1 SAMUEL 27:12 - Hakcipta - Biatah Bidayuh

¹² Pak Achish sabah di David ka nang darŭm asŭng-i, “David ruai dog tiru daya Israel adi daya adŭp-i, ngga bada ayŭh re bituan di aku sitŭkŭd umbur-i.”

1 SAMUEL 27:12 ပူးပေါင်းရင်းမြစ်များ

TIBIRIK 34:30

Jacob nang di Simeon ngga Levi, “Angān mbŭh taban pinyusah ka aku; madin bara daya Canaan ngga bara daya Periz, samŭn ngara adi bŭkŭn di tarun tana ati re tiru kiris aku. Ata dŭh bagŭ; ka kambŭi ngara nguruk adŭp-i rawan aku ka nyerang aku, sopŭrŭg rawang ta ati re rarap.”

2 SAMUEL 10:6

Daya Ammon rada adŭp ngara mbŭh bada David jadi pinganyu ngara, jadi ngara ngupah 20,000 naan soldadu daya Syria so Bethrehob ngga Zobah, 12,000 naan daya so Tob, samŭn raja so Maacah ngga 1,000 daya-i.

PINYIRUAH 5:21

Ngara nang di Moses ngga Aaron, “TUHAN mbŭh kiris kayuh adi angān mbŭh ndai ka re ngukum angān amai angān mbŭh bada raja ngga bara pinurung-i tiru di kieh. Angān mbŭh nggen di ngara aran ngga siŭ kieh.”

1 SAMUEL 13:4

Sopŭrŭg daya Israel dog kidaan nang Saul agi siŭ pingibās soldadu daya Philistine ka daya Philistine mbŭh tiru di ngara. Jadi bara daya makat ka sua ngga Saul di Gilgal.

1 SAMUEL 27:11

David siŭ barang naan daya, dari dayung, isa mating daya adi tungang pari ka Gath ka kidaan ani sibandar-i kayuh adi David ngga bara daya-i mbŭh ndai. Anŭ inŭh kayuh adi David ndai sitŭkŭd ayŭh rŭŭ di Philistia.

1 SAMUEL 28:1

Mua tian-i ripas anŭ daya Philistine nguruk bara soldadu-i amai re nyerang daya Israel, ka Achish nang di David, “Taŭn kuu mbŭh mirati nang adŭp mu ngga bara daya mu re biperang ayō aku.”