1 SAMUEL 29:3 - Hakcipta - Biatah Bidayuh

³ Bara pingibās soldadu daya Philistine kiris ngara ka siken, “Ani ndai daya Hebrew ati digiti?” Achish nam, “Ati inŭh David, pinurung Raja Saul di Israel. Ayŭh agi ngga aku mbŭh mua tian-i. Gi-bŭn aku kiris ayŭh ndai sarah so andu-i mandŭg ka yŭn ku.”

1 SAMUEL 29:3 ပူးပေါင်းရင်းမြစ်များ

TIBIRIK 14:13

Pak ndi naan daya dapŭd pirupas adŭp-i ka kidaan sopŭrŭg kayuh anŭ di Abram, adi daya Hebrew, adi rŭŭ sindŭk tŭngŭn kayuh pirapu' adi dog dapu Mamre daya Amor. Mamre ngga jurud-i Eshcol ngga Aner inŭh pambit Abram.

1 KRONIKEL 12:19

Kada soldadu so tibaran-asar Manasseh di ka parad David di tika ayŭh ngga bara daya Philistine di rawan Raja Saul. Sibatur-i ayŭh dŭh turung daya Philistine, amai raja ngara taru ayŭh nipu ngara darŭm adŭp-i babŭ parad ka Saul, jadi ngara pait ayŭh pari ka Ziklag.

1 KRONIKEL 12:20

Ngara ati inŭh bara soldadu so Manasseh adi di ka parad David di tika ayŭh pari: Adnah, Jozabad, Jediael, Michael, Jozabad, Elihu, ngga Zillethai. Di Manasseh barang naan ngara mbŭh pingubak siribu naan soldadu.

DANIEL 6:5

Ngara nang dupan adŭp-i, “Ata dŭh dapŭd jiroh arap Daniel ngga nyarah ayŭh adŭ-i kayuh adi tura ka adat-i.”

JOHN 19:6

Kan bara pingubak imam ka bara adi tukang jaga Ramin Tuhan kiris Ayŭh, ngara nang ngga sirŭŭn bana, “Masak Ayŭh di rigang! Masak Ayŭh di rigang!” Pilate nang di ngara, “Tambit Ayŭh! Adŭp ngan masak Ayŭh di rigang. Adŭp ku dŭh tungang dapŭd sarah-I adi yŭn ku re bisa ngukum Ayŭh.”

ROME 12:17

Kambŭi agi daya ndai sarah di angān, dŭhnyah gŭh ndai sarah ngga maras ayŭh. Suba ndai kayuh adi sopŭrŭg daya puan nang kana.

1 PETER 3:16

Pak nam ngara ngga duduh ngga stabi. Bada pikir-kira atin ngan bisig, isa kan angān dog pimangŭh, ngara adi kinarap urah-rakah ngan adi kana adi tunda Kristus, re mangŭh ngarun kayuh adi adŭp ngara ko nang.

1 SAMUEL 14:11

Jadi ngara bada daya Philistine kiris ngara, ka daya Philistine nang, “Tingga! Kada daya Hebrew mandŭg so rubang adi yŭn ngara bisukan!”

1 SAMUEL 25:28

Turung apun aku, tuan, kambŭi aku agi ndai sarah. TUHAN re bada kaam jadi raja, ka simŭnŭ gŭh bara sesang mai, sabab kaam biperang yŭn-I; ka kaam dŭh re ndai pingandai arap sitŭkŭd udip mai.

1 SAMUEL 27:1

David nang darŭm asŭng-i, “Ndi andu Saul re siŭ aku. Kana dŭ aku bu ka Philistia. Komŭnŭ Saul re dŭh tia jiroh aku di Israel, ka aku re siramat.”

1 SAMUEL 27:7

David rŭŭ di Philistia sitŭkŭd simŭng nŭm buran.

1 SAMUEL 29:6

Achish bagan David ka nang di ayŭh, “Aku bipayu ngga adŭn Tapa Israel adi udip nang kuu tian-ti tŭtŭd ngga aku; ka aku taŭn ngga sanang asŭng raan bada kuu sua ngga aku di perang ati. Gi-bŭn aku kiris kuu ndai sarah so andu mu mandŭg ka yŭn ku. Pak raja raja adi bŭkŭn dŭh nyibandar kuu sua.

1 SAMUEL 4:6

Bara soldadu Philistine dingah sirais ngara ka nang, “Dingah dudu sirais anŭ di bari daya Hebrew! Ani meh rati-i?” Kan ngara mbŭh puan nang Pati Simanya TUHAN mbŭh agi ndŭg bari bara soldadu Hebrew,