1 SAMUEL 26:10 - Hakcipta - Biatah Bidayuh

¹⁰ Ngga adŭn TUHAN adi udip,” David nang, “Aku puan nang adŭp TUHAN re siŭ Saul, bait-i di tipuh-i kabŭs sadi adŭp-i puan kah di tipuh biperang.

1 SAMUEL 26:10 ပူးပေါင်းရင်းမြစ်များ

TIBIRIK 47:29

Kan tipuh mbŭh sindŭk adi ngga-i re kabŭs, ayŭh bagan anak-i Joseph ka nang di ayŭh, “Na tangan mu di asah pŭŭh ku, ka bipayu nang adŭp mu dŭh re kubur aku di Egypt.

JOB 14:14

Kambŭi manusia kabŭs, dapŭd kah ngara pari udip? Pak aku re adu adu kajŭn, kajŭn ndŭg tika pinyusah ati mbŭh ripuan.

JOB 14:5

Umbur manusia Kaam natu; kiang buran-i mbŭh Kaam miratak. Kaam mbŭh natu-i, ka-i dŭh dapŭd dog ngubah.

JOB 7:1

Pimudip manusia inŭh keya ka kraja-takan soldadu, keya ka pimudip jera kraja-bakar,

MAZMUR 37:10

Dŭm dŭh tui adi ginaka re miyap; angān re jiroh ngara, pak angān dŭh re dapŭd ngara;

MAZMUR 37:13

Pak TUHAN tawŭh daya adi ginaka, sabab Ayŭh puan ngara re rikas dog pirabur.

MAZMUR 94:23

Ayŭh re ngukum ngara amai pingandai ginaka ngara ka pirabur ngara amai dosa ngara; TUHAN adi Tapa ta re pirabur ngara.

EKLISIASTIS 3:2

Ayŭh natu tika adi ngga daya biranak ngga tika adi ngga daya kabŭs, tika yŭn nyipurun ka tika yŭn dimbut,

LUKE 18:7

Dŭh kah meh Tapa re an turung daya-I adi dŭh ko ko mite turung so Ayŭh sandu singarŭm? Re sais kah Ayŭh turung ngara?

ROME 12:19

Dŭhnyah maras dendam, bara dingan ku, pak nyerah-i ka darŭm tangan Tapa. Amai Surat-kudus nang, “Aku re maras arap ngara, Aku re ngukum arap ngara, Tuhan nang.”

DITRONOMI 31:14

Komŭnŭ TUHAN nang di Moses, “Kuu dŭm dŭh tui re kabŭs. Bagan Joshua ka taban ayŭh ka Bari Ku, isa Aku bisa nggen pinganang di ayŭh.” Moses ngga Joshua di ka Bari TUHAN,

DITRONOMI 32:35

TUHAN re maras ka ngukum ngara; tipuh re mandŭg kan ngara re rabu; andu pinyirusag ngara mbŭh sindŭk.

HEBREW 10:30

Amai ata puan asi Ayŭh adi nang, “Aku re maras dendam, Aku re rapas”; ka Ayŭh gŭh adi nang, “Tuhan re jadi arang daya-I.”

HEBREW 9:27

Barang naan daya dŭh siŭn dŭh kabŭs ndi sidah, ka komŭnŭ bisara di sirung jawin Tapa.

PINANDŬNG 18:8

Sabab anŭ meh, darŭm ndi andu ayŭh re dog nyatŭk susah-bās mun andam, pinyusah, ka apag. Ayŭh re dog badang ngga apui, sabab Tuhan Tapa, adi nggen bisara di ayŭh, inŭh bikuasa.”

1 SAMUEL 24:12

Isa-i TUHAN tingga asi so ata duwŭh manak adi sarah! Isa-i Ayŭh ngukum kaam sabab pingandai mai di tunduh aku, amai aku manŭn dŭh re kinaman kaam.

1 SAMUEL 24:15

TUHAN re tingga asi so ata duwŭh manak adi sarah. Isa-i Ayŭh nakit tingga kayuh ati, grindung aku, ka nyiramat aku so kaam.”

1 SAMUEL 25:26

TUHAN inŭh adi bada kaam dŭh maras ka siŭ bara pinganyu mai. Ka madin aku bipayu di kaam ngga adŭn TUHAN adi udip, bara pinganyu mai ngga sopŭrŭg adi raan kinaman kaam re dog ukum mun Nabal.

1 SAMUEL 25:38

Kira ka simŭng andu ripas anŭ, TUHAN tambit asŭng-i ka ayŭh kabŭs.

1 SAMUEL 25:39

Kan David dingah Nabal mbŭh kabŭs, ayŭh nang, “Puji ka TUHAN! Ayŭh mbŭh maras Nabal amai-i pimangŭh aku, ka mbŭh bitan aku adi urun-I so ndai sarah. TUHAN mbŭh ngukum Nabal amai arap-i.” Komŭnŭ David pait pinganang ka Abigail yŭn re tambit ayŭh ndu sawŭn.

1 SAMUEL 31:4

Ayŭh nang di sianŭ adi tukang digŭng sinyata-i, “Nyitak pedang mu ka siŭ aku, isa daya Philistine ati adi dŭh puan Tapa dŭh tawŭh aku ka siŭ aku.” Pak daya anŭ mbŭh ruai dŭh birani re ndai simŭnŭ. Jadi Saul nyitak pedang adŭp-i ka sagan adŭp-i dieh.

1 SAMUEL 31:6

Ka simŭnŭ inŭh Saul, ngga taruh madis anak dari-i, samŭn dari adi tukang digŭng sinyata-i, kabŭs. Sopŭrŭg daya adi ayō Saul kabŭs andu anŭ.