1 SAMUEL 28:15 - Hakcipta - Biatah Bidayuh

¹⁵ Samuel nang di Saul, “Mani kuu ngaso aku? Mani kuu bada aku pari?” Saul nam, “Aku ati mbŭh dog pinyusah bās! Daya Philistine mbŭh biperang ngga aku, ka Tapa mbŭh tagan aku. Ayŭh dŭh an nam aku tia, bait-i so baba nabi, puan kah so pŭmŭh. Ngapŭi aku bagan kaam, isa kaam kidaan di aku kayuh adi dŭh siŭn dŭh aku ndai.”

1 SAMUEL 28:15 ပူးပေါင်းရင်းမြစ်များ

MAZMUR 51:11

Dŭhnyah bada aku miyap so yŭn Mai; dŭhnyah kadi roh kudus Mai so aku.

PITAS 14:14

Daya arap re trima baras pingandai arap ngara. Daya kana re trima upah yŭn pingandai kana ngara.

HOSEA 9:12

Pak sunggu ngara mira biranak, Aku re tambit anak anak ngara, ka ndi naan mating gŭh re udip. Kan Aku tagan ngara, kayuh adi sipŭ re jadi di ngara.”

MATTHEW 25:41

“Komŭnŭ Ayŭh re nang di ngara adi tura ka bait-I, ‘Bu so Aku angān, angān adi dog pangu Tapa! Bu angān ka apui neraka adi mbŭh dog sidia yŭn Siarap ngga bara malaikat-i!

AKIM 16:20

Komŭnŭ ayŭh nyirais, “Samson! Bara daya Philistine mandŭg!” Samson burah ka bipikir, “Aku re pirupas adŭp ku mun adi barang nga-i.” Ayŭh dŭh puan nang TUHAN mbŭh tingge adŭp-i.

1 SAMUEL 18:12

Saul taru David sabab TUHAN agi ngga ayŭh pak mbŭh tagan adŭp-i.

1 SAMUEL 23:2

Jadi ayŭh siken TUHAN, “Bisa kah aku di nyerang daya Philistine?” “Bisa,” TUHAN nam. “Nyerang ngara ka nyiramat Keilah.”

1 SAMUEL 23:4

Jadi David siken di TUHAN dinge, ka TUHAN nang di ayŭh, “Panu di nyerang Keilah, sabab Aku re nggen di kuu pimanang ngarah daya Philistine.”

1 SAMUEL 28:11

“Asi re ku bagan yŭn mu?” dayung anŭ siken. “Samuel,” ayŭh nam.

1 SAMUEL 28:16

Samuel nang, “Mani kuu sah bagan aku pŭn ka TUHAN mbŭh tagan kuu ka mbŭh jadi pinganyu mu?

1 SAMUEL 28:6

ka ayŭh rasu siken TUHAN ani re-i ndai. Pak TUHAN taŭn dŭh adŭ nam ayŭh, bait-i pakai pŭmŭh, puan kah pakai Urim ngga Thummim, puan kah so baba nabi.

1 SAMUEL 28:8

Jadi Saul nyibabā adŭp-i; ayŭh nēn piraka bŭkŭn, ka kan andu mbŭh karŭm ayŭh di ngga duwŭh naan daya-i ka yŭn dayung anŭ. “Siken roh roh yŭn ku ka kidaan di aku kayuh adi re jadi,” ayŭh nang di dayung anŭ. “Bagan simangi daya adi aku nyabŭt dŭn-i.”

1 SAMUEL 30:6

David madin mbŭh dog pinyusah bās, sabab bara daya-i mbŭh baji di ayŭh amai anak anak ngara mbŭh mating, ka ngara mbŭh re an manjan ayŭh ngga batuh. Pak TUHAN Tapa nŭtŭd atin-i.