara soldadu-i. Anŭ pimunos asŭng daya Saul samŭn bara pingubak soldadu adi bŭkŭn.

1 SAMUEL 2:21

TUHAN nyiberkat Hannah, ka ayŭh biranak taruh madis anak dari dinge ka duwŭh madis anak dayung. Samuel masang baga bigatung sitadŭn ayŭh bituan di TUHAN.

1 SAMUEL 2:26

Anak anŭ Samuel masang baga ka dog rindu TUHAN ngga daya bagŭ.

1 SAMUEL 9:6

Daya-gaji anŭ nam, “Kajŭn dawŭ! Di kupo ati agi ndi naan daya adi kudus, adi raru stabi daya dieh sabab sopŭrŭg kayuh adi nang-i jadi bitŭtŭk. Ja di ka yŭn-i, amai kadŭ ayŭh bisa kidaan di ata tarun yŭn ata bisa dapŭd kaldi kaldi anŭ.”