1 SAMUEL 3:1 - Hakcipta - Biatah Bidayuh

¹ Di jaman anŭ, di tika anak anŭ Samuel bituan di TUHAN di ribo pingatur Eli, pinganang dŭh bagŭ mandŭg so TUHAN, ka kayuh adi dog kiris keya ka darŭm pŭmŭh raru jarang gŭh mandŭg so Ayŭh.

1 SAMUEL 3:1 ပူးပေါင်းရင်းမြစ်များ

MAZMUR 74:9

Sopŭrŭg tandā pinatŭng adi kudus yŭn ami mbŭh mating; nabi mbŭh mating tia, ka mating daya puan ndŭg sinde kayuh ati simuti.

PITAS 29:18

Bangsa adi dŭh biyŭn pinandŭng so Tapa inŭh bangsa adi ari biyŭn pito. Sanang inŭh ngara adi sita ukum-adat Tapa!

ISAIAH 13:12

Ngara adi babŭ udip re kurang so mas.

EZEKIEL 7:26

Pinyirusag re bitunda nyatŭk angān, ka agah arap re adu adu mandŭg. Angān re bada nabi nabi pinandŭng kayuh adi ngara diŭ kiris. Imam imam re dŭh biyŭn kayuh re-i ngajar di bara daya, ka bara nyamba re dŭh biyŭn pinganang pitayan re-i nggen.

1 SAMUEL 2:11

Komŭnŭ Elkanah pari mari ka Ramah, pak anak dari anŭ Samuel tingge di Shiloh ka bituan di TUHAN di ribo Imam Eli.

1 SAMUEL 2:18

Sitadŭn tipuh anŭ, Samuel pijuu bituan di TUHAN, nēn efod adi dog ndai so banang linen.

1 SAMUEL 2:35

Aku re mien ndi naan imam adi re tŭtŭd di Aku ka adi re ndai sopŭrŭg kayuh adi Aku bada ayŭh ndai. Aku re nggen di ayŭh sesang sesang adi re nyiraja jadi imam yŭn raja adi Aku mien.

1 SAMUEL 2:36

Tadŭ tadŭ so sesang mu adi gibabŭ udip re tudu imam anŭ ka mite duit ngga pinguman so ayŭh, ka mite adŭp-i turung bara imam, ramŭn gŭh ngga dapŭd pinguman.”

1 SAMUEL 3:15

Samuel babŭ di ambok ndŭg jawa; komŭnŭ ayŭh makat ka kuka tiban tiban ramin TUHAN. Ayŭh taru re kidaan di Eli kayuh adi-i kiris ka dingah adi keya ka darŭm pŭmŭh.

1 SAMUEL 3:21

TUHAN pijuu pinandŭng adŭp-I di Shiloh, di yŭn-I ko pinandŭng adŭp-I di Samuel ka ko minyu ngga ayŭh. Ka kan Samuel minyu, sopŭrŭg Israel nyiringa.